作客賓褔特

愛華戰士

今場要搏3分

愛華戰士

上半場唔係話打得好差，不過大吃驚風散，對家2次中柱，同幾次頗具威脅埋門，唔失波夠運。

愛華戰士

失波啦

愛華戰士

啲換人調動真係令人難明。安拿拿無乜大問題下硬係要換湯戴入黎。明明見到米高倫高抽筋，有個左閘又唔換，係要米高倫哥包左越位失返球至肯換。麥尼爾下半場近乎隱形，係咪應該早少少換朗當入黎頂下呢？

愛華戰士

大家換個心態諗，冗員爆棚嘅愛華頓連世界最佳領隊安76 都救唔惦，林伯特呢刻至少見佢買人暫時具針對性，亦夠決心去清走隊中嘅高薪廢物。今屆叠埋心水打護級，目標都係繼續留返班先啦

愛華戰士

上季排16， 大家真係要明白愛華頓宜家嘅水平真係英超尾果班黎。今屆好多隊都軍備競賽，唔好講傳統前邊果幾隊，剩係列斯，森林，白禮頓，狼隊，水晶宮，紐卡素，買人嘅喪買人，場上呢幾隊踢嘅波都係波到人到飛沙走石嘅。我地邊夠人揪？都唔好講近年整體個穩定性比我地好嘅韋斯咸，維拉呢啲。暫時望落我地只係希望對李城，般矛呢啲睇下有無得偷雞。唔係要怪班球員，對手係英超，你4場波得大約70分鐘有擺個中超踢到半退休嘅32歲單箭頭，真係咁比你贏4場仲有無天理？怪只能怪隊波個管理層賣走李7後無盡快處理前線球員缺乏問題，加上錯誤依賴卡法路雲呢個庸才。宜家係有個慕比，最低限度要加多個Diaz . 咁至算可以喺起跑線同人鬥走。但又要講，白禮頓同布力般嘅前鋒組合，究竟屬於世界咩水平呢？

愛華戰士

今日睇干地都有提到要打三中堅，最重要係兩個翼衛要不停上落助攻去拉走對手，咁三中堅個威力至體現得到。愛華頓呢幾場中堅真係仲係受壓，兩邊翼左閘米高倫哥始終唔係助攻力好強嘅左閘；柏達臣進攻上係有啲潛力，不過防守嘅穩健度同位置感唔算好突出。而且體能上見佢尾段跌得幾明顯，呢刻究竟343 呢個戰陣係咪運作得到? 我會覺得451 會較合適，宜家多啲安拿拿做個防中控場，佢旁邊用體力佳嘅伊禾比其實暫時睇落個效果唔錯嘅。球隊宜家欠缺嘅除左係一個中鋒外（慕比或遲下Diaz 都好），反而一個正宗嘅進攻中場我認為係關鍵。一個接應到防中隊友比波後中路可以引球埋對方禁區，可傳可射可帶嘅突破型中場，要有呢類中場至可以令到左右同中鋒有火花。

愛華戰士

barker 發表於 2022-8-28 19:40
車路士對哥頓仔终極報價 : 25M 另加保查 加拉查

我寧願車仔擺低60M 好過。加拉查尋日又食紅牌，我上場見佢正選踢啲波覺得佢唔係咁高，上屆水晶宮話佢打得好大家唔好忘記水晶宮幾個進攻球員都係快速走位型，佢有隊友拉散敵方防線自然比波攻門機會高，我地最缺嘅就係速度，過黎未必有效果；另保查如果有料唔會連正選都無。有得㨂30-35M 要搵個好過佢嘅相信唔會無選擇。