愛華頓 2021-2022轉會討論區及賽季總結

Fuko~

傳50M買ben white…先唔好講買唔買得成。呢個價位買中堅唔係唔得，之但係我會50M買右翼多啲囉。

Forever_Fan

witzz 發表於 2021-7-2 07:48
Marco Silva去咗富咸

係英冠歷練下先啦，英超唔係咁易玩架，佢係我隊時真係一d亮點都無

Forever_Fan

Fuko~ 發表於 2021-7-2 08:22
傳50M買ben white…先唔好講買唔買得成。呢個價位買中堅唔係唔得，之但係我會50M買右翼多啲囉。 ...

中堅位置真係唔係must要買，我暫時傾向善打左右閘x1，右翼x1，前鋒x1，然後根據去冗員情況，沽1-2買1

barker

Fuko~ 發表於 2021-7-2 08:22
傳50M買ben white…先唔好講買唔買得成。呢個價位買中堅唔係唔得，之但係我會50M買右翼多啲囉。 ...

ben white 踢法係點 ？

Fuko~

Forever_Fan 發表於 2021-7-2 08:30
係英冠歷練下先啦，英超唔係咁易玩架，佢係我隊時真係一d亮點都無

其實佢被炒有部分真係非戰之罪…核心問題係高文之亂後，球員結構同埋質素上參差先係最大原因。我哋已經一步一步咁改善呢個問題，由安76之後，只要冇再亂入錯貨或者個別球員大傷大跌watt, 前景應該係正面

愛華戰士

領隊方面，賓尼迪斯....功力同經驗上就唔需要太質疑....始終拎過歐聯....當年一買就沙比阿朗素....佢都係推崇控傳技術O既踢法。
只要佢係愛華頓領隊....我認為球迷都唔應該太過翻看個人歷史，好似以前班比....著住愛華頓球衣....大家就應該支持佢。我地愛O既唔係個人，係球會。

唔敢想像今次轉會市場球會會有幾大動作....一來真係呢幾年用錢唔少.....仲承唔承擔到大手買賣真係要好仔細考慮。二來宜家個轉會市場泡沫好勁....好似上面講什麼WHITE.....50M？真係痴痴地....我真係聽都未聽過....可能我真係少睇波。雖然有消息指球會班主今季仲係好有熱誠.....會有大筆錢放落去轉會市場人....之但係我個人完全唔認同高額轉會買球員.....以現今市道同疫情狀態.....我傾向球會控制每個收購5M-20M 呢個水平(其實呢個金額已經唔係便宜).....多D 搵下D 年青....或者美洲, 東歐兵....甚至非洲兵....我地唔需要好大名氣....但真係需要D 肯為球隊賣命O既球員。

清瘀血就更加係當務之急.....伊禾比, 杜遜, 高美斯, 賓納特, 絕對係無用O既....要快D 清走
占士.....如果真係如報導講AC 米蘭想18M 買.....快D 放.....我寧願同安帥傾搵伊斯高黎用好過。
堅恩....呢條友成日嗌話要跳船.....既然無心留.....趁值錢都應該放.....WHITE 都要50M.....佢點都應該嗌65M UP 啦....用呢筆錢換到2-3個攻擊手啦。

barker

愛華戰士 發表於 2021-7-2 11:51
領隊方面，賓尼迪斯....功力同經驗上就唔需要太質疑....始終拎過歐聯....當年一買就沙比阿朗素....佢都係推 ...

咁曼狗冼1250M 英磅買左辛祖, 華拉尼又點計呢 ？

Fuko~

愛華戰士 發表於 2021-7-2 11:51
領隊方面，賓尼迪斯....功力同經驗上就唔需要太質疑....始終拎過歐聯....當年一買就沙比阿朗素....佢都係推 ...

其實隊隊都有咁上下財力…家下要5-20M就有好嘢，非常難。得嗰啲剩番一年約先有機會，但嗰啲人工會更貴。現實環境係應該target 20-40M呢個價位嘅潛力股。免簽一啲29-31嗰啲返嚟頂下後備…再加啲牛奶仔青訓。

愛華戰士

barker 發表於 2021-7-2 13:00
咁曼狗冼1250M 英磅買左辛祖, 華拉尼又點計呢 ？

講真，億幾鎊買個球員....係咪真係代表一定有好表現先？
法國國家隊中前場夠粒粒星(普巴, 干提, 安巴比, 基斯文, 賓施馬, 高文,...剩係呢幾個身價都應該5億鎊 )，結果咪比瑞士踢出局.....足球要講整體同配合....
大家睇下巴西阿根廷聯賽果D .....好多打得好O既...身價唔一定好高喎
整個足球圈仲係好大.....如果個個都著眼幾千萬鎊果D 所謂好球員.....咁我地真係唔好諗啦.....要爭邊夠D 拜仁車仔曼城果D 爭？
人地多蒙特, 波圖，馬體會果D .....成日都入D 平價貨....打出幾千萬身價出黎....呢D 至係正確方向。

Forever_Fan

愛華戰士 發表於 2021-7-2 15:53
講真，億幾鎊買個球員....係咪真係代表一定有好表現先？
法國國家隊中前場夠粒粒星(普巴, 干提, 安巴比,  ...

啱丫，所以我才佩服老莫，往往用蔗渣價錢買入一些打出燒鵝味道的球員，這才是我們要行的路，只係個別key position才因應需要買一些較高價球員。