主場對韋斯咸 10/17號 9.00pm

愛華戰士

主場輸當然失望。有幾樣講到口臭，伊禾比真係廢到無倫，啲傳射控波喺意識上同實際同隊友配合上都硬係格格不入。應比就帶，應讓就夾硬射。格雷同唐辛有疲態；堅尼今日幾下論盡到得人驚，葛菲中堅事實又打唔到一夫當關嘅效果，有幾下波明明可以冷靜處理但選擇一腳解圍- 始終少踢呢個位置。 最後10分鐘應該壓上去時睇到堅尼近乎走唔郁（安東尼奧追完個波踢喺度翻身追都差啲快過堅尼）。整體講11個正選都踢唔出自己最佳水準，輸波無得怨。