EPL 作客李斯特城 sunday night

Forever_Fan

黑仔到FA Cup第三round 竟然抽到利記，都好的，集中精力護級

barker

from BV odds : 河床主帥 Marcelo Gallardo 執教愛華頓賠率由原先 16/1 狂跌到 5/1

leonkit

killersmiling 發表於 2019-12-2 16:01
Tom仔，我留意佢好耐，上半埸有氣有力就頂到兩咀，但下埸就好快謝，但仲有一重大缺点，就係好多次交失波， ...

呢個陣對佢有D吃力
正選無個正式既防中
好難踢

Forever_Fan

barker 發表於 2019-12-3 08:21
from BV odds : 河床主帥 Marcelo Gallardo 執教愛華頓賠率由原先 16/1 狂跌到 5/1

我唔認為係要護級的情形下會請一個無英超經驗的領隊

laukarwing

aeroplane602 發表於 2019-12-2 16:46
如果冇放走比錫 你地估佢打唔打救到silva

我估佢地打救到Silva。

toffeeweb

Forever_Fan 發表於 2019-12-2 16:35
我同意你，Tom的確質素有限，佢有材有些單薄，傳球唔夠毒同準，勤力係勤力，但視野唔夠通透，當然佢仲後 ...

我都留意tom仔
佢算係有energy 但唔係D硬朗逼搶型中場
有點像卡華利 如果有件防中係佢身後 先可以解放到佢
希望基巴文可以快D後出

同埋自從冇左基爺
中場就算用左tom仔 佢加冰島神 防守真係得啖笑
好多時中場逼搶 勤力有餘 但係經常2個一齊撲落同一個對方球員度 攔截時間同選擇已經唔係好 一齊撲就一齊失晒位 上半場李城中場中已經唔只一次可以輕鬆攞波轉身面對我地D中堅

Fuko~

leonkit 發表於 2019-12-3 09:22
呢個陣對佢有D吃力
正選無個正式既防中
好難踢

根本邊個教都差不多，問題係中場傷哂個度，係礙於成績先要諗炒唔炒...唔好以為換咗領隊即刻冇事...唯一係走左件黑氣石，會唔會轉運...

leonkit

Fuko~ 發表於 2019-12-3 10:04
根本邊個教都差不多，問題係中場傷哂個度，係礙於成績先要諗炒唔炒...唔好以為換咗領隊即刻冇事...唯一係 ...

MS真係好黑仔...
FA cup中埋 對面街

愛華戰士

其實宜家打左14場波.....拎住14分，排尾4....同尾3差2分；同前半版都係差2-4 分，講真，唔好再諗咩杯賽住啦，專心打好聯賽好過啦。
聯賽已過左1/3，可幸的係未有被拉得太開，但估計下半季賽程都係粒粒皆辛苦。

基巴文/ 德夫/ 高美斯全傷.....呢個當然係一個踢唔出穩定足球的原因之一，但其餘球員如何現況下的起心肝去打返好至係關鍵。
究竟點樣善用佢地的長處同改善弱點....係黎緊不論邊位領隊都要正面解決的問題︰(集中討論中後場)

碧福特︰今季感覺他場場都食左興奮劑般，好幾場企位都發覺佢唔太合理，同埋佢成日開快波.......想打反擊....如何小心改善控球權，要認真同隊友夾下。

甸尼︰走上走落，依舊落力，但今屆落底出波成功率下降，估計係比對手洞悉了，當然我地仲需要佢的罰球遠射；今屆有幾次防守甸尼都被人明爆，防守上封位同硬淨度不足要改善。
MIRA︰對佢身型好有期待，但佢企位唔太聰明，而且真係要佢同對手硬碰硬爭位爭頂時....佢又唔見得太硬淨，做唔到一柱擎天。( 或者要用論盡黎形容佢)，而死球時上前助攻的能力亦唔高。---> 對面街雲迪克今年長傳明顯有改善，但MIRA D 對角線長傳我感筧上係比較缺。
米高堅尼︰唔使點形容，今年睇佢無晒信心無晒比賽狀況。無速度，無硬淨度----> 唔提升個人競賽狀況的話，唔能再用。
HOLGATE︰呢幾場有份落場帶到D 新元素比隊波.....佢相對上出腳較果斷同有活力，同埋佢夠信心帶個波上前。下半年如果佢專心做防守，加強對抗性，我覺得佢最適合打正選。
薜迪比︰每場都有D 似樣攔截/ 什至助攻，( 但同時感覺上佢狀態唔可以帶到全場) ---> 始終隊波受壓時防線出現比較大的混亂，中後斷出現跌WATT 又唔能夠太怪佢。---> 如果高文用得，我認為甚至先比薜迪比試下打防中可能會有一個可以接受的效果。始終佢算有身型同硬淨度較高。

防中︰
拜恩斯︰強烈建議考慮用拜恩斯試打
舒拉達連︰----> 掛牌賤賣
湯戴維斯︰有球商，但找不到自己最合適的位置。 踢小型球....穿花蝴蝶果D 得，但唔係踢大波的踢法。----> 你踢中場究竟係攔截 (簡迪型)，係爛打型(沙華治) ，係帶波突破連系(伊斯高)，係控球分波(恩尼斯達)，係遠射(謝拉特)，定傳送型(沙比阿朗素)？.....湯戴維斯仍然唔知自己點踢中場。

Forever_Fan

leonkit 發表於 2019-12-3 10:20
MS真係好黑仔...
FA cup中埋 對面街

咪當專心護級羅，以我地現時人腳根本開唔到幾條戰線，瘀血就無清到留係隊，有等於無，打得吓的後備又借走哂。老實講，自從有DoF制度之後我都唔覺有乜好處，買賣或借走球員我都覺得做得差，入水貨又多，入好野又少，瘀血又清唔走，季中一有傷病就發覺得返d瘀血，板凳無哂人