22/1 凌晨 ( HK time ) vs newcastle ( home )

愛華戰士

Forever_Fan 發表於 2020-1-22 07:45
臨尾幾分鐘失2球，柒到一個點，無話可說

全英超可以補時失兩球的，相信除左愛華頓之外，唔會有第二隊！

愛華戰士

絕對係坐定粒六諗住贏硬至會出現呢D 災難性結果。

失第一球睇.....我會覺得碧福特真係有D 問題，果下手搥其實真係唔太需要出黎打，....贏緊兩球波.....做龍門其實唔需要咁進取....好好地守住D位等隊友做解圍就好....結果一個唔算好清翠手搥搞到亂糟糟。
失第二球我驚訝係前鋒無人去迫人....比人簡單放長波.......跟手左路明顯係湯戴維斯同賀基治有誤會.........到中間亂晒籠....無得講了。

明明KEAN 開齊波可以壯下聲威.....結果係跌左兩分比人.....

reedlo16

第一球碧福特個下手搥…真係關鍵。碧福特真係神經刀，可以救到啲必入的球，但又經常失埋啲唔應失的球。

你最後兩分鐘, 贏緊兩球，連控球權都不可以確保…中場的搶截，護球能力…是當前愛隊最大最大的問題。戴維斯我基本上已定論佢唔係防中及控制中場的材料，或者有如施華講, 佢其實是進攻中場…(但又未夠班)。

一月買人，中場線如何重整真係好重要好重要好重要。

leonkit

愛華戰士 發表於 2020-1-22 10:11
絕對係坐定粒六諗住贏硬至會出現呢D 災難性結果。

失第一球睇.....我會覺得碧福特真係有D 問題，果下手搥 ...

我覺得個球唔應該咁清digne
一早輸個界外 / 省落對方到算
好過格硬用右腳清出黎
結果比人搶到 輸個角球

barker

reedlo16 發表於 2020-1-22 10:36
第一球碧福特個下手搥…真係關鍵。碧福特真係神經刀，可以救到啲必入的球，但又經常失埋啲唔應失的球。

你 ...

Emre Can , Allan

ginger

真係好嬲，成班補時魂遊咁嘔返兩分出黎，本身上到第8拉近到頭6差距

ginger

reedlo16 發表於 2020-1-22 10:36
第一球碧福特個下手搥…真係關鍵。碧福特真係神經刀，可以救到啲必入的球，但又經常失埋啲唔應失的球。

你 ...

碧福特係有責任，但成隊一齊睇住人喺小禁區頂打倒掛一樣有責任，根本成隊冇晒集中力

nsno

痴線
失第一球後一開波就長傳俾咗人都算喇
仲要人地射第二球嗰陣兩個中堅落完剷之後竟然係喺界外睇波，而唔係即刻起身返去
Pickford仲要成個人入咗個龍，啲反應慢到⋯⋯

Btw愛隊失咁多死球，其實係咪同Pickford制空力不足有關呢？佢仲要成日習慣性打手鎚⋯⋯又打得唔好

ginger

nsno 發表於 2020-1-22 20:46
痴線
失第一球後一開波就長傳俾咗人都算喇
仲要人地射第二球嗰陣兩個中堅落完剷之後竟然係喺界外睇波，而唔 ...

pickford高波係好弱，一死球就要按爆平安鐘

Fuko~

ginger 發表於 2020-1-22 20:50
pickford高波係好弱，一死球就要按爆平安鐘

最主要係佢唔夠高...