歐霸盃附加賽首回合 主場對夏德 18/08/2017 3am

愛華戰士

2-0 主場算係一個可以接受的結果
我半夜瞓醒由70分鐘至睇YOUTUBE 直播....呢20分鐘睇過程就幾沉悶...但都睇到球隊特別係後半場球員的傳送現身做得幾好....好多時D 波都傳到比隊友空位...呢點肯定係進步黎....
對方尾段有一兩個球員有D 突破能力.....搞到我地有少少亂....但喜見後防幾個都輪流補位包抄....最後碧福特亦好集中....防守上係比到人信心。
朗尼尾段體力應該係下降....高文要適當比佢休下息....一周雙戰佢未必惦.....始終佢都未完全FIT....卡士肯定仲係我地隊中近乎最高

卡拉臣睇返精華...第二球係靠佢勤力.....相信佢自己未適應到節奏....所以好多傳送都係比身邊左右的隊友....未放到咩長波或KEY PASS....呢點係正常O既....當你個人未最FIT....好多時踢波只能選擇最容易的工作....例如後衛就大腳清....但當你FIT 時...就上腳過埋人上去助攻...道理一樣.....都係比多少少時間佢....無可能咁快判佢死刑。

GANA....講左佢係季初暫時最FIT 果個黎...助攻助守....反應又快....入果球絕對唔容易處理

拜恩斯都應該要比個讚佢.....第一球佢助攻果下真係久違了....呢兩三年因為我地進攻球員好少入禁區....故此佢唔少傳中球都無人接應....今屆可能佢知道我地D 攻中多左入黎....佢都頻密左上黎助攻.....佢左路開上黎仍然會係我地本屆其中一招殺著

MARTINA....各位真係應該要正面D 評價佢....免費簽.....雖然對手唔算強.....但我睇到佢幾定喎....唔會立亂去波.....同隊友猜D 波都叫好.....( 雖然尾段有2下傳中看似有機會傳到但都比唔到隊友) ....但見佢上黎果下時間都好合適.....至少可以幫球隊拉閣到個進攻。