聯賽第三場作客白禮頓

愛華戰士

Gray!!! Goal

愛華戰士

今場又係唔可以話發揮得好好但至少踢落有紋有路，球員真係知道自己要做乜野。阿倫杜古希其實係安76針對我地隊波最重要嘅改善點，一對可靠嘅中堅屏障。上屆好景不常係佢2個輪住傷，加上進攻踢法上真係無乜突破點。肥賓入2個勤走動同左右腳都可傳可射嘅格雷同唐辛，即時將成個進攻變得立體，唐辛同格雷今場其實要挑剔嘅都可以話佢地唔太搶鏡，至少喺進攻端上，格雷有1-2 下自己扣得略嫌多左啲；唐辛亦做唔到咩落底或傳中，不過前者入一球，後者多次推波搏到罰球，更重要係唐辛好勤力協防，感覺上佢可以同高文輪流上，呢下可以大大減輕高文防守壓力。今場幾個進攻球員其實都唔算打得好，李7明顯疲態，同急燥；dcl 心口控幾球控到離行離列，伊禾比後備落黎有幾腳個處理睇落較上季係精準左，至但係到埋門果下仲係差啲。米高堅尼今場其實仲係無乜亮點，相對賀基治參與度仲比堅尼高。

愛華戰士

高文國際賽又傷

愛華戰士

葛菲係隊中速度最高, 對抗性接近最強O既防守球員，上季葛菲初黎報到，客串右閘幾場表現係好一般。講真當時成條防線鬆散散，中場個串連補位又差....要一個新人黎到打個閘位又攻又守.....仲要上季占士挨住右邊踢.......加上個中堅位又唔穩.....自然會踢到唔湯唔水......之後見葛菲客串左閘.....OK 喎。
不過我個人覺得葛菲本身應該係偏向踢中堅........希望賓帥會比個穩定位置佢踢....我地中堅太弱.....葛菲雖然之前踢中堅都未算有太好表現....之但係今屆中場如果保持到頭幾場個專注度同迫搶......中堅照計只要穩返D 就可見到功效。

KENNY 唔使諗....高文傷我認為一係搵賀基治頂....再唔係可能要湯戴維斯去客串下。....右路個助攻力一定會減弱左.....之但係保住個防守先會重要D

愛華戰士

barker 發表於 2021-9-7 11:12
spurs Aurier 不如簽佢返嚟試下( 他係自由身 )

條友可以比摩連奴同埋紐奴棄用...相信踢法上一定係有D 問題。
如果佢肯一年短約，2萬鎊周薪.....比佢頂下我覺得都可以。但如果要夾硬簽三幾年....仲要OVER 5 萬鎊....以長遠考量......佢又好似唔太穩陣.....助攻上又唔見銳利。要簽唔係問題，要簽得精明。

我覺得以往薜迪比, 什至乎馬天拿.....當時踢右閘都其實過得去。

愛華戰士

barker 發表於 2021-9-7 16:53
佢點都好過 kenny 卦 ？

kenny 身型矮細，速度又一般，傳球助攻力一般。24歲之齡仲撼動唔到32 歲嘅高文，留隊仲會有前途嗎？ 呢類二線球員坐多過踢，但一直唔想方法提高自己水平，正常都要狂操大隻，加強身體條件。仲有一個類似嘅就係gordon , 身型單薄到，唔係廿幾年前傑斯麥馬拿文果個年代啊，速度力量身型技術，少咁樣都唔夠爭