[英超]主場对西布朗, 1/20号11.00PM

wahton

愛華戰士 發表於 2018-1-22 11:57
我相信愛華頓係近十年全歐洲頂級聯賽中斷腳球員最多O既球會黎
我記得O既有奧維度 (2劑？), 高文, 麥卡菲 (2 ...

1) 對手西布朗係本季作客其中一支成績最差O既球隊...但大家有眼睇.....全場波對手威脅埋門比我地多同入肉.....單憑呢點可睇到我地表現有幾差！

呢點講中哂我想講的....

自問忍耐力唔算弱

但而家呢隊波主場對住尾二球隊, 表現都可以差到好似隊包尾大幡咁

好難令人接受

個姿態就係對中上游球隊預左輸, 對中下游都要當自己係underdog咁踢

守得1分就1分, 係睇下博唔博到符碌執3分

我唔明兩個正選中堅做乜成日轉, 4個人輪流踢咁款, 何來默契

中場一定要搞清楚朗尼既定位, 究竟佢係攻中, 防中, 定安份做一個impact sub?

佢既定位同時影響埋施古臣既位置同左中, 防中既人選

barker

EVERTON 想借 left back 巴巴拉文

Forever_Fan

我地球會好似越多錢越廢咁，當年老莫同馬仔都算莫財，尤其老莫添。但現時成績就越踢越差，錢就越使越多，表現就同d無錢買人的中下游球會差不多，甚至對住升班馬都唔夠打咁的表現，真係讓我地呢班老鬼球迷情何以堪呢.....等左咁多年終於有人入主球會，點知呢幾年每況愈下，唉.....

Fuko~

Forever_Fan 發表於 2018-1-22 20:51
我地球會好似越多錢越廢咁，當年老莫同馬仔都算莫財，尤其老莫添。但現時成績就越踢越差，錢就越使越多，表 ...

你望番隔離街、曼城同埋熱刺洗冤枉錢呢條路可以話係必經。作為球迷只能希望呢個混鈍的時期盡早完結係啦...

Forever_Fan

Everton have spent £239million in the past 12 months. Modern football may be awash with money but that level of investment is still remarkable for a club whose previous ethos was to carefully balance the books and make sure every penny was spent wisely.

But as they laboured against West Brom, showing no wit and little zip, it was impossible to escape the feeling the vast expenditure has taken them backwards. Whatever honeymoon Sam Allardyce experienced eight weeks ago, it’s most certainly over.

Nothing feels right at present, from the uneasy relationship that supporters have with their manager to the lack of trust they feel in the team.

There is a sense of short-termism and Marco Silva’s dismissal from Watford on Sunday — he was Farhad Moshiri’s first choice to succeed Ronald Koeman — will only heighten speculation about Allardyce’s position in the summer.

用左2億幾鎊踢到成劈屎咁，與其夏天再搏一舖搵silva，我寧願俾多次機會老莫好過，橫掂佢夏天都約滿。我地隊換領隊都換到我驚。

barker

Forever_Fan 發表於 2018-1-23 01:21
Everton have spent £239million in the past 12 months. Modern football may be awash with money but t ...

Moshiri 不喜歡 moyes 架 , 你明唔明呀

愛華戰士

幾位兄都講到問題.....現在情況係︰
1) 錢用左...但表現不穩定同缺乏隊型....鬥志....呢點同早十年無錢但有鬥志比反而不如以往
2) 正如車仔, 曼城.....有財主入主....冤柱錢無可避免係要使....呢點我認同O既....之但係我地同人地宜家最大分別係邊？係領隊︰朗奴高文...以至宜家艾拿戴斯....都唔係可以帶隊波衝冠O既財料黎.....如果想一爭天下....換領隊係必需O既....大家唔好再諗住用莫耶斯了........我地要冠軍係需要更有大賽經驗O既領隊至得....莫耶斯教中型班啅啅有餘....但呢一刻....未到大師級層次.......車仔改革都輾維坆里, 古列治...到搵摩連奴...曼城轉來轉去...由曉士, 文仙尼到柏歷堅奴(柏歷堅奴我覺得係有料O既) ...到宜家哥迪奧拿.......；當然只有領隊無好球員係一樣唔惦.....大家睇阿仙奴睇到.....雲加頭十年都贏到開巷.....近十年收晒皮.....講真...除左踢法用老左....真係突出球員唔多一樣係無法。
3) 要建立一支表現穩固球隊.....首先一定要建立一套踢法出黎....可惜愛華頓近廿年都搵唔到一套有自己風格O既踢法....要走向強隊之路....上腳短傳係必需要O既....合埋眼大腳鬥衝鬥撞.....邊可能變強？曼聯盛世....由黃金中場開始建造....史高斯較炮...左右翼傑斯簡察斯基到後來的碧咸....防中堅尼....配合到幾代前鋒.....當你中場夠照....後防自然無問題.....雙翼齊飛加中路穿透.......；阿仙奴一刻爭雄....中場都有鋼鐵韋拉.......左右創造力有皮利斯.......奧華馬斯.....前邊亨利柏金直頭屈機......同樣係有雙翼...但更明顯係前線一快一柔......；到車仔一輪輝煌.....一條大陣....後防泰利......中場馬達....林柏特.......前邊杜奧巴.......講O既係先求穩....後求進.....；到呢幾年較突出O既曼城...耶耶托尼防中.....施華+迪布尼....係一個圍繞佢2個創造型球員建立O既球隊....其他球員....辛尼, 史端寧....唔需要好好技術...要走位同快....前邊一至兩個高效前鋒.......其他野就慢慢執；到異數O既李斯特城....飲水哥+簡迪O既強搶中場.......華迪...快速入.....馬列斯可傳可射可扭........唔好理係咪偷雞.....偷到雞就係叻。

得中場得天下呢句野係正確O既........可能咁講對GANA 係不公平.....純以個人計...我係幾滿意佢呢2季表現O既.....他是一個踢法似簡迪O既中場....但係真係未到可以揹起隊波O既水平....因為佢只有截擊力同活力....但缺乏左壓場感.......其實防中呢個角色.....你有一個全能型O既其實係可以O既.....堅尼...韋拉....耶耶托尼...簡迪.....攔截力強....能帶動隊友......連繫中場與後防......將皮球運送向前.....之後中場應該要配合到一個用波能力強O既中場柏檔.........我地....無！
可能呢幾年我地太重用拜恩斯同高文.......變相形成翼衛較....左右翼更貼近對方低線........呢個踢法有好有唔好....大家睇曼聯傑斯簡察斯基年代....基本上艾雲呢D 閘上黎係真係錦上添花.....因為兩隻翼已射晒.....到碧咸因為唔夠快....所以加利佬就死命配合落底.....因為碧咸有招七旋斬....所以加利佬帶散對方後衛呢一著都高效；.....但呢個踢法對兩閘體能要求好高.....而且真係會暴露後防.....如果球員球商不高...死命落底....會好易比人反攻.....。

呢刻問題....既然拜恩斯已無左上去攻O既體能...加上高文仲未得.....我地就應該要強化返純左右翼.......將皮球集中返中場中路....再觀察雙翼走位....適當分配進攻線路.....

我發好多牢騷......可惜球隊踢法真係令球迷痛心。

Fuko~

愛華戰士 發表於 2018-1-23 10:59
幾位兄都講到問題.....現在情況係︰
1) 錢用左...但表現不穩定同缺乏隊型....鬥志....呢點同早十年無錢但有 ...

所以我先話你中場冇人識用波，索性搵兩個跑動夠的人同你係中場截波，分俾翼跑上去算數...d短傳禁廢又冇人擔大旗帶波谷上去，傳下傳下傳返後跟手就交失。
睇見都扯火，索性控少d有波就上希波就守仲實際

愛華寶寶

愛華戰士 發表於 2018-1-23 10:59
幾位兄都講到問題.....現在情況係︰
1) 錢用左...但表現不穩定同缺乏隊型....鬥志....呢點同早十年無錢但有 ...

認同師兄講法，球隊死穴係中埸中 無人做串連同做波工作 ，下下比對手一拍即斷令後防壓力大增，進攻方面冇人分波去前埸下下由後防求其大腳踢上前，令前鋒好難有表現（就算有頂級前鋒都無用）好多師兄話朗尼可以勝任中埸做串連，我就唔多認同，首先佢速度慢技術粗唔靈活，先天因素令佢好難勝任呢個位的，踢呢個位置一定要靠天份，要朗尼踢呢個位係害左佢，個人覺得晤應該簽朗尼返泥，應該簽一d 技術層面高少少中場

aeroplane602

其實比錫用波幾好 真係比唔上一個長抖完既麥卡菲?