Tottenham Hotspur vs Everton - 8th Mar, 2022 - 04:00

彈地

其實右手邊史密斯高文踢得一啲都唔好，漏洞百出人哋睇住你邊攻
第五球你咁面對面交失!

彈地

其實輸到5-0正常都唔再睇落去，就係想知道球員心態係點，24 及 7 號雖然冇心機但都追波及協防最衰就係九號行行企企結果68分鐘換走
其實一開場就唔應該用433！你後邊有個炸彈堅尼⋯⋯你死唔緊要唔好累我哋賠葬

barker

而家唯有跟住兩場返主場對狼隊同紐卡素大家唔該搏老命喇 Ben godfrey 應該可復出

愛華戰士

其實出堤陣一見卡法路雲我已預示今場唔使望入到咩波，頭十分鐘算勉強用到波，之後米高堅尼又派，痴撚線條友根本唔知自己要做乜，下下呢啲防波就亂咁踢；到第二球又係短時間，啲防守球員接連標波標唔到比熱刺輕鬆三角短傳空位射，碧福特落地慢；第三球米高堅尼根本讓比哈利簡尼中場任佢跣後，仲打開雙手同球証投訴，人地已單刀入去，屌！乜撚野防守！再睇莊祖堅尼包越位，條友根本唔識打越位，我印象中第二定第三場見佢包越位。史密斯高文完全不勝任右閘位，今場不斷走甩對手，第四球一個孫興敏已中間硬爆我地4-5 個球員！到第五球簡尼入個左腳，又係高文果邊完全唔去拍波。成場波個防守完全係災難級。熱刺班友踢到笑！頂你個肺。真心講，呢隊愛華頓如果真係降班我覺得係應該嘅結果，因為真係好撚差！當你隊波輸到肚瀉咁，我唔會太指責進攻嘅球員入唔到波，之但係卡法路雲真係唔好再指望，完全零作用，問題在於佢基本功太差，佢唯一嘅可以制造入球範圍基本上係小禁區範圍等隊友餵波，一遠離呢個範圍嘅組織、猜傳、走位、以至停傳射都全部唔合格嘅，請問要個咁嘅前鋒黎做乜？正正今場哈里簡尼做個對照，人地停、傳，走位，搶點到射門，每一範都優勝過你卡法路雲。仆你個街點解我地仲要忍受用個咁嘅前鋒？！

ginger

最嬲自己竟然起身睇依啲西波，不過今季唔睇應該下季英冠見。場場堅尼都派膠究竟幾時可以雪佢....根本佢就係拖肥版的麥麥送。前面完全冇態一次中龍都做唔到出黎。林8戰術又係不知所謂，明知熱最叻防反，我地作客就應該縮後等打反擊啦，佢又走去同列斯一樣谷晒出去，究竟識唔識波仲要交幾多學費。星期日主場對狼都算護級最後機會，一來列斯有起息唔覺得會差過我地，二來般尼防守好大機會過我地。加上黎緊主場我地通常打高一班，加埋嬴體力，狼又冇咩好爭照計我地有力一戰，淨低就算主場賽程都難踢，執得一分就一分

愛華戰士

我地嘅進攻真係得啖笑，其實好簡單，唔計龍門10個球員，4個後衛，其餘6個我假設1個防中唔上去攻，一隊波正常有5個球員可組織進攻（再假設2隻閘適時壓上），即係7個。我地啲波好好笑，乜春都由左右閘發動，高文踩死個波，鐘意嘅就挑起個波過人；莊堅算尻數，唔識打左閘，搵人交時只係搵個夾硬落黎回波嘅李7比。就係呢套下下波經二閘已經比人防死。ok, 試下中路組織上去呢，阿倫拎到波，勉強中路得雲迪碧幫波（同時杜古希相對前位），不能怪佢地走唔到空位，因為對手知你得呢3個中路球員，一定嚴防，呢個時候一係有一個護球能力好強嘅翼現身攞波推波上；一係就雙翼快走空位，再兩閘上，中場比到空位佢地走位做突破，再唔係中鋒就好似簡尼咁退返落禁區邊好似簡尼咁做個one two。事實係點？卡法路雲一昧企禁區邊，但無現身做接應，或嘗試衝擊對方中堅嘅；第二，李7 打個左翼好多時借助嘅係後衛比波佢，佢再自己靠技術轉身，呢下踢法特點由於拖慢波，如果左閘好似甸尼咁適時壓上做接應會有作用，但宜家左閘型同死左，變相整條左路係被冰封，所以李7是否仲適合打433 嘅左前呢刻值得商傕；到右邊哥頓我認同佢水準係提升左，呢刻搵進攻球員做個人特破優先要諗佢，但係當進攻球員拎到波時，如果隊友嘅支援係咁低，真係好難踢，畢竟哥頓欠點銳（對比孫興敏），老孫踢法具侵略性，且左右肯生位起q 射，哥頓呢刻較好嘅只係短距離憑活力搶到同停到波，但無孫興敏果種推15-20碼嘅段速帶生個波。今場杜古希個角色形同虛設，事實上433 呢場用佢去支援進攻真係無作用。

Fuko~

不論係能力定黑氣石都好，真係唔好再出米高堅尼。半場未夠就先自爆…前面嗰幾個又要幫手防守唔敢谷太前，咁點踢得起…

愛華戰士

真心問我，呢刻隊波如果要踢，唯有4222 呢個玩法較可取。後防4個唔好預進攻，阿倫同雲迪比做對控防，再配迪利+杜古希做對相對攻中，前鋒用格雷或哥頓夾李7或者朗當。唯有咁樣先打個穩字出黎再改善。

拖肥1878

都大半季啦，又唔係第一年夾，都唔明點解可以到依家都仲係冇狀態、冇默契、各有各踢、夢遊球場

拖肥1878

連之前垃圾到一個點嘅紐卡素同列斯聯都高分過我哋，屌！唔係真係要降班呀嘛！咁真係百年基業一朝喪，你估而家踢港超聯做升降機呀？落咗英冠都唔係即刻可以上返嚟啦，我哋隊波係家真係衰撚過業餘呀。