愛華頓 2022-2023轉會討論區及賽季...

ngkk821 · 發表於 2022-7-16 15:35:44

我估球會窮到燶，如果買多個格連已經當贏了

Jassoo · 發表於 2022-7-16 18:08:55

就算老細肯再俾錢，FFP都搞到我地唔可以俾錢買人，其實今年都有唔少唔錯嘅 free agent，不過只係搶到一個達哥

愛華戰士 · 發表於 2022-7-17 08:04:50

美國打緊友誼賽對阿仙奴。

愛華戰士 · 發表於 2022-7-17 08:16:31

上半場剛完，又係踢3中堅，賀基治+ 米拿+ 葛菲。似523 但感覺兩個側翼阿里同格雷都唔似翼。所以更似3421。防對方角球仍然係差，一球比人頂中柱；一球禁區漏晒比耶穌攞定射網頂。輸第二球又係中路個防5個人比對方3個劏穿晒。防中杜古希同湯䵧，根本塞唔到啲位。（不過呢個同個整體踢法有關，都唔怪得個別球員）賀基治兩三下拖死波，應比唔比；柏達臣好少波掂，右路近乎無供應，連帶格雷都超靜。左邊尼高高出擊，但阿里唔係打邊路嘅，所以啲去波好唔順。整體感覺，防守不穩，進攻制造機會能力弱，猜傳個信心同隊友現空位個意識都係唔夠

愛華戰士 · 發表於 2022-7-17 08:54:11

下半場用左三個新仔。右閘mills 唔錯，夠活力肯帶波；中堅有個高高大大嘅welch, 無乜大問題。防中有個Warrington (唔知有無串錯）逗住基巴文負責做填位。達哥夫斯基暫時睇啲波算穩陣，唔太喜歡多餘上腳，有波會一腳彈前。伊禾比係多波踢，雖然仲係嫌佢啲選擇決定一般，不過真係算係叫做到威脅出黎。哥頓就唔該唔好再吹太大，係有信心一對一，但實際成效唔夠，比波唔得，射波0，再吹大都無用。前邊朗當，不能有太大期望。