作客重“槌”

evertonlife

好耐無睇過一場由頭帶到尾，極有說服力嘅愛華頓比賽。老實講，睇到咁樣嘅質素，非常賞心悅目。
當然，無諗過韋斯咸失準得咁利害。
中前場由守到攻，GOMES同BERNARD的串連真係一流，波底好高；RICHARD同COLEMAN尋日直頭令對方左路淪陷咁滯。
睇到球隊作客打到咁樣嘅質素，只希望剩下嘅六場聯賽可以保持穩定同鬥心，對BIG SIX賽事可以同佢地拗手瓜，咁我亦唔一定會話要SILVA OUT，球隊嘅嘢，都一定係要睇戰績。
如果季尾打番起，見到用人係合理同埋個FORM做到攻勢，守波亦開始穩健番(這兩場都CLEAN SHEET)，我唔介意SILVA有多一季時間，始終真係幾年間換咗幾個領隊，令到球員嘅轉換失晒預算。
只有一樣嘢我必定不同意：就係搵摩連奴帶隊! 佢會徹底令愛華頓由球會形象直插入谷底，同埋佢自己都見晒底，唔會覺得佢有幾好。