|
|
其實莫耶斯年代到現在愛華頓都"一事無成", 打唔到歐洲賽踢歐聯或歐霸? 為什麼莫耶斯年代我們球隊就算我們財困貧窮無錢買球員,球員質素比其他強隊差我們仍然可以"突圍"在聯賽積分榜頭半版出現,我們聯賽排名好多時緊隨BIG4或BIG6後面,
我們球迷交咗咁多學費不停"換領隊"現在還不知道未來要選擇什麼"名帥"做下任領隊嗎? 一定要學莫耶斯有能力可以"谷得起隊波", 莫耶斯雖然戰術保守又古板, 好多師兄都唔鍾意他, 夠得佢踢法好保守! 但我想問當你批評他時你們又有無想過佢的優點可能其他好多"資深的名牌教練"或冠軍教練都欠奉, 就是莫耶斯有能力谷起班球員的"士氣"同"狀態"KEEP到成季去到顛峰,一場半場KEEP到水準就好多領隊"神來之筆"間唔中威俾你睇就得, 但要經歷整季由頭到尾都要KEEP住狀態就好難, 虎頭蛇尾的例子我地球迷就見得多, 好似一個好騎師佢真是騎到盡發揮到一隻馬的最高水準俾你睇, 都要隻馬匹肯幫你"賣命", 韋斯咸今季為何由上年護級份子搖身一變成為前列份子! 某好大程度上是莫耶斯可以駕馭"食得住"班球員肯幫佢賣命, 莫耶斯戰術唔叻, 臨場調動亦唔見得比安察洛堤叻, 球員質素和球員身價和班費我們樣樣條件都比韋斯咸優勝, 點解我們排名低過他們, 入球數字得失球差遠遠低於他們咁多, 原因得一個, 莫耶斯谷得起隊波, 將球員的"最高潛能"發揮到淋漓盡致, 所以人地架"錢七"平價日本車都撼贏我們架"法拉利", 因為韋斯咸班球員肯幫莫耶斯"賣命""爭勝決心"好強連"飲奶力"都出埋, 莫耶斯可以KEEP到班球員打"士氣波", 就算球員質素唔夠但球員鬥志和誠意搭夠!
如果各位師兄問我選領隊的"擇偶條件", 我認為最重要是要學莫耶斯一樣可以"谷得起隊波", 安7今季的敗因是因為佢"谷唔起愛華頓呢隊波" |
|
發表於 2021-6-4 00:52:05
