愛華頓 2022-2023轉會討論區及賽季...

愛華戰士

傳熱刺51M 買李7。

愛華戰士

以宜家個市場價，李7 真係至少要65M 以上.......雖然話佢上屆只係入10球，但佢真係巴西常規國腳....當打25歲....我見球隊傳緊想簽果D 名氣唔大O既前鋒都講緊58M....真係痴線

愛華戰士

大財團入主只係代表老闆扔一大舊錢出黎要短時間換成績。以紐記為例，擺明變左市場水魚。到一日老闆無興趣再玩，球會就破產都唔惦。其實宜家當務之急係清左啲合約夠期嘅冗員，再等高美斯，米拿呢啲又貴又踢唔多嘅中價甩到手，再衡量下碧福特，卡法路雲同李察利臣呢三個有價有市嘅賣唔賣。咁拎住一筆轉會費同薪酬空間去入返幾個人工唔好高過10萬鎊周薪嘅返黎會好啲，

愛華戰士

barker 發表於 2022-6-14 20:05
呢個超级財團財力肯定在 Moshiri 之上

就算呢刻老闆扔3億鎊球會買人，以我地呢刻個基礎，都唔會入到咩好球員，最多又引黎一班僱佣兵，又將球員個工資架構拉到鬼死咁高

愛華戰士

列斯聯10m 簽左Marc Roca . 呢啲咪平靚正中場中囉！我地就硬係唔快手啲加強呢啲位置，成日仲諗埋啲50m 60m 翼！

愛華戰士

大家點睇以下幾個傳聞

Luca Pellegrini 左閘 (傳要13M鎊)
Owen Wijndal 左閘 (傳要8.6M)
Harry Winks 中場中(傳要25M)
Oleksandr Zinchenko 中場中/左

愛華戰士

60m 賣走當下陣中最具卡士嘅主力。價錢唔算好理想，不過球員有離心，都無得怨太多。鬼叫隊波呢幾年咁唔爭氣咩，打到無神無氣。唔怪得李7嗌走。對呢個球員我作為球迷都會繼續支持佢，除左希望佢對愛華頓時無表現外，其餘時間都希望佢打啲好波出黎。

球隊多左呢筆資金，真係唔該用得精明啲，千祈唔好用20m 去買什麼哈里榮斯、比拿芬、張伯倫、呢啲雪人。
另一方面我知唔少球迷仲係對doc 有期望‘唔該林伯把心一橫趁佢有市場時放佢走，紐記如果65m 肯j佢唔該比佢j 。 我真係唔希望下屆我地前線係踢卡法路雲。

愛華戰士

點計卡法路雲都唔係一級射手，講真話佢值錢過李察利臣其實唔太合理，一個巴西正選前鋒；一個英格蘭後備中鋒。其實如果真係60M ,真係賣左好過。特別係大家睇下官網開操第一段片，我對湯戴維斯同卡法路雲有一段兩個碌地沙玩到扭埋一舊果下有啲意見，兩條上屆傷多過踢，開操唔見認真去操，做埋啲無謂扭打，呢啲無情力隨時會整傷。我對米拿果種輕鬆大家笑騎騎雖然都唔太認同，但情緒上輕鬆啲我接受。但無謂嘅嬉戲真係唔太認同。能賣嘅真係賣左佢好過

愛華戰士

特別係呢幾日傳話球隊想簽果啲中前場球員。除左個Borja 上屆修咸頓入到10球同屈福特個Dennis 都有啲表現外，其他傳聞果啲無咩料到外都講緊20M 起錶，個市場真係當我地水魚。

愛華戰士

多口一提，睇完愛華頓第一課操練啲片。例牌嘅笑嘻嘻，馬騮搶下波，練下射波，講真真係好例牌。今日睇到熱刺去南韓操第一課，2小時高強度訓練後仲要15次300米來回衝刺跑，操完個個瞓喺地。老實講，我近十年未見過愛華頓練波會練到有球員瞓喺地嘅，種因得果，點解球隊打落有神無氣？點解衝擊力咁差？點解球員咁易傷？訓練強度肯定不足一定有關。