愛華頓 2022-2023轉會討論區及賽季...

愛華戰士

好似啲中堅咁，除咗達哥夫斯基未融入隊波未可批死外。米拿藥煲除左出場率唔穩定外，就算佢38 場無傷無病踢得足，米拿絕對係一個只能做高位截擊嘅中堅，比個波佢佢比唔到15碼外，永遠遠要一個隊友喺女佢附近同佢猜。淨係呢個缺點已經唔值得正選；葛菲剛黎我覺得佢幾有鬥志，但踢落做中堅佢路數唔夠好，用波能力亦同米拿一樣係弱，好多時要比啲面對面嘅波，而且防守高波經常搶唔到點；賀基治真係又係見晒底，佢無錯係比較有意識去用波，但作為中堅整體只能用平庸去總結。米高堅尼，信心已經去到負分，缺乏硬淨度同殺出黎果下速度。呢4個中堅其實真係賣晒佢都唔使可惜。英國評米高倫哥同柏達臣都係守多於攻，老實講又唔怪得佢地，雖然話後生，但自己作為閘位，除非身邊個中堅比到自己好大信心，會幫自已包返位，否則閘位真係寧願唔上，守返自己位好過喎。所以呢刻佢地瞓身防守，真係無錯。你問我林柏有無問題，我見佢防中仲係湯戴加杜古希呢個組合就一定係有問題。湯戴喜歡上腳，做防中做控場意識上係有，但佢本身真係只能講範範有啲，無一範係突出嘅。杜古希如果以一個MC 黎講，佢喜歡拎住個波向前推（但之後究竟要點做我睇好多次係唔知佢想點嘅）如果話佢想搵左右翼去交，佢又無乜引對手埋黎再快速分個波落去比隊友果下波，經常只係駁腳形式嘅傳送，俗啲講係無威脅嘅。

barker

愛華戰士 發表於 2022-7-21 17:57
好似啲中堅咁，除咗達哥夫斯基未融入隊波未可批死外。米拿藥煲除左出場率唔穩定外，就算佢38 場無傷無病踢 ...

如果借到 Gilmour 同買到 Morgan Gibbs white 會唔會好D ？

愛華戰士

Gilmour 我覺得啱用，佢係中場負責修正啲波。Gibbs white 上腳型中間盤波，如果問我我覺得搵一個踢法似以前阿仙如韋拉嘅防中會較好。反而般尼個17M 可買斷個前鋒我認為當務之急要盡快簽。

Forever_Fan

愛華戰士 發表於 2022-7-21 18:32
Gilmour 我覺得啱用，佢係中場負責修正啲波。Gibbs white 上腳型中間盤波，如果問我我覺得搵一個踢法似以前 ...

我覺得中場要一個好似古耶咁爛踢的防中，另外我希望dcl 後面有個能傳能射的輔鋒

Forever_Fan

barker 發表於 2022-7-21 10:21
都話我地受英超 FFP 限制囉

其實現時我隊差不多走哂d高薪低能球員，又賣左李察利臣收返筆，加埋用新冠疫情作理由的關係，應該已經符合ffp的要求，但青訓一直無乜大將提供到俾一隊，而歷任幾個領隊都無老莫買人平靚正的眼光，下季護級的機會還是很大

barker

Forever_Fan 發表於 2022-7-21 18:50
我覺得中場要一個好似古耶咁爛踢的防中，另外我希望dcl 後面有個能傳能射的輔鋒 ...

咁不如買番 gueye 番嚟

愛華戰士

其實玩大啲，賣左DCL, 用4000-5000萬鎊我諗夠買呢隊美職聯正選11人，再用呢班人踢英超啦。原本果10個愛華頓正選無地置容啦。咁嘅人工踢啲咁嘅尻波比球迷睇。講真喎，呢單deal 唔係天方夜潭黎。我只知宜家呢班愛華頓球員全部愧對緊呢份工資，大把踢足球嘅人想打佢地呢份工。

barker

愛華戰士 發表於 2022-7-21 19:32
其實玩大啲，賣左DCL, 用4000-5000萬鎊我諗夠買呢隊美職聯正選11人，再用呢班人踢英超啦。原本果10個愛華頓 ...

而家想辦法去補救未遲 我地今早睇嘅野你估林伯特唔知咩 佢賽後訪問嚴重警告球員咁表現新季又要在護级區挣扎

witzz

DCL講咗好多次，有價好賣。見晒底，自己又搵到食。

愛華戰士

barker 發表於 2022-7-21 19:41
而家想辦法去補救未遲 我地今早睇嘅野你估林伯特唔知咩 佢賽後訪問嚴重警告球員咁表現新季又要在護级區挣 ...

有眼睇O既都睇到愛華頓呢班正副選有幾差。關鍵係領隊係咪夠勇氣大刀闊斧去處分表現不符預期O既球員。
如果林伯知道問題....但無著手去解決.....咁問題就O係林伯度。呢個問題無辦法迴避。
1) 陣型制定。踢法上, 應該選擇高Q大棍定小組猜傳？兩翼側擊？主攻定主守打防反？如果想主攻，有無足夠創造型球員主導球賽？？如果主守，截擊能力咁差，善長反擊傳送O既又唔多....加上前場突破快速反擊球員又唔夠....一句到尾，想攻又無本事，想守又守唔住。我用早兩日中國對南韓場東亞杯作比對，真心講中國一擺出黎就係想死守，結果後防有波就一腳踢走....成場波個走向就係南韓個中場不斷O係中場執SECOND 波....結果真係只係坐以待斃。--------> 剩係呢個問題，究竟開季前會唔會有答案？
2) 正選11人？
3) 基本副選4-5 個輪換球員？
4) 防守角球死球如何改善？
5) 對方技術型球員帶波殺埋黎時，球員會如何減慢對方個突破？
6) 進攻時，如何發動？如何完成攻門？