愛華頓轉會討論區 2017-2018球季

愛華戰士

最乞人憎就係熱刺....仲買埋巴黎個盧卡斯.....明明已經中場人滿.....仲要買多個黎擺....

愛華戰士

荷蘭玩輪完

愛華戰士

當你花左2億英鎊.....但結果是比往年仲跌一級.......連般尼都排第7拎歐霸席位....我地只捱個第8 返黎仲要係成季大起大跌....贏波又跌跌撞撞咁贏...
今時今日大家識波O既都知道一個好領隊係可以改變隊波O既水平.....

哥迪奧拿當然係有無限資金....而且教親都係豪門....但不得不承認佢地面猜波呢個戰術體系係控制到比賽節奏
高普多蒙特時期已令到一班中場雞犬升仙....高強度壓迫踢法....雖然會令到班球員身心疲倦....所以適合D 較年青球員踢.....但不得否承認至少呢種快速壓迫戰術踢法討好.....亦都好睇。
摩連奴你地話佢悶....但事實上佢識得點樣用自己的強去攻隊方的弱....所以佢帶D 球隊一直都好穩定

如果有人話艾拿載斯值得再教一季，我會覺得係荒謬....作客6連敗....強隊對碰猶如大人蝦細路....艾拿戴斯只係適合帶D 本身球隊人腳不太差而又缺乏野心的球隊去打護級戰....

暑假期球隊無論如何都要物色一個有戰術理念同雄心O既領隊返黎

愛華戰士

Fuko~ 發表於 2018-4-30 11:28
講明先，我都好憎大SAM，唔想佢留低，事關我覺得打進攻足球會好過你打901。
之但係你真係唔可以忽略大SAM ...

師兄，唔好誤會。我對於大SAM 今季幫我地從谷底帶返上中游呢個成績係肯定O既。朗奴高文將我地帶左入接近萬劫不復之地。
只不過我認為如果球隊要長遠發展同挑戰錦標.....暑假換領隊係事在必行的方向。

我明白大SAM 只有2/3 球季.....咁去評論佢遠離爭標行列係有D 不公平，之但係我地今季對前7隊O既戰績事實係慘不忍賭....考慮到我地本屆的資金投入........而且踢落黎的而且確係缺乏組織力同創造力.......不少球評家原本認為我地今年係有力挑戰前四(當然呢個我開季前都覺得係機會好微O既)

既然同大SAM 係18個月合約....咁我意思都唔係話要怒炒果種.....現今球壇現象就係咁.....合則來不合則去...試問邊會有一隊英超球隊可以做到個領隊完左份約至分手？就算干地, 摩連奴, 到宜家雲加....都係合約中途食散水餅.....因為好的領隊就算贏到錦標....跟手續長約....但當成績一下滑.....結果就只有離開呢條路.....

愛華戰士

其實大家心裡應該都明白.....既然下屆無得打歐洲賽....咁今個夏天將會係球隊一次好關鍵O既時期。
以班主心態....OK...宜家無歐洲賽包伏......下屆專心聯賽....如果投資咁大.....最終下屆又係對強隊無得打....聯賽排個8899 咁....我諗班主都唔會接受。

越早確定下屆邊個帶隊....同組班.....係好重要O既

真係好知名O既領隊.....呢刻要搵都知道唔容易....但點都唔好翻來覆去搵果D 過晒氣又左跳右跳果D 領隊

至於球員.....如果傳耶耶托尼....我覺得可以考慮O既....雖然話佢已漲左半個碼...但佢係我地最需要O既中場中路控場型球員.....佢O既經驗同眼界可以帶動隊波......相信曼城唔會收任何轉會費.....當然人工佢點都唔會低......睇下佢意向啦......
另外沙基利.....雖然係踢法較個人化.....但都不失為一個有侵略性O既進攻球員.....如果1200萬鎊可以買斷....真係試下無妨

愛華戰士

chanpo1974 發表於 2018-5-1 23:09
大SAM比佢教多年完約只是浪費多一年時間, 佢能力多年來証明只是護級專家, 而且教了大半季球隊表現都是跌跌 ...

同意！
若果不勇於求變....我地只會持續踢出近年不悅目且不銳利O既消極足球。

愛華戰士

其實我想知道西布朗宜家降班.....巴利仲有無機會返黎客返一季？

愛華戰士

Fuko~ 發表於 2018-5-10 20:52
Wayne Rooney looks set to play his last game in the Premier League this Sunday – with a £12m move  ...

講真如果佢咁玩一季就走....真係浪費左當初搵佢返黎果個原意
其實球會當日係希望朗尼以佢經驗.....幫球隊年青球員去成長....以呢季我地朝不保夕O既表現....講真....根本乜都傳承唔到啦
我希望朗尼至少可以留多一季....真係擦D 火花出黎

愛華戰士

Fuko~ 發表於 2018-5-11 15:57
中場要活力...跑唔郁的話同舒拉冇分別...

咁又唔係絕對O既師兄....中場中路係一個相對較特殊O既位置.....活力有當然好...但又唔代表一定要四圍走同.....反而最重要係位置感同埋O係適當時候現身同搶到個點去連繫攻防

好似派路...沙維......當然佢地偏向進攻型.....防守型O既可能好似巴塞沙治奧,馬迪.....最重要係閱讀球賽能力.....我相信耶耶托尼呢方面較我地宜家隊中所有防中都強. ....而且佢型夠........我覺得真係會適合我地用........ ( 舒拉達連更加唔好同人比)