愛華戰士 發表於 2022-7-6 00:33:40

特別係呢幾日傳話球隊想簽果啲中前場球員。除左個Borja 上屆修咸頓入到10球同屈福特個Dennis 都有啲表現外,其他傳聞果啲無咩料到外都講緊20M 起錶,個市場真係當我地水魚。

wahton 發表於 2022-7-7 17:06:33

到目前為止,除左簽左般尼中堅外,其他球員得個傳字,隊波係轉會市場有幾大吸引力,可想而知。鴨仔雖非無可取代,但佢既頭槌,搶點,二傳對隊波係好重要。更重要係,賣左佢筆錢係咪可以搵到合適既替補?勁既唔會想黎護級,平平庸庸既又提升唔到隊波。最後又用啲水魚價買埋啲唔等洗既,只會得不償失

wahton 發表於 2022-7-7 17:20:44

24cheung 發表於 2022-7-5 12:58
呢類型嘅前鋒而家全世界都缺少,佢喺前面有一定作用,賣左佢但買唔返個替代,之前買個已成名有名氣既堅尼 ...

同意。上季成績咁差,同佢長時間缺陣都有幾大關係,前面冇人停到波

ngkk821 發表於 2022-7-11 22:41:50

點解愛隊買人永遠比人當水魚劏,其他隊又唔覺這情況,唉。。。

愛華戰士 發表於 2022-7-12 10:48:35

多口一提,睇完愛華頓第一課操練啲片。例牌嘅笑嘻嘻,馬騮搶下波,練下射波,講真真係好例牌。今日睇到熱刺去南韓操第一課,2小時高強度訓練後仲要15次300米來回衝刺跑,操完個個瞓喺地。老實講,我近十年未見過愛華頓練波會練到有球員瞓喺地嘅,種因得果,點解球隊打落有神無氣?點解衝擊力咁差?點解球員咁易傷?訓練強度肯定不足一定有關。

ginger 發表於 2022-7-12 12:32:14

其實而家睇落我地根本冇錢簽人,啲吹水買人新聞都係睇完就算,免簽同借人好似實際啲,希望新一季護到級啦

愛華戰士 發表於 2022-7-13 10:17:56

8月6 日新球季開,今日7月13日....只係免轉會費簽得個達哥夫斯基。離開O既一隊球員就有60M 鎊放走O既李察利臣.....合約完離隊O既德夫, 施格臣, 杜遜, 莊祖堅尼 (唔知仲有無漏)
明白球會財政壓力大.....要花巨款買啲名氣又貴價O既球員機會唔大,不過球會O係轉會市場上O既操作的確又幾令球迷失望。

以現有陣容睇....中堅位多到....達哥夫斯基新....九成會係正選....如果打雙中堅....拍檔至少仲有葛菲, 米拿, 堅尼, 賀基治, 班夫韋治........6個中堅.....使唔使咁多輪換?傳言話班夫韋治會被外借....究竟林伯留咁多中堅係咪又想打個3中堅陣式?....左右閘無乜太大問題....米高蘭高有尼高高做輪換.....柏特臣有高文做輪.....真係唔好彩傷左有葛菲同賀基治頂下.....當然成班後衛人就實夠.....只係部份質唔得 ( - 米高堅尼其實真係唔得...慌失失慢吞吞........米拿今屆我相信都又會係持續地傷.....葛菲用波能力仍然係差.......賀基治又係唔穩定.....呢四個賣咁2個去買返個硬淨中堅會較佳)

中場問題完全未解決。呢幾季屆屆季前球會都諗住基巴文康復會係防中不二之選.....但屆屆開波條友就潛水.....搞到人又買唔到,波又踢唔好........宜家又係得返阿倫同杜古希2個你眼望我眼,。高美斯呢條友....12萬鎊周薪.....完全係雞肋......話祖記想要佢....咪傻啦....。湯戴維斯.....尚代証明.....同埋畢竟唔係一個純控場防中...範範有D....但無範突出...位置好尷尬;阿里攻中今屆真係賭大細.....佢打得返起的話.....一季助攻同入波都應該有5-8 個,打唔起就行行企企一季.....。畢竟中場仍然未有一個重心球員.....話車仔個加拉查....又話狼隊個什麼胡禮....兩個要晒都應該啱用....只係2條友都講到無30M 唔使傾.........限米煮限飯.....真係唔知有無D 更加好O既選擇。新人有MILLS, PRICE 同WARRINGTON 有隨隊去美國集訓.....

前鋒....睇英國果邊啲球迷仲係無限幻想DCL .....真係痴線。話佢前季點好點好....上季唔係傷一定唔止咁少波入。講到尾我就係覺得佢唔夠全面,走位同雙腳埋門都係弱...而且停波能力差。一對一過人接近係無呢個能力。講到咁.....你仲話要圍繞佢去建立隊波?另一個吹捧到顛左O既仲有哥頓.....我承認佢上屆有幾場有幾下個人速度突破係有D突破力.....但係以數據論....入波4球....助攻都好似係5個以內....我唔認為係什麼世界級表現.....當然我認同球會要加佢人工同佢續個新約.....但係宜家話比10號佢著....請問佢究竟係翼定係10號位攻中?我上屆見佢有好多角球都斬唔起....罰球處理又係平凡過平凡.....簡單D 講.....射波能力....我諗佢無林柏特一半水準。點踢10號位呀大佬?....其餘伊禾比....格雷, 唐辛....左右翼....都係有好過無果隻....新人DOBBIN, SIMMS 吹到幾大.....朗當好似返國家隊踢又狀況唔錯....今屆我諗都仲可以出下。.....傳得最勁係BORJA.........

人地熱刺拿拿臨買五件.....宜家南韓操到噴火.....曼聯都泰國狂谷......我地人又買唔到.....操又係HEA 操........真係唔知想點。

Fuko~ 發表於 2022-7-14 12:41:49

愛華戰士 發表於 2022-7-13 10:17
8月6 日新球季開,今日7月13日....只係免轉會費簽得個達哥夫斯基。離開O既一隊球員就有60M 鎊放走O既李察利 ...

咁唔好太離地…熱刺可以一口氣簽入咁多個都係因為佢哋本身財政同埋球員架構允許,佢哋先會咁做。如果我哋當年請嘅係安76,唔係RK。我敢講我哋買得仲痴線。
至於Gordon:
Lampard on Gordon: “He’s going nowhere. He’s our player and that was a hugely-important thing to me, he’s the sort of player we want to build to go forward with. I’m delighted that he’s got his number 10 but now I want him to continue to earn it.
其實係林伯都想圍住佢中心嚟踢。講真,打得半季好波,對比加拉加仲要差啲…要唔要咁快落重注真係有保留。但至少佢真係鍾意我哋隊波,肯放盡博到盡。而且10號波衫係咪打10號位又唔一定,咪即管放眼去睇。

訓練問題…呢啲邊有得話笑笑口就唔好。唔睇過個操練內容都唔可以話邊個好邊個差。太chur, 傷晒又點呢?

witzz 發表於 2022-7-14 21:34:23

https://youtu.be/LgYfw_t3hxU 睇呢條片佢哋都係跑到嘔

24cheung 發表於 2022-7-16 11:23:04

昨日傳得好行買般尼Maxwell Cornet,請問大家呢條友勁唔勁架?
頁: 1 2 3 4 5 6 7 8 9 [10] 11 12 13 14 15 16 17 18 19
查看完整版本: 愛華頓 2022-2023轉會討論區及賽季...