(朗奴高文再見)下任領隊人選和後遺症

愛華戰士

Forever_Fan 發表於 2017-10-24 13:15
其實我唔認為只因為前鋒造成我隊戰績變成咁，我反而想問我地的最佳陣式係乜? 最佳陣容又係乜? 我唸都係無 ...

呢個正正係現在以至新任領隊要第一時間解決的問題！

你問我.....朗奴高文究竟教隊波踢緊咩足球？...我真係答你唔到
枉佢係荷蘭體系名將.....又係巴塞踢過....但教隊波出黎風格完全係九唔搭八

摩連奴雖然泊大巴....但話晒一個穩字
高普雖然防守弱....但以往多蒙特中場全面升級....呢兩屆利記高速壓迫....至少好睇
哥迪奧拿....COPY 巴塞控球在腳
施蒙尼....團體戰....
風格....即係至少知道自己想要做D 乜

我真係唔係話要愛華頓踢到全季不敗....場場贏....我只係希望見到隊波踢D 好睇少少O既足球比我地睇下。唔係話我踩愛隊.....如果我唔係自細愛上呢隊波....今屆睇到呢隊愛華頓...我劈頭話我唔會鐘意呢隊波。
唔客氣D 講句.....唔少日職聯...甚至中超聯....都有踢得醒神過愛華頓

至於是否搵莫耶斯返黎教...我係有保留O既....
我唔批評佢教曼聯是否合格....
但單睇佢教愛華頓.....佢係有佢自己風格O既....之不過以往都有唔少批評佢戰術保守
或者我地真係要好似熱刺遇著普哲天奴呢D 如魚得水O既大改革至得.......莫耶斯如果接手....大家又要預1-2年調教....跟手踢D 相對穩守又攻不銳O既足球....對前六輸多和少....整季排位就取決對下游係贏波多定和波多的歲月。既然有心變....點解唔徹底D？

愛華戰士

其實宜家反而簡單
唔好諗什麼爭前四甚至下屆歐霸果d 啦

今季季初投入咁大其實係有期望.....但之後一連對4輪強隊.....跟手已話比我地知今屆夢己發完。事實上宜家投資.....想今季即刻有收成又係無可能.....原本我都諗住要2,3 季，..宜家大家最心怯O既只係.....人地扔大錢....買黃金.....可能都唔啱用......但至少保值；我地扔大錢....買缸瓦.....保值就唔使旨意架啦....希望同人對撞都仲撞得下啦

以隊波O既球員質素....宜家實實際際去打聯賽....我唔認為我地要降班O既.....中中地九九十十應該都仲OK

愛華戰士

James_Beatkit 發表於 2017-10-24 13:23
你講既只係前鋒問題
一早可以有plan B自己唔用係佢ON9
另外咁後防呢?

條木契最廢係根本唔清楚自己有乜野牌去打乜野GAME

防守上三個中堅都唔係上腳用波型...( 唔同史東斯)....你只能考慮出2個....盡情破壞....

#之後要防中立即現身幫中堅#

防中兩個....GANA 係體力迫搶型.....舒拉達連 ( 期望係派路果類控制比賽節奏)....但事實上佢缺乏舒造力同長傳遠射.....講得簡單D----> 另一個曼聯棄將......佢連已有老態O既卡域克都FIGHT 唔贏.....過黎就做永遠正選！
其他唔爭氣O既麥卡菲, 比錫....傷多過踢......；巴利無正選要走....仲可以點？---> 其實上屆巴利現身拎波係最快O既
湯戴維斯係屬於有進攻力....但防守力唔突出.....可以依賴O既係佢活力夠

當你又遇到防中唔給力.......咁你又可能只考慮出1 個防中。

咁綜合睇......4 人防線係較合理.....外加1個正綜防中

4141 .....或者41311......呢2個係最合乎到我地提高防守力的戰陣
無錯....如果我地要攻....4123........2個攻中....將就D 就係朗尼/ 施格臣/ 古莊臣/ 華錫............左右三箭頭就米拉, LOOKMAN, 連儂, SANDRA.....同之後復出的保拿斯........正中鋒只能係NIASSE 或CLS

呢D 已經係最簡單不過的.....我睇呢隊波咁多年....唔明點解管理層連呢D 都唔識睇！

愛華戰士

evertonarteta10 發表於 2017-10-24 14:27
所以我咪話佢舉棋不定囉

前鋒梗係影響大啦, 冇左條柱躉RK邊識入到波啊..... ...

其實當日盧卡古O係度....我地D 踢法都唔係好......前邊靠條大木柱去衝擊.....一路都知非長久之計黎.....因為呢種踢法係個人....唔係戰術

故此有呢三幾年又係對強隊我地近乎輸硬.....因為盧卡古遇強必屈的個性。
一個真正好前鋒....應該係自己有好表現之餘....連帶可以帶動圍繞自己O既隊友都提升
盧卡古呢幾年係有一定入球率....但佢係咪帶起到隊波？我有保留
特別係佢當控制左或者接應唔到波之後就成個呆左O係度果下動作.....已經代表佢進境有限

大家睇下蘇亞雷斯.....踢利記時踢到識飛....連帶史杜列治....古天奴....個個升LV....呢D 就係星
睇下今屆哈利簡尼.....直頭連孫興文宜家都就黎變神

愛華戰士

Forever_Fan 發表於 2017-10-24 19:14
其實我覺得高普和杜曹都係吹大左，其實呢個時間搵領隊唔係一個好時間，無乜選擇，挖角都好呢段時間人地都 ...

多蒙特2度拎德甲冠軍.....呢d 梗定係功力.....正如大家唔可以話雲里亞李吹大左....有d 野....冠軍就係冠軍
正如摩連奴教波圖拎歐聯
賓利迪斯帶利記拎歐聯
我地用o既領隊....莫耶斯, 馬天尼斯, 朗奴高文....做領隊拎過乜野杯....大家心中有數.....
所以點講都好.....找領隊應該搵d 識攞杯o既。

愛華戰士

其實呢一刻我最關心O既反而唔係究竟邊個會係新領隊....因為呢樣野好睇老闆點去期盼隊波......佢比咁多錢...梗係覺得搵個名帥教會有保証D.....如果我係老闆....都唔會話明明睇到莫耶斯教左隊波十年 (無錯係穩定)........但乜都爭唔到....仲會諗住用佢去爭冠軍吧。

呢一刻我關心係一班已在雪櫃好耐O既邊緣球員....究竟球會會點處理。
## 呢幾年我地往往係雪人多過用人.......華蘭西亞, 卡華利, 吉遜, 派拿, 奧維多, 等等等等....雖然佢地O係球隊打唔出咩成績...但有D 離左隊後都發揮得唔錯...卡華利最近至幫屈福特絕殺拎3分
現時隊波有唔少呢類邊緣份子︰......要穩定軍心.....最好就1月轉會時唔好比任何一個球員離隊
占士麥卡菲/比錫/ROBLES/米拉拿斯/艾朗連儂
以上5人如果球會保証比到一定出場機會佢地....我相信佢地會留隊

巴克利----> 呢個麻煩在你就算加佢人工...比埋正選佢...佢都未必想留.....仲要宜家攻中球隊有咁多選擇...究竟點處理....要盡快有決定

主要傷兵︰保拿斯, 高文, 富利斯.....3 人除左高文外.....其餘2個保唔保証到有正選都唔知

無辦法...一朝天子一朝臣....其實個個球員都應該公平競爭.....RK 今季引入O既....SANDRO, 施格臣, 卡拉臣....是否爭得一席正選真係無人可以保証....朗尼始終有入球保証....用佢無可厚非......反而舒拉達連我認為球會可考慮1月份放走佢.....因為真係無鬥心..無作用

愛華戰士

其實有時真係好難講甚麼領隊叫做好.....或者我地如有機會教3幾場愛記...全部贏波.....我地就會變左名帥

打個比方.....施丹帶皇馬....變左世界最佳領隊....但好多人都質疑....你帶皇馬....贏波係理所當然的事呢。
安歷基之前夠帶巴塞都拎唔少杯....但外界對佢評價唔高喎....因為好多人覺得哥迪奧拿至係種樹果個...安歷基只係執手尾
到哥迪奧拿去拜仁....始終贏唔到歐聯....人地就質疑哥帥無料到.......咁到曼城....大把錢使....上屆乜都無.....都比人插到飛......但今屆又虎虎有威....
雲格教左阿仙奴20年.....當年你有伯金亨利.....四大長老防線夠穩建.....拎冠軍無問題啦....；之後人腳唔夠....間中棋中出世的雲偑斯, 費比加斯....獨力難支......十年無大錦標，....咁....好正常啦
曼聯後費格遜年代........莫耶斯係慘O既....手執咩牌？費蘭尼呀大佬....想點起飛先？到宜家摩連奴....有你無理整個伊巴普巴....點講都係世界級球員啦.....加個迪基卡後邊....雖然整體人腳未算好超級....但摩連奴最精就係呢點.......當年皇馬你比C 朗佢.....駕馭唔到咪比人篤走囉....車仔時又又DC, 夏薩特呢D 一線麻煩友...全心幫你搏時咪好囉....反轉豬肚時咪HEA 爆你囉....所以摩連奴宜家曼聯好簡單.....先踢走大哥朗尼....伊巴始終年紀大....搞唔出乜.....最大名氣得返個神神化化O既普巴.......其餘愛吃糞楊格, 華倫西亞, 費蘭尼, 鐘斯 之流....求其有波佢地踢佢地實同你搏老命.....再自已搵個愛將馬迪入黎....成個局勢基本上掌控到.....再同外界表明.....同曼城...車仔有得爭...但無優勢。

客觀D 去睇.....我地宜家呢一班波....四線分析究竟有無本錢去爭錦標。

前鋒︰抱歉.....無一個係世界級 (朗尼名氣上係...但明顯已唔係高峰)；其餘即使係名氣較大米拉拿斯呢D....也只算二線偽前鋒
中場︰抱歉....缺乏純左右翼....連儂比返十場八場佢操返起....可以係一路奇兵；進攻中場缺乏能傳善射型 (唔好同我講施格臣係)---> 如古天奴；防守中場無較炮型----> 如沙維派路沙比阿朗素；攔截型︰OK...我當GANA 合格。
後防︰超級抱歉.....三個常用中堅....除KEANE 叫有D 潛力....其餘2位已由二線跌到世界三線。拜恩斯曾經係一線尾左翼衛....宜家只能算二線...；右閘高文未受傷前表現可以係一線尾.....期望佢復出後仍有呢個水準。
龍門︰要改善穩定性.....免強可以接受
就咁睇人腳.....真係唔夠好。