星期日夜場 Merseyside derby 作客利狗

愛華戰士

只能講....今場其實作客打落唔太輸蝕，上半場我地有幾下反擊如果把握好D 其實可以領先。( 高美斯近門頭搥；李察利臣半單刀機會如果選擇唔扣而直接射門)
當然上半場對面都有一兩下其實我地唔輸都係好彩
係初段我地無左節奏，之後打落係OK O既
之但係領隊如何配置李察利臣係本季我地行到幾遠O既一大X 因素。.....如果放左邊.....佢可以多上腳....但近幾場其實李察利臣上腳未必對進攻帶到好大幫助....如果比佢做單箭頭.....感覺上除左梅開二度果場佢勝任之外，之後的發揮又唔見特別好....

碧福特其實今屆有唔少比賽已經係咁樣.....佢係有團火....但好多時見佢係唔太集中
輸呢球....我地唔可以話怪佢太多....因為中間運氣成份都幾大......個波高位跌落....中外楣( 唔彈出界已係一個運氣).....仲要彈多一下楣.....之後彈返入場內.....比人執雞....呢幾下真係仲難過細哨射門楣.......。但大家鬧碧福特亦無錯....你一位20歲年青門將.....呢場打比戰其實都清楚絕不能給對手那怕係一個機會.....我地知道佢其實想接個波唔輸角球.......但佢對自已信心太高....認為可以接到個波.( 而事實佢跳起時間係唔正確----- 即判斷錯誤)...所以佢成個判斷係無打算單手打個波出底線......

不敗走勢告終.....唯有希望下場班波可以更集中精神去爭勝

wahton

ngkk821 發表於 2018-12-3 20:13
加維臣，卡斯利，AJ。令人懷念。

我唔知個位師兄既意思係咪講緊三個同場，因為加維臣離隊後aj先加盟，應該冇可能三人同時踢愛隊喇，anyway呢三個光頭佬我都好鐘意 ：）