主場對水晶宮

愛華戰士

都唔想批評隊波了，今場相信最重要係終於護級成功。呢三十幾年捧呢隊波其實已習慣無錦標，只求屆屆聯賽比我去支持下，已經心足。期望下屆清走冗員，打返啲朝氣比球迷睇下

jacks66

嚇到一身汗........下季大執後, 上返正軌

reedlo16

下季重點要清走冗員

愛華戰士

要盡快為下屆作準備，講真唔能夠感情用事，真係有潛質同表現值得留低O既....希望球會盡可能留低。
龍門︰
碧福特- 有能力，只係情緒化.....我會希望球會選擇相對情緒較穩定O既龍門。O係呢個時候碧福特有價同應該仲有市，29歲龍門仲係高峰.....如果有球會願意50M 以上接收，建議賣走。球員本人相信亦希望轉會。
比高域- 本身水準唔錯....建議下屆留用。正選或副選都可
LONERGAN - 本地球員....今屆好少見佢出.
(VIRGINIA) - 收返黎睇下下屆可唔可以擔到正
後防︰
莊祖堅尼- 唔使諗，放走。3-5M 如果有英冠之類球會肯要，強烈建議送佢。
PATTERSON - 暑假谷爆佢體能，下屆等佢正選。
賀基治- 建議賣....始終不穩定...預計值20M
米高堅尼- 建議賣....今屆打得慌失失.....- 預計值20-25M
耶利米拿- 建議賣.....大藥煲....始終靠唔住.....- 預計值20M
米高倫哥- 下屆絕對正選.....踢法都係偏向防守多於進攻....暫時唔好太急谷佢壓前....穩定打返個防守先
葛菲- 有啲雞助....論身體質素同鬥志係好....只係路數同頂上功夫上呢兩屆都打唔到咩出黎.....而己用波能力唔高.....做輪換一定得....但真係50/50
高文- 如果未退休.....下屆堅叠埋心水做後備
班夫韋特- 年青....點都值得佢再觀察多一兩年....留用
(NIKOUNKOU) - 下屆收返黎做米哥倫高副選
## 暑假搵2個高大硬朗速度快中堅返黎.....作為未來投資....一定需要

中場- 先要指出....今屆由於雙中堅我地防守極差....致令整個中場中路進退失據。
阿倫 - 其實水準唔係差.....只要有對穩健雙中堅....我認為阿倫做個防中仲係合格。如果留得到...都可以留。留唔到真要放....預10-15M
德夫- 估唔到尾段要搶分德夫至打到水準出黎........非常尷尬.....佢傷多過踢係事實....清走佢都唔可以話錯...預計值2-5M
杜古希- 技術唔算好好....速度唔高...進攻欠遠射....長傳....控制比賽節奏亦普通......用波能力亦有限.....當然有拼勁同身型....只但係始終唔係大將之才....如果20-25M 有人要.....可賣
高美斯- 高薪藥煲....賣得....10-15M
湯戴維斯- 本土球員....留用
雲迪比- 退返比曼聯
DELI - 唔知林伯仲對佢有無咩期望.....聽聞想20M 賣走....如果仲值呢個價.....送佢走
基巴文- 賣賣賣
## 中場係最大問題.....至要搵兩個位置感強O既防中返黎；仲要中多2個組織力強O能猜傳O既攻中

前鋒︰
李7 - 如果留得到....絕對希望留得住。70M UP
卡法路雲- 唔好再期望....70M 賣比紐卡素
格雷- 留用
唐辛- 下屆作輪換
伊禾比- 賣走- 15-20M
杜遜- 免費送佢走
哥頓- 最尾呢幾場其實哥頓打得幾差下.....呢刻我要講....下屆留佢仍然做後備會較合適。
朗當- 賣啦
艾加斯- 退貨
堅恩- 賣祖記
SIMMS - 睇下林伯想唔想佢返黎做後備
## 前邊要搵個好中鋒.........要走位靈活....左右腳埋到門O既.....；另外搵多個可踢左右翼O既翼鋒....

最大問題隊波無錢.....宜家只能寄望清咁D 垃圾....再買到年青有潛質O既球員返黎重建隊波

ginger

半場西波，好彩下半場隊波訓返醒。睇球迷反應真係唔難理解，今季成季都谷住谷住。雖然比其他隊笑9我地開心過攞冠軍，不過我又真心理解。因為降左落去真係可以一直沉淪升唔返上黎，特別係我地的財政狀況。希望今季後大重建，其實趁有價就要賣走卡法，後防中堅位要重建，dele同埋其他中場都係有價就要放，留返啲年輕人，同埋試下留唔留到rich7就算啦

Fuko~

愛華戰士 發表於 2022-5-20 11:13
要盡快為下屆作準備，講真唔能夠感情用事，真係有潛質同表現值得留低O既....希望球會盡可能留低。
龍門︰
...

補充下: Kenny, tosun, delph，施古臣都完咗約會free走

wahton

好感動，絕地大反擊，心血少啲都嚇死！！come on blue boys!!!