今晚2:45AM 作客車仔

愛華戰士

上網睇精華....感覺正面啦
雖然係輸....但作客車仔大家都知道要贏唔容易....對方第二球要完場前至入我地....即對家都同我地拉鋸左90分鐘.....仲想點？

上半場應該係踢得幾沉.....不過下半場攻勢開始似樣....朗尼近射...米拉快射...連儂迫搶差半步空門...LOOKMAN 左腳中楣.....入果球尼亞斯明知90分鐘補時仲同你拼返黎....CLS 冷靜配合射入.....就係呢幾腳....我地等左三個月啦頂你！
至少失第一球....企位肯定係有問題架啦....不過真係要時間......威廉斯明顯係慌失失....但希望各位比返D 支持佢.....成隊波本來就係好似黃大仙咁有求必應...佢踢到失信心係正常O既......
失第二球咁韋利安係射得靚...同走位快....捱到90分鐘....我地後衛已跟唔上....

又要讚下隊長果球鬥快護門....否則場波會提早結束
出麥卡菲係我估唔到O既....慢慢黎啦....信心有返自然OK
連儂同米拉擺明係有團火.....我希望安斯禾夫可以穩定咁比佢地踢多5-6場先
都係果句....專心打聯賽啦