今晚晚上 ( UK time ) vs 車路士 ( 作客 )

ngkk821

barker 發表於 2021-3-9 04:27
west ham 1-0 leeds now..唉

打好自己就得，諗其他隊無意思。

ngkk821

試想想，十一場波贏十場，輸比曼城，都有76分，應該有歐洲賽打，所以命運在自己手。

愛華戰士

連安帥賽後承認我地同車路士不是在同一級別......大家應該都要明白前四競爭係幾咁大.....以我地宜家中場個運轉力........板櫈水平同深度計.....我地要爭前四真係太遙遠。輸波當然失望....但作為球迷希望見到隊波能夠有所進步。

始終我地無辦法接連打出穩定性呢下係我地同強隊最大O既差別。我地如果齊腳，要同強隊打個10-15分鐘均勢波唔係無機會(贏波就係要靠呢一段)，只不過一場波入面你至少要制造到一段強勢.......即使係頂班強隊都無可能90分鐘壓住對手攻....強隊O既資質就係一按制....就可以攻一段。

Fuko~

輸呢場個影響真係好大...雖然歐霸都係歐洲賽，但係個收入差咁遠。唉...

Fuko~

愛華戰士 發表於 2021-3-9 09:08
連安帥賽後承認我地同車路士不是在同一級別......大家應該都要明白前四競爭係幾咁大.....以我地宜家中場個 ...

咁本身呢季我哋都擅長主守...雖然冇睇場波，但有杜古希嘅話，我相信至少唔使輸。
我覺得而家個問題係我哋唔識打主攻，唔能夠控制大局下贏波。呢個夏天，又好似安76講簽三個都夠。一個前場多面手，一個中場，一個右閘。個深度同正選打出嚟都已經好唔同。

evertonarteta10

今季輸9場有幾多場係輸下遊?  求其3場爭氣攞足9分而家唔駛咁被動, 仲排第2添......永遠都係靠自己.  李城人腳都唔係特別好, 人地就係靠自己打得比我地穩定.  今季埋單打唔到上前4唔緊要, 希望同第4差個2-3分證明自己係有能力挑戰前4.  人腳再執執, 比賽爭勝心要更強.

返黎現實, 前4未算絕望, 車仔賽程都唔係咁易應付又有歐聯, 耶子都好難打, 我地仲有一場6分波對耶子, 就對手睇我地略有少少著數.

重點係: 唔係球迷想唔想睇歐聯, 係班波想唔想打歐聯!

kmman

其實安帥一路都話同前4唔係同一level,  所以歐洲賽做目標，贏利之後先想衝擊歐聯掂一掂個第4位， 起碼證明到we can compete.幾乎每次賽前賽後都講呢兩樣嘢。同埋主場成績要好d

reedlo16

老實講，呢場波唔算打得話好差。碧福特失兩球，但佢救的靚波更多。個別球員如賀基治有失位，但下半場都可以話無乜大錯。

怪，只能怪真係球隊板櫈深度唔夠，同對家有兩隊正選完全唔係同一個LEVEL。

餘下賽程唔算話特別難打。只求杜古希盡快復出。佢破壞力一流，儘管傳送....只求佢唔好再交失波已算安慰了。
'
夏季轉會市場首要目標，能帶波向前策劃的中場、右翼/右翼衛、右閘。  我地隊波有速度的只有李察、卡雲、葛飛…反而企定定踢波的人太多了…

evertonarteta10

reedlo16 發表於 2021-3-9 11:19
老實講，呢場波唔算打得話好差。碧福特失兩球，但佢救的靚波更多。個別球員如賀基治有失位，但下半場都可以 ...

中場中都要一個全能型, 頂級買唔到架喇, 希望買到個有質素就好.  allen doucoure破壞力充夠, 但運作上唔順, 有james固然好, 冇james條中場都係打回原形.  ag唔會係76首選, 要條中場再運波好d, 中場中都要執
另一個問題係個波要運去有把握既人腳下, 真係有好大問題.....even james係度, 佢都未必有好多時間可以個波係佢腳下, overall有改善但唔完全

右翼右閘唔駛講, 前鋒都需要加入競爭

ginger

今場其實踢得唔算差，兩球失波係有啲偶然性已經踢出部署，始終實力係同車有距離。淨低11場，加油踢返好希望可以keep到頭6