聯賽第三場作客白禮頓

laukarwing

Forever_Fan 發表於 2021-8-28 23:37
李察今日真係太急躁， 剛剛嗰球唔傳自己射就算，射到唔知去左邊就太急躁了就 ...

嗰球真係可以處理得好啲！

Fuko~

搞咁多年，原來呢類高速反擊先啱我哋踢。3場7分，莫財之下，球員自己打番應有嘅表現。或者我地要換嘅人唔係想像咁多…但睇咗三場，allan同杜古希真係唔傷得。

laukarwing

Forever_Fan 發表於 2021-8-28 23:53
估計阿廸達好快就被人炒了，阿仙奴包尾幾耐未見過，今日仲要被曼城炒5球

希望球迷們能夠給阿廸達一些耐性。建立一隊波係需要時間，唔係一兩季就係奪標熱門！

Forever_Fan

Fuko~ 發表於 2021-8-29 00:04
搞咁多年，原來呢類高速反擊先啱我哋踢。3場7分，莫財之下，球員自己打番應有嘅表現。或者我地要換嘅人唔係 ...

其實搞咁多年，咪就係老莫嗰套簡單直接的戰術最啱我地.....

laukarwing

Fuko~ 發表於 2021-8-29 00:04
搞咁多年，原來呢類高速反擊先啱我哋踢。3場7分，莫財之下，球員自己打番應有嘅表現。或者我地要換嘅人唔係 ...

同意

Forever_Fan

laukarwing 發表於 2021-8-29 00:09
希望球迷們能夠給阿廸達一些耐性。建立一隊波係需要時間，唔係一兩季就係奪標熱門！ ...

3場0分排包尾，加上上季又爭取唔到歐洲賽，董事會邊有可能再俾時間佢丫....

laukarwing

Forever_Fan 發表於 2021-8-29 00:12
3場0分排包尾，加上上季又爭取唔到歐洲賽，董事會邊有可能再俾時間佢丫.... ...

既然係咁，當初就唔好請阿廸達。
莫耶斯都要用至少六季才能將愛華頓變成踢歐洲賽常客。更何況係佢！

Forever_Fan

laukarwing 發表於 2021-8-29 00:22
既然係咁，當初就唔好請阿廸達。
莫耶斯都要用至少六季才能將愛華頓變成踢歐洲賽常客。更何況係佢！
...

當你知道阿仙奴今季花1.3億英鎊，3年花3.6億英鎊買人，排名不升反跌，活脫脫係前幾季的我地，阿廸達無可能無責任，佢太年輕，始終要浸多幾年儲下經驗先

愛華戰士

今場又係唔可以話發揮得好好但至少踢落有紋有路，球員真係知道自己要做乜野。阿倫杜古希其實係安76針對我地隊波最重要嘅改善點，一對可靠嘅中堅屏障。上屆好景不常係佢2個輪住傷，加上進攻踢法上真係無乜突破點。肥賓入2個勤走動同左右腳都可傳可射嘅格雷同唐辛，即時將成個進攻變得立體，唐辛同格雷今場其實要挑剔嘅都可以話佢地唔太搶鏡，至少喺進攻端上，格雷有1-2 下自己扣得略嫌多左啲；唐辛亦做唔到咩落底或傳中，不過前者入一球，後者多次推波搏到罰球，更重要係唐辛好勤力協防，感覺上佢可以同高文輪流上，呢下可以大大減輕高文防守壓力。今場幾個進攻球員其實都唔算打得好，李7明顯疲態，同急燥；dcl 心口控幾球控到離行離列，伊禾比後備落黎有幾腳個處理睇落較上季係精準左，至但係到埋門果下仲係差啲。米高堅尼今場其實仲係無乜亮點，相對賀基治參與度仲比堅尼高。

Forever_Fan

愛華戰士 發表於 2021-8-29 01:07
今場又係唔可以話發揮得好好但至少踢落有紋有路，球員真係知道自己要做乜野。阿倫杜古希其實係安76針對我地 ...

大致上同意，但唐辛可能年齡較大，賓帥可能想讓佢專注係防守方面，進攻為副，反而Gary年輕，就讓佢側重進攻多一些，這從佢場上的走動範圍可以睇得出。伊禾比係龍門前成日老鼠拉龜咁唔知做乜，反而引波上前還可以。另外我地進攻好似太側重左邊，右邊反而用得不多，應該平衡一下兩邊的進攻，對方往往屯重兵係左邊就搞到我地的推進窒哂步。