作客般尼

reedlo16

真係已到了想鬧都廢事的地步。

過去咁多場，已多次提出，(連CAHILL都講過)，後防同中場的防守聯繫做得極差，防中經常唔MARK實對方進入禁區的人，又或是中堅去補位時，防中係仍係企係禁區頂唔郁…無人補位中堅原來個空位。當然噚日失既第一球，便是阿倫同杜靴尼咁都可以面對面交失波，仲要係自己禁區頂…低級犯錯。

進攻方面，我們成條中場線，除了杜靴尼好啲外，個個都係屬於「企定定」傳球類型，教波的都會講PASS AND RUN，我們成條中場占士、高美斯、阿倫，計埋噚日個個藥煲德夫都好，無過會走位，帶波走生…。只有PASS, 但PASS前PASS後都無RUN。上場阿倫做到架喎，但今場又再成為「中場休息」的一員，個個企定定，啲波點去？  噚日伊禾比難得右路都出到唔少波，當然有幾球佢真係出得差，但出得正路個啲，中路成日得DCL一個，無人走入禁區拉開對方附守注意，點頂呢？

再退一萬步，噚日你班中場慌失失奇兵，面對面交波又失，俾波又總係差啲尺吋，高美斯噚日啲短傳俾波失了幾多球都唔想數了。

總然之，我們中場就係缺乏RUNNER，同埋班友傳波的基本功真係要加操。

我開始懷疑安帥究竟點認識佢宜家手上的球員特性。你連出德夫，都唔出下後生仔試下，係咪後者真係咁不濟？

哥頓又究竟幾時可以出來？

evertonlife

其實球隊應該打返451，特別嚟緊呢幾場係對強隊

ginger

reedlo16 發表於 2020-12-6 10:59
真係已到了想鬧都廢事的地步。

過去咁多場，已多次提出，(連CAHILL都講過)，後防同中場的防守聯繫做得極差 ...

agree，所以真係唔知76睇到咩我地睇唔到既野，照計佢大師級冇理由質疑佢，但我地明顯中場係缺乏走動所以鵝比咁大缺憾對我地都好有作用，其實真係值得要試下gordon同尼干古，點都唔會差過而家啦。繼續用占士好明，佢真係可以全場唔掂靠一兩腳波點石成金....但明顯德夫，高美斯都唔係囉

Fuko~

ginger 發表於 2020-12-6 12:47
agree，所以真係唔知76睇到咩我地睇唔到既野，照計佢大師級冇理由質疑佢，但我地明顯中場係缺乏走動所以 ...

係甸尼要休息禁長時間，應該要早D用NKOUKOU...就算要交下防守GE學費，只要進攻交足攻課，我相信隊波依然嬴得到。

evertonlife

近幾場的攻不銳守不穩，除明顯球隊對4後衛陣式更為適應外，因現時兩正選閘出缺下的調整而出現更大的適應問題，所以建議在現有人腳下作以下調整： 1.將Davis嘗試改造成右閘，主要是其防守較好，而其身型也不太適合打防中，長遠來說改造成功的話，至少可做右閘替補，改造不成也最終是離隊罷了(2023完約，如其不能在中場中發揮也應搵其他更適合個人特點的位置) 2.左閘以尼高古或續以葛飛打，前者一定要交學費，但可看其成熟度是否可藉此快速培育，用後者打則預佢唔會進攻，左面進攻一定差，但至少防守意識清楚，高度不輸蝕下仲會因為中堅出身而包入中間幫手。 3.如果用Davis打右閘，則右中場便不可以James去打，因其補防力較差，比較適合以Iwobi打右中場，故左右兩邊便不再以閘位助攻為攻擊手段，也因此不再打433，而是更多以左右兩中場陣式去打進攻，故建議為451,442或4411 4.由於James的防守力弱，故在4後衛下只建議其打4411的輔鋒或451的進攻中場，不過依其體力而言，可能打中路更消耗體能下只打到70分鐘 5.左中場建議為R7，替補為Bernard；右中場建議為Iwobi，替補為Gordon，Gordon為替補除了是近來連後備都無，唔知狀態或紀律發生何事，同時如右閘為Davis或Kenny，需要有多點英超經驗的球員在場為妙  呢個陣式唔會帶嚟驚喜，只是止蝕與止血(防守上的不適應)，希望能捱過呢個十二月同兩正選閘傷完後，再打到一個如季初的小高潮

reedlo16

evertonlife 發表於 2020-12-6 17:24
近幾場的攻不銳守不穩，除明顯球隊對4後衛陣式更為適應外，因現時兩正選閘出缺下的調整而出現更大的適應問 ...

早係對修咸頓個場，我都話一係打4411, 一係打4231，根本宜家啲人選，打433，甚至近期兩閘正選無晒，打343都係唔啱用。我地班中堅從來都唔太適應打3中堅陣。

你班中場唔多郁，唯有靠人數補救。兩閘NKOUKOU，KENNY，前者進攻優於防守，後者防守優於進攻，則你左中場右中場剛剛好便配搭勤於防守的李察列臣和較善進攻的伊禾比，便正好彌補兩閘的不足。新人你唔俾佢落場，咁佢永遠都係無經驗喎，連噚日對般尼呢種牌面較弱的對手，你連後備都唔比佢地，咁你想點呢？

占士打攻中，最好，且打4411時，施格臣其實打後上攻中呢個位都會有貨交。噚日占士妙傳俾佢入攝，呢啲其實先真係施格臣的耍家波。呢兩年來佢愈打愈沉，始終係陣營唔啱佢(當然一個中場球員咁少殺著，係咪值4千幾萬身家已是另話)。

後面有杜靴尼及阿倫專責攔截或適時殺入禁區。

前鋒真係唯一一個唔使煩的位置，DCL無傷無病一定係佢。且杜辛做替補相信都可以。

reedlo16

Fuko~ 發表於 2020-12-6 16:31
係甸尼要休息禁長時間，應該要早D用NKOUKOU...就算要交下防守GE學費，只要進攻交足攻課，我相信隊波依然 ...

宜家諗返起，拜恩斯唔續約一年，原來對我地隊都幾傷。人算不如天算。HA

Fuko~

reedlo16 發表於 2020-12-6 22:01
宜家諗返起，拜恩斯唔續約一年，原來對我地隊都幾傷。人算不如天算。HA

其實你當我地黑人又好啦...往幾年邊洗煩左右閘，今年一次過冇哂正選左右閘，本來呢個位好多時都打得大半季ge位黎。反而你以為james好易傷，佢家下仲踢得好地地，係真係身邊d隊友唔夠級數...

evertonlife

reedlo16 發表於 2020-12-6 22:01
宜家諗返起，拜恩斯唔續約一年，原來對我地隊都幾傷。人算不如天算。HA

有時呢啲老將唔係用嚟拎冠軍，係用嚟頂4-5場，至少佢個位唔出事。所以一隊波要25個球員註冊，唔係個個要做星。絕對同意Barnes嘅離開係頭痛架，因為即使唔係落場，好肯定作為年輕球員的指導都已經值回票價

evertonlife

reedlo16 發表於 2020-12-6 21:58
早係對修咸頓個場，我都話一係打4411, 一係打4231，根本宜家啲人選，打433，甚至近期兩閘正選無晒，打343 ...

所以有少少意外安76對排陣選人的不合適狀況，因為正正佢出名係呢樣嘢，靈活多變而調教球員去踢合適佢地嘅陣式