愛華頓 2022-2023轉會討論區及賽季...

愛華戰士

8月6 日新球季開，今日7月13日....只係免轉會費簽得個達哥夫斯基。離開O既一隊球員就有60M 鎊放走O既李察利臣.....合約完離隊O既德夫, 施格臣, 杜遜, 莊祖堅尼 (唔知仲有無漏)
明白球會財政壓力大.....要花巨款買啲名氣又貴價O既球員機會唔大，不過球會O係轉會市場上O既操作的確又幾令球迷失望。

以現有陣容睇....中堅位多到....達哥夫斯基新....九成會係正選....如果打雙中堅....拍檔至少仲有葛菲, 米拿, 堅尼, 賀基治, 班夫韋治........6個中堅.....使唔使咁多輪換？傳言話班夫韋治會被外借....究竟林伯留咁多中堅係咪又想打個3中堅陣式？....左右閘無乜太大問題....米高蘭高有尼高高做輪換.....柏特臣有高文做輪.....真係唔好彩傷左有葛菲同賀基治頂下.....當然成班後衛人就實夠.....只係部份質唔得 ( - 米高堅尼其實真係唔得...慌失失慢吞吞........米拿今屆我相信都又會係持續地傷.....葛菲用波能力仍然係差.......賀基治又係唔穩定.....呢四個賣咁2個去買返個硬淨中堅會較佳)

中場問題完全未解決。呢幾季屆屆季前球會都諗住基巴文康復會係防中不二之選.....但屆屆開波條友就潛水.....搞到人又買唔到，波又踢唔好........宜家又係得返阿倫同杜古希2個你眼望我眼，。高美斯呢條友....12萬鎊周薪.....完全係雞肋......話祖記想要佢....咪傻啦....。湯戴維斯.....尚代証明.....同埋畢竟唔係一個純控場防中...範範有D....但無範突出...位置好尷尬；阿里攻中今屆真係賭大細.....佢打得返起的話.....一季助攻同入波都應該有5-8 個，打唔起就行行企企一季.....。畢竟中場仍然未有一個重心球員.....話車仔個加拉查....又話狼隊個什麼胡禮....兩個要晒都應該啱用....只係2條友都講到無30M 唔使傾.........限米煮限飯.....真係唔知有無D 更加好O既選擇。新人有MILLS, PRICE 同WARRINGTON 有隨隊去美國集訓.....

前鋒....睇英國果邊啲球迷仲係無限幻想DCL .....真係痴線。話佢前季點好點好....上季唔係傷一定唔止咁少波入。講到尾我就係覺得佢唔夠全面，走位同雙腳埋門都係弱...而且停波能力差。一對一過人接近係無呢個能力。講到咁.....你仲話要圍繞佢去建立隊波？另一個吹捧到顛左O既仲有哥頓.....我承認佢上屆有幾場有幾下個人速度突破係有D突破力.....但係以數據論....入波4球....助攻都好似係5個以內....我唔認為係什麼世界級表現.....當然我認同球會要加佢人工同佢續個新約.....但係宜家話比10號佢著....請問佢究竟係翼定係10號位攻中？我上屆見佢有好多角球都斬唔起....罰球處理又係平凡過平凡.....簡單D 講.....射波能力....我諗佢無林柏特一半水準。點踢10號位呀大佬？....其餘伊禾比....格雷, 唐辛....左右翼....都係有好過無果隻....新人DOBBIN, SIMMS 吹到幾大.....朗當好似返國家隊踢又狀況唔錯....今屆我諗都仲可以出下。.....傳得最勁係BORJA.........

人地熱刺拿拿臨買五件.....宜家南韓操到噴火.....曼聯都泰國狂谷......我地人又買唔到.....操又係HEA 操........真係唔知想點。

愛華戰士

美國打緊友誼賽對阿仙奴。

愛華戰士

上半場剛完，又係踢3中堅，賀基治+ 米拿+ 葛菲。似523 但感覺兩個側翼阿里同格雷都唔似翼。所以更似3421。防對方角球仍然係差，一球比人頂中柱；一球禁區漏晒比耶穌攞定射網頂。輸第二球又係中路個防5個人比對方3個劏穿晒。防中杜古希同湯䵧，根本塞唔到啲位。（不過呢個同個整體踢法有關，都唔怪得個別球員）賀基治兩三下拖死波，應比唔比；柏達臣好少波掂，右路近乎無供應，連帶格雷都超靜。左邊尼高高出擊，但阿里唔係打邊路嘅，所以啲去波好唔順。整體感覺，防守不穩，進攻制造機會能力弱，猜傳個信心同隊友現空位個意識都係唔夠

愛華戰士

下半場用左三個新仔。右閘mills 唔錯，夠活力肯帶波；中堅有個高高大大嘅welch, 無乜大問題。防中有個Warrington (唔知有無串錯）逗住基巴文負責做填位。達哥夫斯基暫時睇啲波算穩陣，唔太喜歡多餘上腳，有波會一腳彈前。伊禾比係多波踢，雖然仲係嫌佢啲選擇決定一般，不過真係算係叫做到威脅出黎。哥頓就唔該唔好再吹太大，係有信心一對一，但實際成效唔夠，比波唔得，射波0，再吹大都無用。前邊朗當，不能有太大期望。

愛華戰士

米高倫高有上屆半季適應，暫時睇啲步頭爽嘅，幾醒神。

愛華戰士

右閘阿mills 睇落仲好過柏達臣

愛華戰士

踢三中堅嘅先決條件係左右閘一定要上落頻率好高，由守轉攻時中堅可以傳兩邊快上。否則只係演變成後防一條線五條友比對手壓死。今場上半場有少少呢個feel。柏達臣我暫時睇應該踢法上都唔係喜歡出擊果類，企位比較保守。下半場用mills + 米高倫哥兩隻閘感覺較上半場好。

愛華戰士

特別一提，無出過阿倫同高美斯，之前無聽講佢地有傷，唔知係咪準備走人？。高文同唐辛應該係未傷好。

愛華戰士

本人喺討論區已講左幾次，我講過訓練仲係馬騮搶波同hea 射波，根本係有問題，成班波無針對控球在腳嘅訓練（見操練片馬騮搶波唔係踢走個波就係成功，實際上要如何保護個波同交比最空檔隊友），你一大班人圍威喂咁互傳叫乜野操練？你老闆我話左熱刺操到嘔白泡，你隊波屎波唔緊要，拼勁同體能都無請問憑乜同人fight? 強隊之所以強，技術，心態，體力缺一不可。愛華頓上屆已經係五大聯賽成績最衰果隊，宜家衰到美職都炒4-0。 班英國球迷仲on 9 到話DCL 今屆只要fit 就會狂入波！話gordon 勁撚到傻著10號！我真係無言！根本成個中前無一個係星級球員（唯一嘅星係李7利臣），無星唔緊要，踏實啲踢好啲波囉！你老尾Dcl 同gordon 連人地萬治，霍頓個車燈都睇唔到，個暑假又時裝show 又染金毛，把柒咩！其餘果啲伊禾比杜古希湯戴講到口臭架啦。你中場咁低控制力，再換幾多中堅都係徒然！

愛華戰士

係為球迷我地能做嘅只係踢得好嘅支持；踢得差嘅將事實指出黎。如果隊波連被批評都接受唔到，咁呢隊波已經無得救。師兄宜家季前熱身，正正係最應該趁有時間盡快改善問題，我唔希望到又真係生死護級關鍵時期至空著急！