[英超]客場对熱刺, 1/14号凌晨1.30am

愛華戰士

呢場波失第一球....左路防線完全空X晒.....你問我...我會話最大責任係左翼位球員.....馬天拿跟住個前鋒埋左中間包位.....( 以我角度睇....佢呢個選擇唔可以話佢錯....係因為中堅2個企位企得太右.....令到中路出現缺口....作為閘位....佢移埋中間補係正確O既....錯就錯左左翼球員無意識回防幫波.....( 我唔知究竟係施格臣定邊個啦) -----> 因為艾拿帶斯今場三個攻中........我個人認為保拿斯偏右.....朗尼居中.....施格臣係左邊....但感覺上呢個左右翼係防守力好差O既.....咁究竟戰術上係雙翼返黎幫....定兩個防中要移落黎........呢個好明顯係戰術訓練上的不足....默契問題

到第二球輸埋個越位波.....隊波散晒....

杜辛第一場我覺得都收貨.....另外麥卡菲打得都OK....
進攻上就真係要重新適應了.....三個攻中的分工又係唔清唔楚O既....究竟係要利用保拿斯作個人突破落底傳中？定係朗尼施格臣中路組統突破射門或餵波比杜辛？真係唔清楚

對於呢一刻討論領隊問題......大家其實心中有數....艾拿戴斯過去十年教過幾多隊英超隊？被炒過多少次？....我地可以話佢有經驗去護級....而事實亦証明佢都做得到....但如果佢真係有料令到隊波能夠爭霸....咁佢就唔會比人炒咁多鑊啦
所以我話今屆過渡期用佢還可以....下屆最好就唔好了

好多師兄對莫耶斯有情意結.....事實佢最近帶韋斯咸係表現不俗....我都祝願佢可以穩定落黎.......當然韋斯咸本身水準係唔差O既....比歷呢幾年令到隊波對強隊有得打....部份人腳亦唔差.....不過大家最好將焦點放返愛華頓同艾拿戴斯上啦.....莫耶斯呢一刻係韋斯咸領隊....無論佢拎緊咩成績....對愛華頓係毫無幫助O既。因為始終大家人腳球底投入唔同......