2017-2018球季 英超#11 作客對水晶宮

Forever_Fan

拖肥1878 發表於 2017-11-19 12:44
睇番場波，連水晶宮都可以㩒住我哋黎打，我哋中場完全去唔到波.....唉！

其實還是見到前場同中後場無乜連接，即係還是打唔到隊型，今場都多合埋眼踢上前的波

Forever_Fan

Fuko~ 發表於 2017-11-19 11:44
唔太難理解班主同管理層諗法，班主本身都係生意人，自己都有盤生意係身。
佢係去到RK俾炒之前一兩場先入 ...

你無講錯，市場得爛橙，我都唔介意安斯帶到季尾，只要唔降班，但moshiri 應該唔想冒險，由佢當初想搵大sam開始，明顯佢對安斯留到級係有保留

reedlo16

噚晚場波執到一分有點幸運，第一球12碼可判可不判，第二球人地送禮，加上尼亞斯把握好。至於對面個兩球都係入得漂亮。第一球執雞你話幸運？但扭到空晒射中門被擋出也可以說是不幸運。

成場波，控球率低，因為根本控唔定個波，傳唔到。好多時一二腳便斷纜，又或者被對方逼得太緊，傳唔到上前，便傳回後防大腳斬上去，然後又失了控球權，重複又重複。

控球率低絕對不代表有問題，前提是你要有高效率的轉守為攻能力。也是說長傳到位，前線能接應到，噚晚便係後防、守門員亂咁斬上去，比返個波人。完全無計。以前有巴利可以做到這工作，今時今日，老實講陣中只有朗尼可以做到，但佢不會甘心打巴利個位。

今場安斯禾夫排陣有兩個失誤，第一出了師奶及洛克文打正選，前者繼繼魂遊，面對面都可以交失波，後者唔知係咪客場有點怕，唔敢去，守亦幫唔到後面的拜恩斯，搞到兩球失波對方都係由靠左邊策動。(你睇另一邊，ZAHA拎到波想高速打反擊，連濃可以同佢跑返段，追理閘埋個波仲得，便可知拜恩斯可能幾想連濃打左…)
第二，上半場明顯成條中場線縮得太後，可能怕對方的高速，及自己後防的龜速，但係縮得太後，中場前線隔得太開，亦造成造波根本造唔到上前的原因。

下半場，安斯都即換人，幾果斷解決上述兩個問題，零失波，但同時零入波。因為進攻方式單調，兩翼依舊無供應，中場組織混亂。本來係要靠施格臣做這工作，但他真係至今仍支找到狀態，或者唔太清楚自己係陣中要做乜。妤多球殺上場，帶波俾波個個竟然係基爾，COME ON，施格臣你在何方？？

今場波有一個亮點，係KENNY，佢係右面基本上可封殺ZAHA的威脅，ZAHA幾球要單對單過去，記憶中都係過唔到。失第二球你可以話佢包唔切，但我更覺得係對方球傳中波靚到咁先應一讚再讚。進攻上，人地前線強，後防經常被壓，好難有機會上前，但KENNY都有一球靜橫傳，俾多啲時間佢，應能坐穩右閘位罝，直至高文打返FIT都不用太擔心。要擔心，始終係左路的拜恩斯，他老人家孤掌難鳴啊…

領隊方面，老實，暫時的人選都唔講得上係有好大的說服力。季中要搵人，一向困難，暫時睇呢兩場波，安斯禾夫即使有若干問題，但至少睇到佢應有能力替球隊護級。

倒不如做到季尾，屆時更多時間考慮，更多選擇，下季再戰吧…

Forever_Fan

barker 發表於 2017-11-19 11:28
EVERTON ready offer third bid 12M for Marco Silva

班主選領隊真係要好謹慎，朗奴高文已經賠一筆去挖角，英超前列領隊的年薪，再花成億鎊擴軍，點知係爛橙，炒佢又賠一筆，乜我地球會咁有錢？

依家 silva 又話賠千二萬，跟住又傳話一月準備7千萬比佢買人，4百萬年薪，如果 silva 又係爛橙，我地重有幾多錢可以賠？恐怕球會破產都唔掂，我地班主其實係英超的班主中都唔算最有錢個班人，其實紐卡素和新特蘭班主都係有錢人來的，唔比moshiri 差，但有錢也不代表好成績，佢地以前都試過連續委任錯領隊，丟左好多錢去買水貨，最後都要降班。所以選領隊真係要慎之又慎。

laukarwing

24cheung 發表於 2017-11-18 23:39
首先拜恩斯太慢比人出到個靚波

年紀大，轉數慢。無計。

laukarwing

barker 發表於 2017-11-19 01:22
Marco Silva 一直都係 Moshiri NO.1 心頭好

Moshiri太過急功近利了。

Arteta

laukarwing 發表於 2017-11-19 17:00
年紀大，轉數慢。無計。

所以Jan 都要買個正選左閘

Forever_Fan

Arteta 發表於 2017-11-19 17:36
所以Jan 都要買個正選左閘

買一個正選左閘兼中堅，係拜恩斯出場時可以打下中堅，另外加返garbutt落一隊，如果掂就比機會佢，如果唔得夏天就讓佢轉會吧，24歲也無謂拖累佢發展。

barker

Forever_Fan 發表於 2017-11-19 16:50
班主選領隊真係要好謹慎，朗奴高文已經賠一筆去挖角，英超前列領隊的年薪，再花成億鎊擴軍，點知係爛橙， ...

breaking news : walford reject new EVERTON third bid for Marco Silva

Forever_Fan

barker 發表於 2017-11-19 18:34
breaking news : walford reject new EVERTON third bid for Marco Silva

人地班主有錢過moshiri，點會貪你嗰千二萬丫，有錢佬來講為啖氣和面子比錢更重要。