2017-2018球季 英超#3 作客對車路士 (27/8/2017 8：30 pm)

愛華戰士

今場波我睇到失第二球真係忍唔住要轉台睇FORMULA 1
好克制我已經唔想爆粗...但上半場我真係睇到爆血管咁際。

仆你個街....憑乜又踢所謂361 ( 或541)？
HOLGATE 根本無助攻力....或者講連傳波能力都低.....下下合埋眼將個波踢上前...咁你叫佢真係上唔上去助攻好？
拜恩斯上半場係我近幾年睇佢踢得最不知所謂的半場......完全無上去助攻的意欲
積基卡今場又係踢到一陀屎咁....有一球自殺式橫傳唔輸真係好彩....同埋佢一拎到波第一個諗O既就回傳碧福特
威廉斯踢得好辛苦....根唔完全唔知點做
連本來打得幾好O既米高堅尼今場都慌失失
龍門除左救波....今場無論長傳同快傳都亂咁黎....時間掌握得差....落點無準

可以話6個防守球員無一個合格！

中場GANA 太早有黃牌，影響左佢整場發揮...佢好多波上到腳...但始終不是做波球員....D 波佢傳上去斷唔少
湯戴維斯真係今場完全打得差.....無影無踪....要防無防....要攻無攻
施格臣....上半場夠膽死下下一拎波就彈返比後衛....我真係比佢吹漲.....下半場打返451 都叫好返少少
朗尼今場其實唔好太怪佢.....當一隊波完全進退失據....佢本身又無左速度....係好難踢O既

SANDRO.....希望朗奴高文等佢有狀態至好出佢....佢完全唔惦...或者公道D 講句...佢完全唔識踢CF....請將佢放回左前或右前。

比錫後備入黎算帶到活力入黎....OK 的
連儂反而打得算幾好....雖然出場時間咁短
DCL 後備入黎好搏命....打得最好

一句講晒....無本事打3個中堅後衛+ 2 翼衛....再踢只會衰多幾錢重
下半場打返451....明顯大家知道自己做緊乜....
威廉士都上黎射兩球....
你老闆RK 場場唔同陣....我講過實死O既

愛華戰士

睇落其實幾無奈
你地睇下韋斯咸千零萬鎊執到小豆 ( 佢已入兩球), 曉士又買到前皇馬青訓謝斯洛迪古斯 ( 佢上一場一箭定江山), 利記買沙拉宜家踢到曉飛
我地究竟點解買卡拉臣？呢一刻你問我，我會話SANDRO 都好水貨.....條友D 盤扭完全唔惦.....尋日果下插入左腳射撻Q.....( 人地謝斯洛迪古斯就係咁樣入波)

我本身好憎曼聯....但不能不否認季初呢幾場曼聯踢O既足球有速度有力量有突破有隊型....虎虎有威....我係盧卡古都會想去踢
利記係世仇....但以波論波....4-0 血洗阿仙奴....真係D 反擊同迫搶好有效
你朗奴高文究竟教左隊咩波出黎？上腳唔係上腳....壓迫唔係壓迫....連前鋒搵咩人企都仲未搞得清楚！

摩連奴好簡單....盧卡古一個點....配合左邊舒拉福或馬迪爾速度型做突破.....最殺食馬希戴恩同馬達雙核交义走位.....中場中路保巴做控制節奏....馬迪做防務....再有兩隻跑狗....華倫西亞同白蘭特左右上黎助攻....真係攻到你瀨尿。

利物浦尋日贏阿仙奴真係叫完勝....以攻代守....中場中三個塔....軒達臣做控制節奏同長傳....安尼簡同韋蘭度姆做壓迫.....左文尼...右沙拉....前邊法明奴做個輕微墜後的一點....

其實我地真係唔使咁複雜....宜家唯一可以做到前面停波果一點O既只有朗尼 (或有陣時以DCL代替).....其實最大殺著攻門O既應該係好似文尼同沙拉O既雙翼.....我地可以試用米拉同SANDRO/ 連儂；中場中我地用GANA 做馬迪或軒達臣.....前少少就舒拉達連.....配合施格臣(必需要增加走動).........中路防守就堅尼搭威廉士....左閘拜恩斯同右閘馬天拿 ( 唔可以用HOLGATE, 條友無傳球)......我點睇呢個陣都強過尋晚對車仔上半場！

愛華戰士

爆炸拖肥糖 發表於 2017-8-28 13:50
加埋上季大约踢左50 場正式比賽，我仍然睇唔到RK 嘅戰術風格，有冇巴打參透到話俾我知？我唯一睇到嘅戰術就 ...

這是最令人嘔心的足球....積基卡尤其嚴重....去到邊都只係諗住將個波交比碧福特大腳....以往佢都有D 長傳....我唔係想入晒佢數....因為隊型所限....前面無人現身....好蝦後衛.....

但今場大家真係留意下....上半場尤其嚴重....成條防線係咁龜縮O係禁區頂位置....無話跟住成隊波壓上.......你有三個中堅....其實好應該搵一個COOL 到下波O既.....打反攻時試下帶個波上黎幫手拉空對方中場....但佢地三個只係識得左交右右交左.....積基卡唔係比碧福特就比拜恩斯....仲要好多時個位死左至比佢.......你叫拜恩斯點踢？

愛華戰士

nsno 發表於 2017-8-28 15:34
你呢套打法好正路，我相信俾Unsworth接手都會打呢套（好似馬仔被炒之後嗰場咁，反擊快，重側擊，分工簡單 ...

如果打呢個4213陣，我地最多只能講米拉拿斯或者艾朗連儂入球率唔高.

愛華戰士

tongtong 發表於 2017-8-28 23:36
如果你睇番近幾季之前領隊老莫或者馬仔,我地作客車路士史丹福球場從來未試過踢到咁消極放棄進攻完全無正式 ...

幾時都講進攻係最有效O既防守....你唔用前鋒拉散對面D 後衛同中場.....咪比人中間慢慢猜爆你囉
法比加斯本身係一個速度唔高O既球員.....佢都可以O係我地禁區打ONE TWO 入....呢樣野己突顯我地中場幾鬆散！

今場好明顯係作客自奄，O係我角度睇....仲衰過上屆輸0-5

愛華戰士

爆炸拖肥糖 發表於 2017-8-28 21:24
正路，
DCL 同 Besic 都係尋晚表現 正常嘅人，其他的除 Pickford外，其餘全部都水準以下 ...

阿仙奴本身最強就係比佢地中場猜定黎踢....
利記就係由中場開始壓迫....結果尋日阿仙奴中場踢到散晒.....

對車仔本來就應該係咁.....當然車仔簡迪/ 韋利安/ 法比加斯的緊密較阿仙奴為高....同埋車仔有馬高斯呢隻助攻力強左閘....會相對難搞D....但好明顯係5人防線= 叫人黎攻