聯賽第七場 作客 曼聯

dickdick2002

如果阿倫又傷埋,真係好大鑊,希望D傷兵可以出番

reedlo16

哥頓呢場防守都唔預佢做到乜，但求佢年青力壯追多幾步咁。進攻方面，你將佢同列查比就梗係差好遠，去波帶波能力差幾皮，但係佢今場都做到兩三次傳中攻勢，亦有人接應到。

接應到個個，就係慢慢上力的朗當。當然，佢有兩球讓比位置更佳的格雷射仲好，但至少佢接應到，亦能完成起腳射中龍的過程，比起之前賽事係見到有進步。但，當然未夠。睇佢移動仲係有啲慢，唔夠靈活。卡雲復出前，睇嚟都要靠佢…唔諗住杜辛住了，佢幾時復出、復出後狀態點都係唔知。

中堅，我講過幾次，好神奇係，米拿拍堅尼係我地暫時最穩陣的中堅組合，你明明將佢逐個拆開，堅尼完全係炸彈、佢夾賀基治係核彈；另外，葛飛應是較佳正選人選吧，但偏偏當堅尼拍擋係米拿時，佢就會正常好多。同埋論傳球、尤其長傳能力，堅尼係四位中堅中最好的一個，他的進攻頭搥都是較具威脅一位。真係好雞肋。不過睇往績，我仍認為米拿拍堅尼係最好的組合。葛飛可視乎戰術需要落場，佢甚至打埋防守中場亦可。

右閘，有師兄講得好，無理由呢幾年都仲未搵替代人選。呢場波右路真係好危險，葛飛你睇到佢真係中堅人，佢企位下下唔敢太去邊的，都是挨近禁區邊位，位置感上佢真係唔係右閘。甚至乎左邊，甸尼近一年狀態其實有點滑落，更何況隊中亦是無左閘替補人選，你唔好同我講係德夫掛！左右閘位置，一月一定要搞掂佢！

ginger

今場估唔到踢出佳作，我又覺得哥頓仔今場幾好幾敢推波，都做到啲威脅出黎，依啲咪正常翼鋒要做既野，唔該真係唔想再見到鵝比。今場防守唔錯，好彩卡雲尼冇態，丙朗喺後備，如果唔係又要睇堅尼出醜。格雷又推到波又快傳波又合理，真係理解唔到點解我地1.5m就執到返黎咁好。最後朗當真係垃圾到喊，又慢又唔知自己想點，用新仔試下好過啦，追和果球心諗好彩朗當跟唔上，如果唔係比佢射都未必入。

wahton

個入球又係反擊, 呢D波前幾季有幾可見到? 肥賓的確有功架

ngkk821

wahton 發表於 2021-10-3 16:52
個入球又係反擊, 呢D波前幾季有幾可見到? 肥賓的確有功架

肥賓戰術係放棄控球打反擊，證明這戰術適合現時的愛華頓，現在球員入球分佈平均，這對球隊嘅成功非常重要。

barker

ngkk821 發表於 2021-10-3 17:19
肥賓戰術係放棄控球打反擊，證明這戰術適合現時的愛華頓，現在球員入球分佈平均，這對球隊嘅成功非常重要 ...

而家唐辛係我地首席射手

barker

而家 newcastle 變左第二隊曼城, 對愛隊完全唔係好事, 另有我認真想問愛華頓而家市值幾多英磅 ？

laukarwing

barker 發表於 2021-10-8 12:15
而家 newcastle 變左第二隊曼城, 對愛隊完全唔係好事, 另有我認真想問愛華頓而家市值幾多英磅 ？ ...

https://www.transfermarkt.com/everton-fc/kader/verein/29

希望幫到你！

ginger

laukarwing 發表於 2021-10-10 17:43
https://www.transfermarkt.com/everton-fc/kader/verein/29

希望幫到你！

見到堅尼同賀基治都值20M笑左

barker

laukarwing 發表於 2021-10-10 17:43
https://www.transfermarkt.com/everton-fc/kader/verein/29

希望幫到你！

愛華頓球會值唔值十億至二十億英磅 ？