愛華頓主場對阿仙奴 4th Feb 2023 20:30

愛華戰士

本人都潛左輪水無留言。

其實點解真係唔見棺才唔流眼淚呢？
可以和曼城，可以贏阿仙奴....今場可以踢到波到人到....點解之前主場對修咸頓, 狼隊,韋斯咸 幾隊護級弱旅我地主場踢到一PAT 屎！？
班球員事實上係令到球迷失望O既元凶

講返幾句林伯特被炒....佢咁O既成績講真點講都係抵炒......老實講佢呢種踢而優則教O既領隊.....佢自己覺好簡單O既傳射走位.....可能真係宜家班球員根本跟唔上佢個水平，所以演繹出黎根本唔係果樣野。以往訓練只見啲簡單熱身.....馬騮搶波....禁區邊附近射下波......真係落場時就踢到連波都拎唔到.....攻不銳又守不穩....連鬥衝鬥搶都無；其實還原基本步.....宜家英超最講求就係前場迫搶，高位壓迫，迫到對手後邊犯錯再自己把握去進攻，點都好過任由對方猜住黎等人攻。唔敢講新領隊呢個蜜月期有幾長？始終宜家18分排尾3.....前邊幾隊護級隊開始慢慢都爭到分數，......黎緊5 場希望執到2-3 場勝仗.....否則形勢仍然未算樂觀。
點都好.....新領隊我地作為球迷.....點都要撐......我唔期望踢到乜野漂亮足球....希望打返團火出黎