請選擇 進入手機版 | 繼續訪問電腦版

香港愛華頓迷討論區

 找回密碼
 立即註冊

QQ登錄

只需一步,快速開始

搜索
樓主: barker

FA CUP 第三圈 vs 洛達咸 ( 主場 )

[複製鏈接]

5

主題

5578

帖子

1萬

積分

拖肥球星

Rank: 8Rank: 8

積分
14660
發表於 2021-1-10 01:20:17 來自手機 | 顯示全部樓層
barker 發表於 2021-1-10 00:41
借 rabiot 頂替 AG, 等 Allan 復出希望會好返

Allan其實也不算很好,只叫做好過高美斯而已,中場一直搵唔到一個啱的人,傳送有威脅暫時只有李察利臣,但不可能將佢放中場中,施古臣最近傳送有改善,但佢的缺點明顯,速度慢,節奏慢,又係難搞。
回復 支持 反對

使用道具 舉報

119

主題

6842

帖子

1萬

積分

拖肥球星

Rank: 8Rank: 8

積分
18886
 樓主| 發表於 2021-1-10 01:35:37 來自手機 | 顯示全部樓層
twitter 講傳我地斟緊一位 19 歲厄瓜多爾中場新星 Moises Caicedo, 他踢法好似車路士簡廸
回復 支持 反對

使用道具 舉報

14

主題

799

帖子

3759

積分

拖肥主席

Rank: 9Rank: 9Rank: 9

積分
3759
發表於 2021-1-10 01:55:36 | 顯示全部樓層
1) 成場波擺明ancelotti試單防中+控波用波型中場中,2個中場中打法。結果失敗。

2) 破天荒james+sigurdsson類似雙攻中,結果中場速度低、對抗性不足、制空無。結果失敗。

3) tosun等同之前naismith, jelavic,只適合打雙前鋒。

4) 中堅Branthwaite第一次踢英超就攞MoM,點知之後機會全無,ancelotti真心要考慮呢位高手;holgate傷癒後機會太少;反而godfrey大把機會。唉…
Paul Tierney and VAR referee Chris Kavanagh are piece of shits
回復 支持 反對

使用道具 舉報

3

主題

620

帖子

2499

積分

拖肥隊長

Rank: 6Rank: 6

積分
2499
發表於 2021-1-10 02:19:39 | 顯示全部樓層
呢兩三個月以來,隊波的進攻未曾改善過。老問題仍係…慢。傳送慢、走動慢、甚至無人走動…

講到無氣。
回復 支持 反對

使用道具 舉報

4

主題

797

帖子

2764

積分

拖肥隊長

Rank: 6Rank: 6

積分
2764
發表於 2021-1-11 10:38:45 | 顯示全部樓層
reedlo16 發表於 2021-1-10 02:19
呢兩三個月以來,隊波的進攻未曾改善過。老問題仍係…慢。傳送慢、走動慢、甚至無人走動…

講到無氣。 ...

呢個絕對係老掉牙問題。
必需要指出,其實我地手頭上呢班球員.....有部份並唔係質素或踢法唔得,而係套入愛華頓呢隊波時,搵唔到一個適合自己的踢法。或者簡單D 講,愛華頓O既進攻套路某程度黎講係無套路可言。

以下球員可以做例子︰
KEAN - 好明顯佢係有速度同技術唔錯O既前鋒....但佢踢法唔係盧卡古果類一條友硬爆,而係特別要中場或翼拉開個進攻線比佢埋門......宜家佢O係PSG 又踢到風山水起.....當然PSG 有尼馬, 迪馬利亞呢D 可以為隊友制造空間O既隊友.....佢再用速度入涉埋門。可惜O既係愛華頓完全唔係一隊控傳快速.....用速度撕開對手防線O既球隊,結果佢黎到真係非常難適應。

禾確特- 大家睇下佢O係修咸頓.....完全有信心去推波爆,而O係愛華頓,佢連現身拎波O既信心都無,點解?當然我唔係話佢愛華頓無比機會佢去踢....事實上我地好多時係期望佢O係右路可以帶動到D 野比隊波....但事實上好多時都失望。歸根究底,佢在陣時我地個中場中路根本係空洞洞....莫講話比個直線佢去打反擊,甚或中場要拎個波去組織都有問題。結果我地只會見到禾確特不斷游走O係中前場,好D O既會回防做迫搶,差D 時就只係得個企字。

再講早兩年中場點差已經無乜意義,集中講今季︰
領隊(或者求其搵個識波O既球迷都睇到) ,中場中路必需要加強。結果阿倫同杜古希黎到,事實上呢2位係有表現O既。多次強調阿倫能夠O係意甲數據上做到中場攔截數量TOP 5 ,呢D 絕對唔會係流O既,而季初佢表現真係亮麗....但之後狀態有高有低,亦同球隊整體傷停有影響。你問我,佢踢法會比基耶更適合我地,基耶無錯係好勤力,但早幾年我亦講過如果以一個純防中黎講,基耶位置感唔強,無錯佢係滿場飛,但要作為後防第一度屏障黎講 (或者要作為當年愛華頓第一度屏障) 係唔太理想。因為佢一走開,空位就出現。( 呢D 當然唔能夠怪基耶,而係整體隊友無一個好配搭),所以相比較下,一個位置感同控球能力較強O既阿倫無錯係較可信。我地中場好需要呢類型球員。----> 阿倫15碼內O既傳送.....絕對唔差.....唯一話佢差DO既係缺少30碼外長傳.....或者講佢禁區頂遠射能力比較缺乏。
到杜古希,大家先唔好當左杜古希係卡卡黎用,佢始終只係屈福特中場入邊表現較突出果個。杜古希優點係體能好,跑動範圍大,呢點可以同阿倫做互補.....另佢有身高優勢,呢點' 硬度' 係愛華頓中場長期缺乏O既。而且佢後上入涉功夫都有....呢樣係近年我地中場少有O既....當然杜古希缺點好似有時D 比波比較無尺寸,同保護皮球能力唔太高,長傳遠射同樣弱。但點都好.....如果阿倫同杜古希無傷停...鎮守中路至少會係比較穩定。.....

中場穩定後大家可以再去考慮進攻。究竟愛華頓要靠咩入波?
1) DCL 絕對唔係一個自己搵食的前鋒︰佢要靠搶點,所以傳送準確係愛華頓制造入球O既重中之中。邊個正選有傳送能力?
- 占士----狀態好時...占士可以O係死球....右輔位或左輔位兩邊傳波入禁區比DCL。
- 甸尼-/ 高文--- 左右路殺落底線傳中( 或兩隻閘自己上黎射)
- 李察尼臣--- 靠傾左路個人突破後餵波比DCL
2) 李察利臣個人突破.....球隊唯一一個有技術同速度個人可以突破破門
3) 占士遠射(但占士速度明顯係慢,要佢宜家生波遠射入除非狀態好FIT,否則幾難( 後備有施格臣都可以做到遠射或入禁區射門)
4) 到最近杜古希後上支援
5) 中堅上黎頂死球或角球
# 除左呢幾種方式外,球隊進攻上無其他方寸。


回復 支持 反對

使用道具 舉報

4

主題

797

帖子

2764

積分

拖肥隊長

Rank: 6Rank: 6

積分
2764
發表於 2021-1-11 11:10:03 | 顯示全部樓層
其實我地隊波有2個相對助攻力唔弱O既閘位.....其實無理由進攻上效率咁低O既。
以今場波為例,對住水準只係英冠O既....我地O係組織進攻上居然比對手比左下去,我地可以細緻D 去硏究。

當領先一球比對手壓住打時.....正如大家指出,我地2個中堅收得好後,堅尼同葛菲基本上企龍門旁幫手開波....但留意到兩閘好少支援 ( 必需指中高文同甸尼今波狀態真係好麻麻) 中場只有戴維斯肯現身拎波....所以好多波兩個中堅基本上係近乎合埋眼就扔上中場.....占士/ 高美斯/ 戴維斯由於都係速度唔高......只要D 波唔係到腳,佢地基本上拎唔到,.就一拎波就比人焗死。占士就算有技術護到波....但如高文唔識得拎波推前或者左路無空位比占士轉左路扔上去....D 波就好易甩。所以果段時間真係睇到球迷爆晒粗......哥頓, 一個19歲但完全隱左型O既球員.....有幾次見左路甸尼比對方個長人右翼硬爆....但哥頓完全幫唔到手.....當然伊禾比O係右路同樣係踢到不知所謂。究竟O係2隻閘能上前助攻O既陣容下,我地左右翼應該如何取捨?

今場波幾明顯見到領隊係想打造一個適合占士用O既陣容。
                   杜遜
哥頓                              伊禾比
         高美斯       占士
                   截維斯
甸尼      堅尼     葛菲        高文
                   奧臣
# 幾明顯係2隻閘刻意唔太上.....打造返一條相對企位較平排O既防線.....2 邊進攻就由哥頓同伊禾比去做.....。中場原意係戴維斯做搶截,高美斯配合控球.....再由占士嘗試分波比左右路或杜遜.....邏輯上係可行....但係運作出黎遇到2個大問題....首先係當對方壓上黎時....我地成條防線由於縮得太後....令中場拎波好困難....加上中場因此同前鋒距離拉遠....而最大問題黎自左右翼走動太少......佢地只係收自己O係兩邊.....完全無移入中間幫手迫搶....結果形成前邊3個球員領先一球下近乎有20分鐘係無波惦。因為大部份波係中場已經比對方焗斷晒。占士復出究竟隊友要點圈繞佢踢....呢個係今季球隊究竟可以行到幾遠O既關鋌。

回復 支持 反對

使用道具 舉報

4

主題

797

帖子

2764

積分

拖肥隊長

Rank: 6Rank: 6

積分
2764
發表於 2021-1-11 11:43:21 | 顯示全部樓層
如果球隊要爭前四,以宜家O既陣容,我會講以下一定唔可能踢正選︰
伊禾比------> 右中場究竟要點安置......領隊要盡快確定。
占士一定唔係踢右中場O既理想人選.....

                                                                    DCL ( 杜遜)
李7 (哥頓或賓納特都唔夠準準打後備)               占士 (施格臣)                        XX ( 正選或後備都缺)
                                                     阿倫                杜古希 ( 戴維斯/ GBAMIN/HOLGATE 可考慮後備)
甸思 (安高古)                               堅尼                米拿 (葛菲/BRANTHWAITE 可後備)                 高文(HOLGATE / 戴維斯後備?)

## 賓納特, 安達高美斯, 伊禾比, 莊祖堅尼, 哥頓, 德夫, 比錫同保拿斯------> 呢幾位真心問我....我覺得有價有市的就好快D 賣走。
賓納特後備入黎好多時都係踢高張波.....
安達高美斯.....你問我佢上場上半段踢得好差.....之後杜古希落左黎推前佢半格佢係打好左(至少搶波時硬淨左)....但如果真係要佢打前半格做一個進攻球員....佢真係唔識得比波....永遠只係識得COOL 住個波左擺右擺.....同埋我對佢面對面2碼都要彈返個波比隊友果種行貨波睇到眼火爆....佢係唔論隊友究竟個企位係咪安全都係選擇2碼回波果類黎。
伊禾比唔使講啦.....打5 場有1 場神來之筆.....有Q 用咩?D 波底弱到.....我覺得佢拎波果下球感似盧卡古.....但佢無盧卡古O既爆發力同身型....結果D 波落佢腳九成甩....同埋如果佢傳中技術好都仲有留O既價值.....問題係佢傳中質素又係差到......傳十球唔知有無2 球到位O既....想點?
莊祖堅尼.....欠身型....速度亦平凡,其實身型速度都係其次.....之前睇佢連20碼傳送腳力都好似唔夠.........打閘位....唔要你助攻....要你大腳清....至少你要似希拔.....一腳踢到30 多碼.....你連呢樣都做唔到.....。身型唔夠我都希望你健身變大隻.....至少硬淨....出腳狠.....好似卡魯士....但莊祖堅尼真係一般。你唔太隻...速度唔飛快....但睇下甸尼.....雖然防守上佢都比D 速度型或大隻佬爆....但佢進攻上傳送準....傳短走位亦聰明....以攻代守.....至少唔會太蝕張。
哥頓.....我承認佢有一定個人質素.....但一個只係打職賽杯足總杯閃一閃O既球員.....19 歲唔再係籍口。佢身型踢法似傑斯同麥馬拿文....不過佢觀讀球賽能力同同隊友配合O既表現唔得....如果佢O係愛華頓宜家欠翼鋒時都無辦法証明自己...無辦法把握機會.....佢只會不斷被外借.....與其借幾年比人到最終越踢越沉....倒不如快D 賣比D 大球會。
德夫.....普通料....賣得
回復 支持 反對

使用道具 舉報

您需要登錄後才可以回帖 登錄 | 立即註冊

本版積分規則

Archiver|手機版|小黑屋|香港愛華頓迷討論區  

GMT+8, 2024-3-29 18:50 , Processed in 0.048386 second(s), 7 queries , Apc On.

Powered by Discuz! X3.2

© 2001-2013 Comsenz Inc.

快速回復 返回頂部 返回列表