週日晚十點場 vs 車路士 ( away ) 連續四場難打聯賽第三關

barker

Everton_ 發表於 2020-3-9 19:00
有歐霸打都偷笑

一日愛隊未攞到 40 分或以上 ( 英超傳統護級安全線 ) 我一日不會放心

leonkit

唔明點解雪mina 2場
係咪比買家睇版放走MK?

ginger

Fuko~ 發表於 2020-3-9 18:23
安76不斷ROTATE對中堅，反而尋晚唔出番MINA有D奇怪。
MINA雖然都有甩漏，但佢唔會打落風波個陣更加廢... ...

始終依幾場都對強隊，係真係唔明76點出人，好明顯mina一定係好過堅尼，除非有傷。另外對轉數高的車明顯賓納特同冰島神唔可以一齊出，寧願出鵝比衝下搏下好過啦

Fuko~

ginger 發表於 2020-3-10 13:36
始終依幾場都對強隊，係真係唔明76點出人，好明顯mina一定係好過堅尼，除非有傷。另外對轉數高的車明顯賓 ...

上一場，佢出keane，係因為修夫基黎睇比賽，我都仲明。反而呢場唔用mina真係唔明...
如果你話出MINA都失唔少波，禁係因為本身條中場防守太差JE。
但踢落起碼MINA係角球都叫幫到下手，係MINA唔係好帶到波上前JE...
其實，踢落去，仲可以出哂三個中堅收起有D傷的SIDIBE...
起碼右邊唔駛俾人強姦先...

愛華戰士

今場波作為球迷我第一個要質欵安察洛提排陣。
車路士上次碰頭....因為傳送同行軍唔迅速....結果遇到我地波到人到就吃大虧....今場車仔明顯係中場青春班同活力掛帥.....明顯係針對性。呢個係車仔的意圖，好多球都係中場人地一個上到腳....你球中場黎撲時....佢地就彈走個波.....成個大半場愛華頓中場只係得個撲字....。
講返我地........擺個442 係今場的一個敗筆.....特別大家見到係施格臣居然同賓納特踢左右中場....成個配搭都出晒事。....點計都應該出451.....加強堵塞中場..特別係當你出米高堅尼時.....一D 一下直傳就會劏穿.....輸柏度果下就係全英超唔應該出現的簡單直傳失球.
我先講球員狀態.....施格臣從來未O係左右中場上踢出過好波.....所以你咁放等如中場打少件......
另外賓納特我必需指出.....狀況由季中開始我唔覺佢有好狀態....
另外湯戴維斯不論傳/ 截/ 企位....感覺都唔得....特別輸第一球....佢追對方個後生仔時明顯係佢第一個失左位唔去追人......( 而並非如部份波友講責任O係米高堅尼度....因為作為中堅堅尼個企位唔算係大問題.....反而湯戴維斯原本追追下跟甩左結果就出事
高美斯大家要包容.....佢唔係一個純防守型球員......如果要出佢....我覺得中場最好有一個爛打同較硬朗型的配合.....例如德夫....甚或乎薜達比來防中。湯戴維斯攻不銳....防不隱....

好....左右閘.....薜達比可能因為手傷....但同時對住車仔呢D 咁有活力中場....薜迪比其實今場唔應該再心諗要上去助攻....反而乖乖留返做防守會更合理。到左邊....甸尼我感覺球季中斷開始踢唔到水準....轉數明顯慢左.....攔截又唔夠信心。反而上場拜恩斯踢我仲有信心。

米高堅尼水準有幾水....我諗唔使再討論....反正呢三千萬鎊大家唔好再有咩寄望
碧福特再一次踢出平庸表現.....佢係全英超撲救成功率最低的門將.....呢D 數據無得呃人。第一球你可以話對邊個O靚仔轉身太靚；第二球柏度單刀；但第三球韋利安講真禁區頂你要預計對手會咁射.....你可以話韋利安射得靚....但真心呢球要救應該不至於救唔到；到第四球.....韋利安個傳中球....龍門係咪應該可以搶先出黎打手搥？

之前都講過....隊波宜家最大問題係穩定性非常不足......而且進攻的確係好單調 ( 仍然未有好明顯的進攻套路)
要上腳猜傳 - 真係猜得到5 腳波的機會都唔多
要大腳吊前- 前面果點DCL 雖然略略有搶點的能力....但保護皮球能力弱....而且唔識得為隊友做二傳....；李察利臣可以停到波....之但係中後場傳送往往係唔準....結果係李察利臣走到位但無波到.....；
左右側擊 - 本來兩隻閘係善長出波....但近2個月見隊波落底出波成功率唔太高....而且中鋒涉位亦唔多。

# 現實D 睇....成隊波有一半係唔惦.....要大執.....同訓練上一定要提高個速度.....同機動性....否則唔覺得隊波會有咩前途。
## 大家可以借鏡睇下意甲阿特蘭大同埋狼隊.....踢D 波係立體同機動性高.....唔似我地....一味得個悶同亂字！

leonkit

其實好似個日對車仔 中場狀態咁差 完全組織唔到
不如大腳斬上去 7號9號 2個搞算

ngkk821

leonkit 發表於 2020-3-10 14:30
其實好似個日對車仔 中場狀態咁差 完全組織唔到
不如大腳斬上去 7號9號 2個搞算  ...

認同，其實作客車仔係要打防反，比兩位前鋒，加多位攻中都搞，唔得就再黎過。

ginger

愛華戰士 發表於 2020-3-10 14:11
今場波作為球迷我第一個要質欵安察洛提排陣。
車路士上次碰頭....因為傳送同行軍唔迅速....結果遇到我地波 ...

條後防本身太大問題，老實講76已經係防守好的領隊，都好難救到隊波。堅尼本身垃圾基本上做第三中堅都唔多有信心。holgate始終後生搵個有經驗啲拍佢會好啲。digne唔知係未操返起定點，總覺得出baines都比佢更交到貨，sidibe防守又係垃圾，唯一可取係間中的後上出波。

中場方面又冇屏障，湯仔繼續四不像，成日聽球評話佢幾勁，但坦白講場場睇真係唔覺佢有咩係突出。冰島神唔係防守型，但坦白講之前gomes傷左佢墜後踢而家gomes個位其實尚算稱職，但真係冇致命長傳。gomes明顯76係當佢pirlo咁用，但唔好忘記pirlo都要配嘉度素，如果唔係根本放題。禾仔方面根本回晒塘，做下後備都仲勉強可以，賓納特能力唔係冇，不過有啲似阿狗果邊奧燒，要揀岩match up同埋隊友要配合。前面鴨仔再次顯示極低把握力，果場冇運的話要入波都難，果球如果追得和成隊有返信心可能唔同晒。李察明顯係我地best player，不過比較飄忽又鍾意投訴同插水，有待磨練。都係果句，逐個秤計質素我唔覺得我地會差big 6特別係熱同阿狗好多，問題係點樣穩定發揮出黎。

barker

剩番九場聯賽 , 愛隊點應付好 ? 大家想下有乜計

Fuko~

barker 發表於 2020-3-11 18:16
剩番九場聯賽 , 愛隊點應付好 ? 大家想下有乜計

仲有咩計，快手D腰斬左個聯賽佢。英國個邊都開始爆爆地武漢肺炎...
德乙直情有球員中左招。我就唔想自己隊波有球員中招啦...中左唔死都未必踢得番波。