愛華頓 2022-2023轉會討論區及賽季...

愛華戰士

呢件onana 手長腳長純防中，我覺得有需要呢類型。好似話33M。 如果有佢，三人中堅前邊掃蕩嘅話理論上輸少好多膠波。

愛華戰士

呢個轉會期真心講係好為難。本身冗員實在過多，而轉會資金有限情況下㿏上財務公平呢條狗屎例，加上上季咁差表現條件下真係好難吸引到好好嘅球員加盟。雖然大部份球迷對只入到一個慕比前鋒會比較失望，因為我地失去李7，補個慕比大家都會認同攻力進一步削弱左。但至少李7呢筆資金強化到我地弱不襟風嘅中場中，而2個中堅嘅低價引入絕對係聰明嘅操作。要挑剔嘅我會事後覺得20m 入麥尼爾性價比唔高，如果一早發現阿積士個kuzud. 用相同什至高少少轉會費早啲出手會比入麥尼爾好。呢刻嘅麥尼爾我覺得仲未有狀態去踢正選，希望林伯加強球員嘅體能狀態，軟蛋咁真係唔夠拼。

愛華戰士

本身球隊最弱嘅中場中路,之前因為缺乏一個位置感強嘅而令隊波進退失據，安拿拿可以振得住防中位，基耶係覆蓋範圍大嘅防中，而曼聯過黎嘅新仔係可以分到波。哥頓我原本係希望賣左換錢，不過宜家既然留隊，會寄望佢同格雷真係可以專心左右邊路多啲突破。上屆基本上所有進攻球員都要集中幫手防守。今屆多左幾個中場控到場嘅，咁進攻相對上可以專心啲。

愛華戰士

唔知仲有無機會簽到自由身球員，馬達，迪亞高哥斯達，巴克利，一年半載跟操合約唔知惦唔惦，馬達照計仲有貨。