愛華頓 2022-2023轉會討論區及賽季...

愛華戰士

要救隊波其實唔係叫班主落台或者換邊個名帥上黎。當務之急係制定新球季用一個乜嘢陣營去踢。要練個戰術，唔係個別靠某幾個球員。四或五個防守球員喺防守轉進攻上應該參與到咩程度？中場宜家明顯嘅係一旦拎到波，如何組織個攻勢？中後場大腳尻斬上去比卡法路雲湧？比哥頓格雷去做突破？請問機率有無5%？改用小組猜上去？你班友三角短傳比唔比到三腳波？就算比個炮台你自己愛華頓球員去埋門，請問炮台位喺邊？係卡法路雲小禁區入契地波射？定小組做個one two 禁區外射？邊個有呢個把握？無射門技嘅湯戴同杜古希請問可以比到咩貢獻比進攻端？

愛華戰士

好似啲中堅咁，除咗達哥夫斯基未融入隊波未可批死外。米拿藥煲除左出場率唔穩定外，就算佢38 場無傷無病踢得足，米拿絕對係一個只能做高位截擊嘅中堅，比個波佢佢比唔到15碼外，永遠遠要一個隊友喺女佢附近同佢猜。淨係呢個缺點已經唔值得正選；葛菲剛黎我覺得佢幾有鬥志，但踢落做中堅佢路數唔夠好，用波能力亦同米拿一樣係弱，好多時要比啲面對面嘅波，而且防守高波經常搶唔到點；賀基治真係又係見晒底，佢無錯係比較有意識去用波，但作為中堅整體只能用平庸去總結。米高堅尼，信心已經去到負分，缺乏硬淨度同殺出黎果下速度。呢4個中堅其實真係賣晒佢都唔使可惜。英國評米高倫哥同柏達臣都係守多於攻，老實講又唔怪得佢地，雖然話後生，但自己作為閘位，除非身邊個中堅比到自己好大信心，會幫自已包返位，否則閘位真係寧願唔上，守返自己位好過喎。所以呢刻佢地瞓身防守，真係無錯。你問我林柏有無問題，我見佢防中仲係湯戴加杜古希呢個組合就一定係有問題。湯戴喜歡上腳，做防中做控場意識上係有，但佢本身真係只能講範範有啲，無一範係突出嘅。杜古希如果以一個MC 黎講，佢喜歡拎住個波向前推（但之後究竟要點做我睇好多次係唔知佢想點嘅）如果話佢想搵左右翼去交，佢又無乜引對手埋黎再快速分個波落去比隊友果下波，經常只係駁腳形式嘅傳送，俗啲講係無威脅嘅。

愛華戰士

Gilmour 我覺得啱用，佢係中場負責修正啲波。Gibbs white 上腳型中間盤波，如果問我我覺得搵一個踢法似以前阿仙如韋拉嘅防中會較好。反而般尼個17M 可買斷個前鋒我認為當務之急要盡快簽。

愛華戰士

其實玩大啲，賣左DCL, 用4000-5000萬鎊我諗夠買呢隊美職聯正選11人，再用呢班人踢英超啦。原本果10個愛華頓正選無地置容啦。咁嘅人工踢啲咁嘅尻波比球迷睇。講真喎，呢單deal 唔係天方夜潭黎。我只知宜家呢班愛華頓球員全部愧對緊呢份工資，大把踢足球嘅人想打佢地呢份工。

愛華戰士

barker 發表於 2022-7-21 19:41
而家想辦法去補救未遲 我地今早睇嘅野你估林伯特唔知咩 佢賽後訪問嚴重警告球員咁表現新季又要在護级區挣 ...

有眼睇O既都睇到愛華頓呢班正副選有幾差。關鍵係領隊係咪夠勇氣大刀闊斧去處分表現不符預期O既球員。
如果林伯知道問題....但無著手去解決.....咁問題就O係林伯度。呢個問題無辦法迴避。
1) 陣型制定。踢法上, 應該選擇高Q大棍定小組猜傳？兩翼側擊？主攻定主守打防反？如果想主攻，有無足夠創造型球員主導球賽？？如果主守，截擊能力咁差，善長反擊傳送O既又唔多....加上前場突破快速反擊球員又唔夠....一句到尾，想攻又無本事，想守又守唔住。我用早兩日中國對南韓場東亞杯作比對，真心講中國一擺出黎就係想死守，結果後防有波就一腳踢走....成場波個走向就係南韓個中場不斷O係中場執SECOND 波....結果真係只係坐以待斃。--------> 剩係呢個問題，究竟開季前會唔會有答案？
2) 正選11人？
3) 基本副選4-5 個輪換球員？
4) 防守角球死球如何改善？
5) 對方技術型球員帶波殺埋黎時，球員會如何減慢對方個突破？
6) 進攻時，如何發動？如何完成攻門？

愛華戰士

我都係啱啱喺YouTube 睇到所謂4個失球。第一球十二碼我算欠運（其實湯戴真係提起右手）；第二球堅尼真係差到，呢球地波傳中我睇唔算急勁喎，而且對方前鋒又無迫到好埋身，堅尼都可以咁樣掃入自己龍門；第三球左路個防守甩晒人，好明顯係個禁區邊中堅同防中個位置感嚴重欠默契，令到閘位球員下下要埋中路跟人走，搞到失左位，第四球再係左路走甩晒比人傳中撞入。 總之就係低級水平嘅防守。宜家傳呢幾個，gilmour 我覺得可以一試；巴克里其實踢法似似地阿里，有更好選擇未必揀巴克里（不過巴克里多一範遠射同死球），cornet 左右腳都射得，中距離可以殺埋龍門，會係合適選擇。贊奴沙我相信過晒氣，雖然話年紀唔算大，但早熟早殘，最好都係免啦。

愛華戰士

或者要林伯特拎住呢副牌去打成績真係巧婦難為無米之炊。安76 呢個大師，拎住占士，李7呢首牌都打唔穩定嘅攻守平衡出黎，何況無埋呢2個高質進攻球員。只能寄望3-4 個新球員加入，盡可能提升個攻防表現

愛華戰士

連加特唔黎絕對係好事。20萬鎊周薪根本唔值。聽聞佢經理人仲要收1000萬鎊佣金。呢條友係9年都入唔到曼聯正選嘅。唔好吹到點勁點勁啦。

愛華戰士

其實高文要退落黎已經係人所共知O既事，真係唔明點解唔係重用柏達臣打右閘.....成日傳話要果個ARRON MAX....我睇佢好一般啫.....柏達臣我唔敢話好好，但啱啱呢場O係右路事實O係對守唔太強情況下只要肯將條防線推前.....利用左右閘壓上去.....柏達臣係值得一用喎......林柏特可以比莊祖堅尼O係上季尾不斷搞怪.....但居然連一分鐘機會都唔比柏達臣就話要外借佢....究竟搞乜？

左閘個尼哥哥又係.....我唔會話佢好高質....但真係連留黎打輪換都唔得？宜家又話借個左閘返黎.....咁你借得一個......尼哥哥自然又要外借走。

贏黑池4-2....以班次黎講我地贏波好合理，只係戰情明顯唔係我地領住大把O係手黎踢.....只能講以下幾點值得球迷欣慰O既︰
1) 好明顯林柏係執著要講打532 ，其實打咩戰術都唔係絕對唔得.....只要你發揮到果個戰術O既特色.....自然會有一定效果.....必要時要打901 都得。532 我地呢幾季一路都打得唔好....好大原因係我地中堅用波能力弱......焗住兩閘要收到好後返後幫手猜個波上去，而我地中場又控唔到球.....結果就係骨牌式受壓......要打532, 至少要進攻時兩邉閘位要不斷上同落......當後防攞到波.....閘位肯快速插上去.....中堅或中場拎波再快斜直線比兩隻閘衝上去.....咁就可以做到一種進攻模式。宜家柏特臣同米高倫哥至少年青有體力......有速度....如果真係要打呢套戰術.....佢地兩個要多D 用波，所以話林柏要借多一個左閘返黎做士啤我都唔係完全反對。

2) 阿里入兩球對佢信心一定有幫助，當然對手太弱。朗當雖然差....但呢一刻我會覺得佢作用真係大過DCL。

其他引進球員進展仲係非常慢......真係令球迷心急如焚。

愛華戰士

話左用卡法路雲做進攻主力唔係一個明智選擇黎。
之前其實40M 左右有球隊肯要應該要放........莫講話踢法問題........質素平庸.....宜家連身體條件都唔惦.........開季嗌傷....季中出黎執返三幾球到時又呃球迷話如果佢FULLY FIT 就入20球一季啦。

果日對基輔入果球.....其實呢D 波根本本身唔屬於乜野明顯機會.....佢頂入無錯係代表佢係有頂上技術，之但係幸運成份亦唔少，如果佢要入呢類波....我更希望佢係攻入一D 猜傳入禁區面對面執入去果D 波仲好，事實上佢除左入果球，YOUTUBE 有精華片段有幾下地波佢入到小禁區係做埋D 無謂後腳或者甩波.....講到尾就係連完成埋門都唔得。宜家傷埋.....乜都唔使講啦.....賣又唔會又隊肯要，球迷又要忍佢忍多季。