Newcastle United vs Everton - 9th Feb, 2022 - 03:45

愛華戰士

早段已經見堅尼同米拿患得患失，啲波又係荒失失咁交，已知今場難搞。兩個主力太早傷出點都有影響。不過喺防辛麥斯文上做得唔夠到位，被追和果球係關鍵，領先下咁快失根本傷士氣，球隊領先下保持唔到集中力。被反先果下唔太怪高文，我反而覺得其他協防球員明明睇住禁區有至少五個防守球員但竟然無人去防對手或者去截波，球員個專注力真係唔夠。到罰球你漏條啦比人射，以為人地無本事射，咁失波仲邊有籍口賴？至於今場進攻上仍然係無乜明顯組織力，真係要耐性提升。

愛華戰士

其實阿里同雲迪比大家唔可以用最界頂級球星水平去期待，始終係2隊英超中上游（兩隊同爭標水平有啲距離）入唔到正選嘅棄將。雲迪比勝在態度好，具連系性；阿里就身體質素尚可，有啲創造力同射門能力，兩者如果要打爭氣波，必須要盡快提升比賽狀態。