2016-2017 EPL ( week 4 ) sunderland ( away )

愛華士回歸

我終於能夠回歸討論區

愛華士回歸

盧卡古今場雖然入三球，但其實浪費左唔少入球機會。
睇住佢有一球反擊明明左手邊米拉拿斯已現晒空位，佢夾硬CUP 右腳射。
仲有一球烏爾比佢直線，佢明明可以簡單回後比烏爾上黎射，佢選擇COOL 住個波再想轉身射，結果令到烏爾上黎同佢差D 撞埋一齊

另外高文，一貫係無睇清楚環境，禁區有一球明明可以輕輕比前鋒對住空門射，佢選擇硬抽埋去....

今季慶幸係進攻點多，整體係踢得較以往立體
以往如果係左路拎住波....往往只係諗住左邊猜落底線或三閘位傳中；但今季明顯係幾個進攻點願意左穿右插咁去面對龍門
中場烏爾明顯加強中場的攔截及統治力.....大大減輕左巴利的責任.....保拿斯係有作用的.....佢單對單的過人能力高過迪路菲奧同米拉拿斯。盧卡古只要配合到，不愁無波入。

不過講真，四場波未算大考驗，新特蘭擺明係病貓一隻；史篤城傷兵多又狀態一般，贏呢兩場唔可以話証明到太多野。
不過至少今年改善左尾段震騰騰的情況。暫時中前場人腳相對比較充裕，而且一個良性競爭已經建立左，只要傷病唔太多，今年應該有D 野爭到