開鑼戰主場鬥車仔

愛華戰士

車路士個士氣好似麻麻地.....新球員未太融入......我地主場照計都應該有得砌.....

暫時睇個轉會進度......加入麥尼爾.....達哥夫斯基.....同個出擊左閘 ....基耶應該會呢兩日加入....但未必會咁快比佢正選。

卡法路雲傷左.....有好有唔好.....季前熱身賽有佢唔覺得隊波進攻會特別好......宜家傷左.....一係用朗當.....一係放阿里做中鋒...
林伯應該會用5221 踢法........都係果句.....要兩隻閘喪上落....咁至可以發揮到個戰術.....不過中間4 人始終缺乏一個HOLD 波派波型球員.....個比賽節奏會好難掌握...

                            阿里
                 哥頓            格雷
米哥倫哥    杜古希     湯戴     柏達臣
              葛菲     堅尼     達哥
                       碧福特
後備︰麥尼爾, 伊禾比, 米拿, 新左閘, 朗當, 基耶, 阿倫, 賀基治

愛華戰士

中場中有安拿拿同基耶，好似話要埋狼隊個中堅高迪，照睇真係中路個防守力至少係英超上半版水平。開季頭2場人腳應該未齊，望埋借用車仔個中場同Borja 開季。

愛華戰士

睇黎係打算用3個踢法飄忽嘅速度型球員去蝦車仔3個年紀偏大嘅中堅。阿里唔擅長跑動，個諗法都唔係完全無譜嘅

愛華戰士

葛菲又玩完！

愛華戰士

上半場暫時睇，碧福特幾下擋波都係唔係好清翠，差啲比史端寧食個詐糊。防守上當然咁早無左葛菲一定唔係好兆頭，暫時睇中場杜古希同伊禾比算係中場遮位做得算唔錯。進攻上麥尼爾頗靜。格雷同哥頓算幾生猛。兩邊閘暫時都算對辦

愛華戰士

禁區咁拉人都想唔罰十二碼？唉

愛華戰士

同意一點係車仔其實今場踢得唔好，甚至講踢落其實我地喺某啲猜傳同用波上甚至好過車仔，只不過喺啲細節埋門，球員選擇傳定帶嘅決定上呢班正選做得唔夠好。而一開季傷兩個中堅主力一定唔係理想開局。不過咁快諗降班又太快。好似杜古希兩個禁區頂撞射嘅處理，哥頓幾下推到走個波但最後保護唔晒個波而被迫甩（突顯佢技術弱點），格雷幾下明明早啲比好過推，但結果變左被焗死，佢選擇比哥頓而被施華截到果下單刀波比嘅時機又係可以好啲。碧福特情緒係然係唔冷靜，如果處理好啲，唔使令葛菲受傷（出左底線仲踢入黎危險區做乜？），又出黎解圍但猶豫令賀基治食黃牌，多次大腳斬前但令隊波失左控球權，其實可以多啲試下比後衛猜上去。咁再加上阿里個單刀唔射，呢啲波如果每個人都處理好啲，或者換左基耶，安拿拿呢啲能力相對較好O既球員會有更好效果。