作客水晶宮

愛華戰士

以事論事，一開波已感覺唔到隊波係想贏波嘅。呢種心態愛華頓已經好幾年持續係咁。擺出黎就係被動，等人地黎攻，但多次表示球隊個協防搶截補位非常唔到位。上半場頭15分鐘我見葛非左路已跟甩晒人,經常收左中堅位，到人地右路拎到波埋，至推返出去，仲要連堅尼都一齊出，毫無默契。

愛華戰士

轉個心態睇，安76返皇馬宜家又順風順水，點計安76都係有料嘅。但愛華頓班球員好多真係水準太低，搵邊個教都好難大翻身挑戰到錦標。現實啲睇今屆肥賓得150萬鎊轉會費用，叫無入錯貨，我唔認為又換一個領隊係上算。宜家只能咬緊牙關今屆唔好搞到降班。

愛華戰士

或者大家可以提出對球隊踢法覺得最大問題出喺邊一方面。第一點當然係進攻上面無一套進攻模式：至少起點策動，到提供key pass, 邊個做走位，邊個負責埋門，我完全睇唔到想點踢。我見格雷有信心上腳，但明顯係佢攞到波只能盡量保護個波，究竟隊友點配合走位好似真係個個打天才波；最近唐辛明顯係跌左watt, 某程度上就係搵唔到個踢法，究竟係想自己推生傳入中路定自己扣完再射； 李7 打中鋒，究竟隊友係咪全力諗住支援佢去埋門？；當然中場三子，都成日講，缺乏一個上到腳而又可以分到波嘅傳送型中場（高美斯真係勉強只可以話攞停個波再等隊友做下one two,但唔係經常比到穿透直線或大轉向長傳。呢兩個進攻問題如果唔解決，球隊每每落後就好難翻到身； 第二個大問題就係防中同中堅之間個分工點，我地中堅不論堅尼，葛菲或賀基治都慣性縮後，而防中位禁區頂隨住中堅退得太後，令到呢個位置經常出現真空