愛華頓轉會討論區 2017-2018球季

愛華戰士

其實大家無謂作無謂爭論...事實擺在眼前︰
朗奴高文戰術調動有問題.....不是要用一兩場波判佢死刑....但佢必需要改善....否則斷頭台等緊佢
米拉拿斯基本上不得朗奴高文心.....走硬

愛華戰士

宜家球隊情況係....真係無乜法子.....一定要買人..原有陣容上攻擊力真係太疲弱.....入到波O既只係得要滿血狀態O既朗尼同施格臣...同後備入黎衝一衝O既尼亞斯
大家理性去睇.....DCL ....你問我....我會話根本未夠班踢英超.....潛質我覺得佢都有D ....但作為一個前鋒...仲要球隊踢單箭頭 ( 作為前鋒...你需要有一個套路懂得去入波.......當然如你有大哨朗拿度O既超強盤球....技術....速度....力量....加埋神級左右腳射術....咁就一定係無得頂....

前鋒類型︰
頭搥好...前點支柱︰.迪斯高...基奧特...高洛治....迪亞高哥斯達...甚至卡希爾
射術好︰巴迪斯圖達....伊巴....羅馬尼奧...阿古路....蘇亞雷斯
盤球力高...傳得射得︰可為隊友鋪橋搭路....美斯..尼馬...夏薩特
我明白將DCL 同佢地比較係無得比....但你作為前鋒....我要請問....DCL 有邊一點係強？
無錯佢係年青....有活力....同好肯同對方後衛爭頂.....可惜係.....我睇十球佢有九球係頂唔贏對方後衛....佢身材唔夠硬淨....雖然佢身高都算過得去...但爆發力唔夠....所以爭頂佢拎唔到優勢...( 卡希爾身材矮...但跳頂時間一流...加上佢夠硬淨....衝頂時後衛係怕左佢o既)
無錯佢有時係能夠保護到個波.....因為始終係年青....夠快速....但佢無將佢O既速度用O係突破上....大家睇伊巴謙....佢能夠停到波...兼且用身型擔位個位....再配合隊友走位....DCL 即使可以拎到個波...但好多時人地後衛一埋...佢就要帶住個波退.....
至於左右腳射術....如果100分滿分...我諗佢射術只有65

尼亞斯係一個好勤力O既前鋒...之但係走位比較草率....容易比人裝越位....我立場係...作為輔鋒...我覺得今屆值得再比機會佢...當然如果球會覺得套現佢仲有15m左右)....o係權衡效益下....呢個決定又真係未嘗不可o既。

辛度....真係好難....佢仲未適應到英超節奏....質素我覺得佢有o既....佢踢法上似車仔個柏度.......你要佢打正前無乜可能架啦....

大家要明白.....感情上我都會覺得每一個球員離隊係有d 可惜.......米拉拿斯係一例....但問題係我地一直對球員有期望...但結局係失望時....大家長痛不如短痛....我地無可能再一直盼望球員打出我地期望o既表現

上場我見占士麥卡菲打得唔錯......佢有果下主動去截擊能力.....希望佢無傷無病....；保拿斯有幾腳傳中係好o既....可惜係我地前鋒唔惦....喜見條友越玩越開心....咁代表係信心開始有返....

綜合黎睇....暑期引援....人都唔可以話買錯O既(至於係咪買貴就真係見人見智了)....龍門碧福特....年青中堅堅尼....經驗同鬥志中前朗尼....中場策劃人施格臣......低價右閘馬天拿.......比較失望就係卡拉臣同辛度....

綜合黎睇...宜家買入TOSUN....一個比較純正O既前鋒射手....如果傳再買埋AC 米蘭個棄將前鋒.....咁我覺得都合理O既....始終又借走左米拉....而且尼亞斯又傳會賣..我地無理由經常諗打單箭頭......兩頭車馬好
中場....如果搵到一個突破能力好O既左翼...我會希望球隊買返個左翼....
後防....左閘點都需要買一個架啦.....

愛華戰士

evertonarteta10 發表於 2018-1-10 11:54
如果入andre silver, 直接改打1正1輔, 唔駛再期望翼鋒入到波

重點係....我地所謂O既翼....係真係入唔到波

愛華戰士

James_Beatkit 發表於 2018-1-10 15:20
佢真係除左叫頭鎚好少少,好真係少少
同埋買波衫印名抵之外
真係諗唔到有咩特別 ...

其實我真係唔太明管理層暑假時明知盧卡古會賣走....點可能完全唔諗買返個射手返黎....咁樣開局同自殺有乜分別？

我地呢廿年雖然無話爭到D 咩成績...之但係季季都算有個進攻套路.....或者叫做前邊有個數糊人物...由鄧肯費格遜...耶古堡...AJ...積拉域....甚至平一丕O既碧福特.....卡希爾.....盧卡古.....前邊點都有個叫做有D 名氣 ( 或者懂得入波O既球員).....
DCL....你問我....我覺得佢比對家個後備蘇蘭基仲至少弱30%

睇下宜家英超D 所謂下游.....人地擺出黎有D 前鋒有D都嚇得下人....高洛治...卡盧爾....迪科爾....什麼朗治...阿奴度域.......DCL....仲差過已經過晒氣O既卡盧爾

我本身唔係想批評DCL 呢個球員....佢水準高低錯不在佢.....其實佢係比球會害左。宜家隊波以一個近乎451 的戰陣....你個單箭頭其實唔易踢....可能DCL 如果有多個前線拍檔....表現會比宜家高幾個層次都唔出奇....

愛華戰士

James_Beatkit 發表於 2018-1-10 15:21
呢個佢愛將啦
冇正選都照揀佢入選國家隊

呢條友.....有得揀希望呢件事唔好發生....如球商低......經常傷....重點係人工又唔平......加上呢D 所謂踢慣大球會O既....落到黎有幾多HEART 去搏真係不敢恭維.....

買個好似TOSUN 呢類....轉會費又唔算超貴....而且渴望証明自己O既會更好

愛華戰士

睇黎禾確特單野都好好快落實
聽聞仲要11萬鎊周薪.....只係擔心影響軍心

如果真係加盟....當然希望佢可以帶到D 正面效果.....一定要打雙箭頭架啦....唔好諗住又451.....或放佢打右翼果D 衰野.....

愛華戰士

我睇法係....禾確特其實不適宜打右翼....反而專心比個輔鋒位置佢打可能 (我要強調係' 可能' ) 仲好....因為佢本身位置感其實唔強....佢最大優點可能係佢突然一下突入破越位果下速度.......同埋前場如果我地企住個有速度O既....可以令到對手後防不能壓得太前.......轉守為攻時我地板斧會多D
如果打翼...佢出波質素唔高....而且如果要右翼....艾朗連儂會較佳...

理論上最佳陣容︰(42112)
                                 碧福特
高文(KENNY) .........堅尼......積基卡(威廉士)......拜恩斯
                    GANA.....占士麥卡菲(舒拉達連/ 湯戴維斯)
                            朗尼(卡拉臣)
                            施格臣(保拿斯)
                            禾確特.......杜辛

或試下打...41212
   碧福特
高文(KENNY) .........堅尼......積基卡(威廉士)......拜恩斯
                                GANA(占士麥卡菲)
                                 朗尼 / 戴維斯
                     施格臣 (保拿斯 /卡拉臣)
                            禾確特.......杜辛

愛華戰士

evertonarteta10 發表於 2018-1-18 12:25
我都係覺得433, WALCOTT右邊輔鋒, 條邊線比番KENNY/COLEMAN

左邊比哂保拿斯搞, 隻閘唔駛上

我都有諗過433 呢個陣....之但係如果打433....中場中位置需要攔截力強...上落速度高同覆蓋範圍大O既中場.....加上要好懂得將波分去左右前鋒去衝.......

我大膽D 同利記做比較︰以利記宜家所打O既一個433 陣睇.......
正前係法明奴....一個衝刺力唔太強....但停到波O既技術型.....；某程度我覺得杜辛都有少少似呢類型....有技術..有射術....
左右前鋒....文尼/沙拿.....呢兩個唔使點講....明屈速度...同兩個都肯推波埋大位...甚至好多時變左正中鋒個位去射門.....；禾確特免強可以話起到沙拿個作用.....但左路如果保拿斯....因為佢始終唔係靠速度...而係喜歡上腳盤扭...一上腳就自然對方防線返晒黎....而且射門效果唔高.....真係打左前鋒其實未必收到好效果....

中場三個︰
偏防守︰安尼簡/韋拿杜姆....屬於身型好...跑動多....攔截力唔太強...但踢法硬朗補到位，仲要肯遠射；我地隊波身型最似係舒拉達連....可惜條友絕不硬淨.....而且跑動極少....( 真係做人地後備都無資格！)

攻中古天奴...( 甚或拉拿拿/ 張伯倫)...上腳組織型.....要技術有技術...要傳送有傳送....要射門有射門...要速度有速度..；我地施格臣都屬於呢類....當然水準熟優熟劣就大家明眼睇了

較炮型︰軒達臣.....可傳可射同控制比賽節奏....而且必要時果斷攔截；其實宜家我地隊波只有朗尼可以踢到呢個位

所以利記今屆其實係用4 個屈機型進攻球員....配合一個較炮型同一個硬朗型中場以互相走位跑動去以攻代守。( 當然利記防守力弱或呢個433踢法係有將防線暴露出黎呢個缺點)

所以我會對踢433 陣型有所保留.....因為以逐個逐個人坪....朗尼已缺少軒達臣O既速度同運轉.....GANA 缺乏攻擊同身型優勢....施格臣亦缺少走位現身....(特別係當GANA 搶到波....如果要搵施格臣交時....如果施格臣現唔切身....攻勢就會被瓦解。.....所以我計黎計去呢個3中場...愛華頓無乜條件踢。甚或可能必要時放棄用GANA....改用麥卡菲一個防中.....或者可能勉強運作到。

愛華戰士

基本上將大部份邊綠球員送(賣/借)走晒

連儂轉會
米拉拿斯借走 (照睇無機會會再返)
比錫借走 ( 表現得好佢都應該仲有機會收返)
辛度借走 (始終唔適應英超)
洛克文借走 ( 呢個點計都係汲收娙驗)

卡拉臣....想借又借唔走....斷估亦無機會用到佢...今季白坐支人工了

考慮到麥卡菲重傷.....舒拉達連唔對題.....借走比錫我覺得唔太適合.......真係用得著O既得GANA 一個防中

愛華戰士

愛華寶寶 發表於 2018-2-1 07:38
最多得一個炸彈文拉加

我相信佢未必係咁差O既....打曼城始終心理壓力大....黎到我地呢處乖乖地唔好玩高張波.....以佢身體質素應該唔差O既.....而且我諗我地唔需要承擔佢太多人工....(曼城又用佢唔著...點都好過放後備無出場機會)