星期四晚上 ( UK time ) vs 西布朗 ( 作客 )

barker

今場對球隊爭前四其中一場重要波, 但我希望有D 輪換留力星期日作客車路士的關鍵一戰, 我估愛隊今埸小勝一球

ngkk821

以對Fulham經驗，一定要先穩後防，大家都搏命，J洛留力打車仔好過。

wahton

我地對中下游每每都踢得咁辛苦, 其實睇唔出有咩留力空間

ngkk821

好似上場咁，先比施格臣出場，我寧願贏得樣衰，緊緊熟。

Forever_Fan

Carlo Ancelotti says Everton will check on the fitness of Seamus Coleman, James Rodriguez, Tom Davies and Robin Olsen in training on Wednesday afternoon to determine if they are fit to face West Bromwich Albion on Thursday (6pm GMT).

The Blues boss confirmed defender Yerry Mina is definitely unavailable for the Blues with a calf injury.

Fabian Delph will also miss Thursday’s game due to a tendon problem, while Jean-Philippe Gbamin is continuing his rehabilitation from an Achilles injury.

今年傷兵特別多，可能因為疫情lockdown，好多球員的操練都好差，一打起來特別容易受傷

Forever_Fan

wahton 發表於 2021-3-3 17:11
我地對中下游每每都踢得咁辛苦, 其實睇唔出有咩留力空間

啱丫，對富咸一戰就係好好的警惕啦，對住降班鐵膽都要輸，我們憑乜留力? 每一場都咁重要。

reedlo16

睇返積分榜，要爭前四真係再無失分的空間。

其實近周其他賽果都對我們好有利(除咗比利記贏返波個場…)  係我地上面幾隊同係我地下面個幾隊都失分…故人地讓了路比你，都要自已好好把握先得…

愛華戰士

西布朗要護級今場一定係波到人到，點解我地對住下游硬骨頭往往下風？原因好簡單.....O係組織猜傳制造攻勢方面我地隊波始終係弱.......所以下游隊對住我地時往往就係讓我地猜波.....我地中場無果種細緻度....所以比對手會揀我地控波無咁好O既球員去壓迫，一硬泊就會好容易斷D 波.......一個快打慢反擊....我地往往就失波。要解決.....呢刻真係寧願比返個控到西布朗....先穩守求不失.....再搵機會突擊，最怕球員貪勝不知輸....以為贏左2場好掂又壓晒上去攻.....

kmman

曼聯李城失分，今晚車利最好和波， 愛隊全力追趕第二位， 呢2場作客好關鍵。安帥尋日訪問應該係第一次講以歐聯做目標，之前都係以歐霸做目標

愛華戰士

沒有比今季更好機會去衝前4 了.....宜家曼城基本上無得輸.....

我地仲可以爭2-4名
利記今季大跌WATT.....同傷兵有好大關係........
車仔林伯時期不穩定.....宜家杜曹教開始踢出穩定性.....
曼聯季初主場咁廢到宜家竟仲有第二....亦係受惠幾隊強隊接連失分
熱刺都係近幾季相若.....會有一輪好強勢....跟手又會跌一大輪....最近巴爾打返起.....會再有一段好表現....

李斯特城最近傷晒D 中場.....又係勁失分
維拉加利殊一傷.....又係唔穩
韋斯咸神神地.....宜家同我地半斤百兩......

阿仙奴宜家計若綜合睇水準已經唔夠我地....
所以我地以宜家個位置黎計我地堅係有機會....但必需要對D 牌面弱旅時要拎到3分。否則真係無乜機會。