愛華頓 2021-2022轉會討論區及賽季總結

Forever_Fan

witzz 發表於 2021-6-5 09:51
雲加，雲尼阿利，Favre，Rangnick，賓尼迪斯，干地係我嘅心水

雲加都退休啦，就算教波佢都話明唔教英超，雲里阿里都70歲啦，估計係森多利亞教多年都退休。Rangnick都六十幾歲還未離開過德國執教，我睇唔到佢會離開德國，離開也不見得立刻適應英超。

干地大把選擇，會去一隊歐洲賽都無，連安帥都走夾唔頭的球隊? 佢想做臭自己個朵咩，呢d名教頭通常選著名球隊係有原因的，風險度低，你估安帥都搞唔掂的球隊會有當打名帥來? 唔可能。

Favre每次都傳，雖然我都曾經話唔介意佢執教，但佢未經驗過英超，加上佢善攻不善守的風格，能否適應英超也是問題。賓帥係我的後補選擇，我首選老莫和馬仔，之後才是肥賓，我欣賞肥賓的戰術和排陣，但佢始終執教過隔離街，球迷的認受性唔高，所以雖然我欣賞佢，也只是排在第三位置

Forever_Fan

barker 發表於 2021-6-5 16:48
俾你地焗揀一定要二選一派路或纽奴 ？

兩個都唔要。

兩個其實都係無往績，派路踢波好唔代表乜。紐奴係狼隊之前一直都只是執教一兩年就玩完，仲要係低組別球隊，狼隊係佢第一次執教英超，但咁的往績同朗奴高文和Silva有乜分別? 好似最近執教邊隊邊隊幾好喎.....有分別嗎？

Forever_Fan

Fuko~ 發表於 2021-6-5 16:21
Everton talking to at least 5 people at the moment: from what I know that is Nuno, Moyes, Fonseca, T ...

講真，5個人裡面只有老莫和肥賓有往績，其餘3個其實無乜往績，紐奴講左一直執教低組別球隊，係最近狼隊好少少但也完全無說服力。

Ten Hag 咪又係帶過荷甲之流，之前英超有幾多個所謂荷甲冠軍領隊，來到英超就個個一季就被炒，可見荷甲冠軍領隊的頭銜又有幾多含金量?

Fonseca的話，點解我唔揀肥賓? Fonseca主要係葡萄牙執教，後來去烏克蘭執教，然後去意大利，佢的經歷應該可以帶到一些新經驗俾球隊，但佢主要執教經驗都係2流聯賽，只是最近執教意甲才接觸一流聯賽，但成績也只是不過不失而已，來英超能適應嗎？

到最後只有老莫和肥賓，講真，老莫合約未完又有歐洲賽打，叫佢過來除非佢對愛華頓好有感情之餘仲要標叔叔大打人情牌才有可能。叫肥賓執教現實好多，但係愛隊球迷認受性來講較低，其實十幾廿年前執教過隔離街姐，已經係老黃曆的事情了，何必太在意? 佢都係打份工姐。

Forever_Fan

barker 發表於 2021-6-6 01:09
肥賓去土耳其教費倫巴治 , 我地似乎睇漏左一位候選領隊人選, 就係白禮頓領隊樸達 ...

請問有官宣未? 未有的話肥賓就等於執教費倫巴治?

Forever_Fan

barker 發表於 2021-6-6 01:52
有無睇過白禮頓領隊樸達的實力？

我真係覺得樸達又好，紐奴都好，其實同當年的Silva之流有乜分別? 全部都係一個unproven manager，然後賭佢其實潛力無限，賭佢係一隻潛力股，但十個呢d所謂潛力股，最後能夠跑出的可能十分一也沒有，揀佢地我們要花幾多時間才有可能賭贏一次?

Forever_Fan

barker 發表於 2021-6-6 02:14
樸達好似莫耶斯當年來到愛隊的初期咁

依家仲係當年窮到唔賣球星都無錢買人? 頭先嗰幾個全部都係一直無乜成績，多數係低組別打滾，然後偶然帶隊英超，所謂好也不過可能係無降班而已，白禮頓今季差點降班，排16，吹捧個教頭做咩? 狼隊一樣無乜好成績，炒左紐奴，其實搵佢地咪同當年搵RK和MS教一樣，都係履歷乏善足陳，然後帶一隊英超隊不太差，咁就俾moshiri請做領隊，我當年請呢2人時已經係呢度講，完全無往績，唸唔到請佢地的理據，結果係點大家都知啦。

Forever_Fan

kmman 發表於 2021-6-6 12:36
紐奴幾好， 之前教過波圖華倫西亞， 上季走咗迪亞高祖達，占美尼斯爆頭重傷先用個18歲前峰頂成季。暫時人選 ...

華倫佢教成乜成績先? 第一季下半版結束，教第二季半季都無就被炒，波圖都係教一季玩完。佢叫做係狼隊做得比較好，咪就係好似MS和RK嗰條路，係對上一隊做得比較好，然後呢? 我係希望佢至少有兩三隊教得好些的履歷都唔過份吧? 我地又唔係窮到無錢請好d的領隊，有少少要求都正常吧?

Forever_Fan

Fuko~ 發表於 2021-6-6 12:09
紐奴冇成績又唔算bo...連續兩季第七，歐霸4強。
我比較唔鍾意佢可能要求買一堆葡藉人多啲。 ...

狼隊差不多3分1係葡國兵，Nuno係葡超打滾太耐，加上佢係葡籍，搵同聲同氣的球員無可厚非，但搞到差不多3分1隊葡國兵又過份左d，以佢咁偏的用人方向唔通來到又來一次大清洗? 又要動盪多幾年，然後一炒又留下一堆冗員，就好似RK之禍，要知道佢除左係狼隊，基本一兩年就被炒一次，我反而希望新領隊可以用英籍球員為主體建立球隊，配合個別關鍵位置的高質外援為副。

Forever_Fan

witzz 發表於 2021-6-6 18:16
撇除好多葡萄兵，狼隊簽啲人好過愛隊多多聲，Neto，Traore，Neves，Jiminez，Patricio ...

除左老莫和馬仔年代，我地簽人有好過咩? Sad.....

Forever_Fan

Everton2018 發表於 2021-6-6 20:21
我覺得大邓都好大机会

Moshiri未必咁唸，我覺得佢可能會讓大鄧做領隊，但未必係呢刻，如果安帥做滿3到5年，接手的可能係大鄧，放佢係安帥旁邊都係希望佢學下師，可惜安帥咁快離開，我估大鄧仍然係未來的領隊，但未必係呢一刻