大家可講下今季總結和下季的展望

Fuko~

總結呢...我覺得現今足球世界真係好講球員心態同球員領隊之間的關係...就好似隔離李斯特城禁。
明明班波就算跌watt，都至少有中游實力，但佢地夠膽hea踢，迫到球會炒人，去打自己喜歡個套同訓練方式。
一個禁有威望的領隊都落到禁ge下場，更何況我地呢d中型球會。

當你睇番轉頭上季同季尾呢幾場，我諗大家都明我想講乜。我地班波其實唔夠團結之餘，仲有山頭主義。
係邊個角度睇都唔健康。黎緊隊中兩個球霸巴克利同埋盧卡古都會走，究竟又會唔會有一番新境象。
坦白講，呢兩個球霸，我唔會話盧卡古，事實係佢雖然對弱隊刷左好多數據，但至少都入左24球。
但巴克利呢一兩年真係冇突破...要走，可能對我地同佢都係好事。
至於朗奴高文，套用我上面講，既然佢家下都根本打機禁砌過一隊新，佢又放風話會做到張約完，禁我地都冇理由唔俾多季機會佢。
我期望下季我地入到歐霸16強同繼續係聯賽前七位。

今季MVP: 盧卡古
最佳年青球員: Tom Davies
最佳陣容:
GK: 洛賓斯
DF: 高文, 積基卡, 威廉斯, 拜恩斯
MF: 舒拉達連, 古爾, DAVIES
FW: 巴克利, 盧卡古, 米拿拉斯

Fuko~

拖肥1878 發表於 2017-5-22 12:32
由季初話有1億鎊增兵，到只係有d二，三綫球員加盟，大名欠奉。老實講全季我都唔知朗奴高文打咩波，遇上對方 ...

冇計，朗奴高文黎得太遲，又要放埋個假先開工...但你見佢同WALASH買人都幾對辦。
加埋黎緊呢季早開季，我諗今個夏天都可以期待下。
至於戰術呢D，講到臭GA LA。咪即管睇下全隊都係佢任用的人會點LO?

Fuko~

拖肥1878 發表於 2017-5-22 12:43
巴克里，同佢做隊友都幾慘，都唔知佢幾時交波，應交時唔交，應唔交時就派膠。唔明點解場場有正選，又好多時 ...

但又禁講，我地其他球員又有幾多個配合到佢先?

Fuko~

拖肥1878 發表於 2017-5-22 15:06
完全同意。同埋以佢今季教我哋嘅料，仲話想教巴塞(定巴塞揾佢)，我心諗: 唔係化。。。

以今季我地班球員的表現，真係簽8-9個新球員，班新人都要重新夾過，有料都要多一兩季時間先發揮到出黎。

Fuko~

Forever_Fan 發表於 2017-5-22 16:02
8-9個應該太多了吧，暫時覺得6名已是極限，前題重係巴克利和盧卡古離隊才有6個。

下季我估應該會用部份U ...

就算簽5-6個，你都要升唔少新仔上黎先夠用啦...

Fuko~

Forever_Fan 發表於 2017-5-22 22:39
預計OUT: Kone + Lennon + Barkley + Lukaku + Deulofeu + Rodríguez

Mirallas/新右翼 – 新前鋒 x 2？  ...

保拿斯未好返，lookman亦有機會外借出去，我比較希望迪路菲奧自己留低...
黎緊有sadro ramirez同新攻中的話，前場進攻會更技術化，佢留低對我地好大幫助。
holgate始終係替補，我估有合適的年青人選的話會買一個接班都唔奇。
左閘，galloway好大機會離隊，garbutt就視乎高文點樣睇佢啦。
所以，一定唔只你講的呢6個...至於班後生，我睇好dowell可以上埋黎1隊，打攻中位的後備。
我覺得會買:
前峰 X2 (一正選一後備，搵唔岩人就借)
攻中 X2 (高文似想打3攻中多過翼，除左米拉、mccarthy同davies，升埋dowell，都至少要兩個當打的正選)
中中/防中 X1? (視乎有幾咩人走，besic同barry都有機會離隊)
中堅 X2 (積仔有機會會離隊，起碼佢已經唔係正選的人腳，搵定兩個人再考慮補強差不多)
左閘/右閘 X1? (如果牛奶仔夠勁就唔駛，呢個位唔係首要改造的目標)
龍門...我覺得唔駛買，但係如果有合適人選，考慮到堡堡的年紀，都要諗下PICKFORD同BUTLAND有冇可能過黎。

Fuko~

Forever_Fan 發表於 2017-5-23 00:50
其實買幾多人好睇有幾多人走，唔認為積仔和巴利會離隊，基本上佢地完約就已經達到退休年齡，好大機會係愛 ...

巴利睇下會唔會想過美職搵埋最後一金...我覺得機會唔細，而且好大機會放行。
積基卡好睇佢本人意願，佢係度，球隊冇咩大傷大痛，佢都唔會係首選中堅。
真係有人走埋黎針佢，我估佢有機會走。