愛華頓 2021-2022轉會討論區及賽季總結

愛華戰士

其實都無得怪人，隊波管理層自從莫耶斯之後大部份O既收購都係接近無表現O既....而且仲要用好高人工簽返黎。
真係叫無入錯O既.....基本上只係得盧卡古, 甸尼, 李察利臣,基耶等幾件。

你問我其實過去講十年係咪無入到好球員？我又唔會覺得無好球員
名氣大O既又施格臣, 艾朗連儂, 禾確特, 保拿斯, 伊禾比, 積拉域, 米拉拿斯, 比耶列甸洛夫, 卡拉臣, 辛度拉美利斯,比錫, 奇法利, 施拉達連, 賓納特.... 到宜家堅恩.....我都唔去負評什麼米高堅尼, 碧福特呢D.........以上基本上全部打唔返原本球會O既表現。( 但過黎人工個個都唔低。)

講到尾就係呢十幾年基本上無一個領隊幫隊波打到個隊型同踢法出黎....( 包括安察洛提都無) .....歷史留惡名O既我地一定要數朗奴高文呢條契弟，買埋D 垃圾返黎。
以上呢班球員其實本身係有質素.....之但係無一個隊型建構到比佢地去發揮.....。再有D 又真係踢法上獨食, 又有D 易傷....總之就係各有問題。
我本身最唔明係.....球隊點解經常高價O係D 所謂BIG6 隊入面入埋D 踢唔上主力而就算出場都無出色表現O既球員返黎。...我明我地曾經O係曼聯入過候活同菲臘仔.....候活綜合O係愛記表現我覺得係可以O既，菲臘仔唔算太出色...不過作為通天老倌....我都認為滿意。......可能因為呢個經歷....令球隊不斷去嘗試買呢D 原球隊打唔上主力O既球員︰
(熱刺)艾朗連儂
(阿仙奴) 禾確特, 伊禾比
(曼聯)奇法利, 舒拉達連, (好似仲有個光頭佬 DARREN)
(曼城) 德夫
結果係點.....大家有眼睇....

愛華戰士

ngkk821 發表於 2021-9-1 10:16
J洛唔適合賓帥的戰術，出場的機會好低，我估要等到冬季轉會窗才能成事。
朗當其實做後備OK，衝得撞得，有 ...

要睇球員心態....講真肥賓之前同占士講到咁白其實對大家都係好事.....比時間球員搵新東家。
但到左呢一刻.....轉會市場關閉.....球員心態仲覺唔覺得自己係球隊一份子其實好重要，當然領隊都應該要接受占士係其中一員...公平比機會佢.....以占士的卡士.....話佢完全無用又係唔應該O既.....不過占士都要接受到....宜家國家隊都棄用佢.....佢30 歲踢法上係有D 難夾.......如果佢努力練習.....我覺得一個輪換或後備輔鋒角色佢仲有一席之地。佢O既長傳, 遠射, 死球能力仲O係度O既。

愛華戰士

想講下甸尼單野。
作為過去幾季出勤率接近最高O既球員.....助攻, 制造機會呢D 數據又係隊中前列.....作為球迷....我認為至少應該比返個尊重甸尼，球員選擇離隊....其實同打工仔離開一間公司一樣....外人睇甸尼O係愛華頓算高薪....拎住咁O既人工....唔代表佢嗌離隊就係什麼養唔熟....反骨....。事實上打工仔如果個上級唔咬弦.....真係無得夾....唔走就只能做矮仔。甸尼自己知28 歲當打....仲係法國國家隊球員.....以一個球員黎講.....轉會尋找另一個高峰係人之常情。我認為甸尼表現對得住球會比佢O既薪金有餘，至少比伊禾比, 堅尼, 呢D 好好多。
球員有離心, 嗌走人.....球會都無謂勉強留.....當然你問我27M 呢個價我認為就係太低.....不過正如D 報導都講....出面D 球會知你個球員同球會嗌大交....球會又無錢....呢個時間一定壓你價....27M 走到...當一個甸尼換2個後生閘返黎....單DEAL 都唔算壞事黎。

從戰術層面黎睇. 我之前都有提過.....甸尼無錯係助攻力強....不過挑剔D 講....佢防守力唔算好穩....以上季比狼隊個查奧爾狂爆果場睇.....甸尼輸身型。加上我地對中堅實在太弱....呢幾季甸尼上左去助攻.....返唔切就真係會令隊波個防守出問題.....假如肥賓係希望減少兩閘助攻....求穩再動.....咁甸尼又真係留唔得。

點都好....我希望球迷下次主場對維拉見到甸尼時唔好柴佢台。畢竟甸尼係近幾季表現最好O既愛華頓球員。

愛華戰士

伊禾比如果有低組別或其他聯賽肯借，愛記比返7成人工都照借走啦。毫無狀態，當比埋錢人地教仔啦，留隊後備打果幾分鐘要黎托咩。

愛華戰士

維拉租黎呢隻翼聽聞唔係肥賓想要，而係班主話要。講真係猛料嘅謝拉特唔會放，借黎唔覺有大作用