深夜迎戰紐卡素

愛華戰士

比賽結果當然係球迷最希望見到嘅，贏波3分，仲要零失波贏。只係比賽過程唔係球迷享受嘅。上半場只係早段葛菲一個角球頂中龍一次攻門；對邊紐記今場都係副選多，而且夠晒分上岸個戰意都唔太強，半場已5次射中，只能講有啲運氣。比高域今場發揮好，下半場中段辛麥斯文落場令阿倫直接紅。我見今場李7 同格雷個比賽狀態都係幾頹下，伊禾比其實一貫行行企企，哥頓係幾賣力，射左個禁區邊遠射。兩個防中雖然仲未比到好穩陣嘅感覺，但推返杜古希去防中至少高度上有個優勢，同塞到個位。已係無乜選擇中嘅選擇。呢刻距離降班只係略略有3分水位，我見所有球員入波後果種興奮，呢幾場真係承受住好大壓力，希望勝仗可為大家釋放壓力，逐場逐場打返表現出黎

愛華戰士

killersmiling 發表於 2022-3-18 16:56
比高域好過碧福特好多，守又穩！最重要大腳向前波，比較正常，唔會成日出畀！控制節奏好好 ...

碧福特接完波硬係想打快波，如果自己隊波前邊有高速球員，呢個做法無可厚非，只係我哋前邊真係唔快，好多時失波就係因為後邊啲波急踢上唔到中間比失而輸；比高域接完波識得等隊友企返位至開，至少大家唔會突然甩左個位。球隊宜家唔適宜急。

愛華戰士

killersmiling 發表於 2022-3-18 17:03
4231係呢刻巳係球隊最好了！如雲迪比打攻中或烈查打都可以，伊禾比好處只有體能好，肯纏，但怕落底和揸唔定 ...

其實呢個入球係一個好好嘅借鏡。球隊總係挖空心思想進攻方法，但結果演變成硬爆硬闖，左猜右猜，李7格雷覺得自己護到皮球，總係想自己帶得幾碼得幾碼，其實人地知你想硬爆，搵人一包抄，你爆得幾多個？入呢球，高美斯杜古希呢啲中場唔放棄，中間不斷搶，個波雖然輾轉落到辛麥斯文，高文呢刻後衛睇到路數，壓上前出腳準備搶到球權，唔拖快交比伊禾比，一個相對體能較好有段速度嘅果段中路推，見前鋒有位交完自己走，dcl 我之前狂插就係話佢無現身去回呢啲波，呢下佢冷靜做到，我就讚返佢。比一個相對左路空位比隊友一射。過程簡單，有效。係咪好難？真心唔難喎

愛華戰士

足球比賽，唔係要做個波落底線，唔係要諗方法交比前邊最剎食果某位球員，交左差就完事，而係要向對方個球門進發，透過傳送走位，射門。不斷嘗試。真心問我，我會希望球隊一場波射20腳輸波，好過我地射一腳而對方射我地20腳但我地贏。