Everton vs Manchester United - 9th April, 2022 - 19:30

愛華戰士

唯一感覺好啲嘅只係阿倫應該停完賽出得；高文今季根本已唔係果個水平，勉強傷好出返，同莊堅比只係爛橙同更爛嘅桔嘅分別，對防線無咩大幫助；如果林柏又即刻出返米高堅，我真係寧願佢用返葛菲搭班斯韋治，我地需要2個穩定去磨合嘅中堅，而唔係打一場，咁派一場，紅一場嘅。

愛華戰士

對麥佳亞梗係用啲走動較靈活嘅，你林柏仲用DCL 呢條唔識走嘅垃圾，諗住鬥頂？唔輸至奇

愛華戰士

22分鐘高文呢下踢乜q!

愛華戰士

伊禾比中路大步推，dcl 走個咩位？！左邊路線位，比到你有乜用請問？

愛華戰士

我睇到個入波，但一啲都唔高興，個dcl 成個反攻無做好最前點準備接應個準備，隊友射果陣佢只喺麥佳亞同連達洛夫中間，簡單啲講完全無準備走空位接應隊友傳送嘅準備。想入波？憑乜野？

愛華戰士

米高倫哥，德夫上半場打得幾好，值得讚

愛華戰士

Dcl 見到同米高堅尼前邊喪撲，佢居然選擇由米高堅尼去做波，佢自己選擇向前走，係噒應該支援上最多啲呢你作為進攻球員

愛華戰士

表現最好我都揀碧福特，有3幾個靚救，出黎打幾球同接都化解到危機。另米高倫哥同德夫做返自己職責，防守盡晒力，葛菲同阿倫唔可以話好搶，但絕對要比合格。堅尼仲係有幾下慌失失，好在今場防守無乜大錯，其他進攻嘅係伊禾比今場勤力上落（用波就始終一般），其餘幾個進攻球員唔能夠話好，最差只係一個DCl

愛華戰士

witzz 發表於 2022-4-9 21:35
DCL堅垃圾，無態無火

同林柏特比我唔敢話自己好識波，但都睇到DCL作為前鋒有幾廢。佢跳跳跳但頂到嘅成功率異常地低，莫講話起跳頂個波時間差，就算好彩頂到，比到隊友嘅都唔高，咁喺呢樣替隊友做二傳你做唔到，咁請問佢喺最前點仲有乜嘢作用？今場有球好清楚，隊友地波比佢，佢數線一攞轉身向前一推就已經甩腳比埋個波對手（果下我可以講曼聯球員係未拍埋去，係佢自已攞埋比人），睇到啲咁嘅球員，連簡單hold波等隊友支援都唔惦；到最簡單，你有無速度走個直線單刀位接應？（好似恩沙基果啲呢）抱歉，完全無。球迷要認清楚事實，呢個前鋒水平上唔係英超水平（莫講話世界級），如果管理層堅持要佢打幾年，愛華頓呢幾年進攻一定啞火！

愛華戰士

諾域治殺低左般尼，點都算幫左愛華頓一把。呢4分差距，剩餘8場波，真係希望球員生生性性