迎戰曼聯

wahton

可否承兩連勝氣勢再下一城?

laukarwing

有你加乘，一定可以啦！

ginger

昨晚場波有啲可惜，天氣唔好落住大雨，其實大家都發揮得差，但輸左兩次犯錯比人打反擊，獌質素都高兩個都叫做半機會都把握得好。不過再次睇到我地進攻真係冇咩方法，最後都係要靠高波轟入去搏下亂，對加拿有啲期待希望黎緊會出多啲

愛華戰士

主場輸比一隊唔算強嘅曼聯，其實失望嘅。幾點值得留意，1） 早領先好多時之後反而更加唔識踢，唔識得放開壓前去殺死隊手，結果一直守，就出事。唔會特別怪基耶果下犯錯，係就係錯。明知曼聯最殺食係快速殺入果下，左右閘都係太輕易比人劏穿。第二球右路個防守係咪真係太輕易比c朗走個直線？

barker

愛華戰士 發表於 2022-10-10 13:54
主場輸比一隊唔算強嘅曼聯，其實失望嘅。幾點值得留意，1） 早領先好多時之後反而更加唔識踢，唔識得放開壓 ...

如果係柏達臣我估第二個失球在右路未必輸

barker

仲有今週作客 spurs 將會無哥頓仔 因為佢攞夠五張黃牌要今場停賽

ginger

barker 發表於 2022-10-10 17:12
仲有今週作客 spurs 將會無哥頓仔 因為佢攞夠五張黃牌要今場停賽

未必唔係好事，講真覺得哥頓一般。如果打穩陣啲對熱未必冇得打

愛華戰士

barker 發表於 2022-10-10 17:09
如果係柏達臣我估第二個失球在右路未必輸

咁呢D 又無得咁講O既....柏達臣始終係傷左，只能話高文始終係退化中，而且水準只會越黎越差。
加上狀態只有7,8成.....接住黎幾場波一定要踢得更加謹慎，否則又有排交學費。

愛華戰士

ginger 發表於 2022-10-11 12:46
未必唔係好事，講真覺得哥頓一般。如果打穩陣啲對熱未必冇得打

哥頓自從入完季初果兩球之後狀態一直下跌.....進攻上唔見有特別表現，明顯係比格雷比左下去。
下場對熱刺唔出去.....要睇林柏肯唔肯試下用GRANGER .....其實中間只要多一個用波球員.....其實我覺得會好過左右擺兩隻所謂邊路球員 (如果要用麥尼爾代替哥頓的話)