愛華頓轉會討論區 2015-2016球季

barker

Everton U 18 win Dallas CUP CHAMPION

Forever_Fan

barker 發表於 2016-3-28 12:10
everton twitter 傳得好行

我的選擇同之前一樣無變：

首選：希汀克
次選：莫耶斯

前題睇馬仔有無足總杯，有的話應該未炒住

Fuko~

Forever_Fan 發表於 2016-3-28 13:07
我的選擇同之前一樣無變：

首選：希汀克

其實希汀克帶球會的成績唔算標青，而且年紀又唔細，我唔認為佢適合我地。
莫耶斯都係個句，我就唔想睇番幾年前個種死守到最後的足球...再講佢都唔識駛錢。

真係轉領隊的話，我諗大家比較想要一個識帶打防反的領隊。
符合大家期望可以守得又攻得...
順帶一提:馬仔而家勝率有成44.8%比老莫的42.08%仲要高...
雖然大家帶的場數差好遠，資源都差好多，但馬仔差唔係想像中禁差。

niclas

老板要炒人，唔需要乜理由架！老板就系要贏，要收入，要市場！
馬仔可能賽季完就走啦！

evertonfan1986

我有興趣搵 COCU, 帶隊 PSV 有聲有色, 打歐聯都唔差
同埋 柏歷堅尼 係米佢有份買人, 成日搵D水貨番來, 我唔想愛記做水魚

Forever_Fan

希汀克執教經驗豐富，有往績有威望，而且對紀律性要求高，而且會針對每隊球隊特點施教，唔會一本通書睇到老，年齡係我唯一的考慮。老莫識唔識使錢我唔知，因為舊時球會根本無錢比佢使，但我知佢識買人，青訓也算重視，戰術經過唔同聯賽的體驗，也可能有進步，佢係西甲也唔係只懂防守

barker

Forever_Fan 發表於 2016-3-28 15:35
希汀克執教經驗豐富，有往績有威望，而且對紀律性要求高，而且會針對每隊球隊特點施教，唔會一本通書睇到老 ...

柏歴堅尼下季希望留在英超, 就算教一支無歐洲賽的英超球隊都肯, 言下之意 ?

evertonfan1986

希汀克好似差唔多要退休, 搵個後生D 好似比較好
傳有與趣 Arjkadiusz Milik, 尼個好野來, 隨時係新利雲

barker

evertonfan1986 發表於 2016-3-28 16:15
希汀克好似差唔多要退休, 搵個後生D 好似比較好

Ajax or PSV manager

Fuko~

Forever_Fan 發表於 2016-3-28 15:35
希汀克執教經驗豐富，有往績有威望，而且對紀律性要求高，而且會針對每隊球隊特點施教，唔會一本通書睇到老 ...

唔認同你呢個觀點...
第一，我地球隊明顯冇以前禁缺錢，已經唔係好需要話4M買個球員博升值。
你要呢D的話，冇可能顧得到個成績。
其實，唔好講阿迪達卡希爾同埋拜恩斯呢D球員，你望下老莫玩死幾多個前峰?
BILY仔古堡都係水貨之一...同埋老莫根本唔夠馬仔禁重視年輕球員，好多都係迫到埋身，靠班細自己努力先上到位。
你諗下你當年鬧高文仔，點樣話要用拔爺?

離開左愛記之後，老莫教過曼同皇家蘇斯達，俾曼聯炒我覺得係唔好彩。
但皇家蘇斯達，勝率得28.X%，你肯定佢有進步?

我唔介意老莫番黎，但而家大家想要的係一個可以帶領球隊拎冠軍的教頭。
我可以好肯定講，而家的莫耶斯仲未合格!
希望佢的下一站會係德甲...我深信佢經歷多D，番黎的時候一定可以帶到我地拎冠軍。
但對佢對我地都肯定唔係而家。