|
|
發表於 2021-5-24 09:41:58
|
顯示全部樓層
五味雜陳的一季......開季時的確係滿有期待.....事實季初亦係打出一輪強勢.....進攻算有層次.....有紋有路。可惜隨住傷停賽....陣容天殘地缺下......最終第10 呢個排名真係令球迷失望。
如果只論積分或者贏波場數....38場贏到17場....又唔可以話太差....之不過有一樣野球迷一定唔收貨O既其實係好多場比場踢出黎O既水準實在係慘不忍賭。唔好話我地對曼城呢D 踢到好似差左幾班波....就算係對住D 中下游對手.....莫講話老鼠拉龜.....實情係龜拉老鼠。
大家都明白一個近乎半退休O既失意兵占士係無可能一人救到隊波....只不過我地真係期望有呢類世界級球員係可以激活到D 進攻火花出黎....怪只能怪原有班底水準真係太低。唔想總係批評隊波....之不過無論左右前中後今屆打出黎真係好撚有神無氣....中前場根本無球員有信心現身去策劃進攻....左路甸尼無錯係好勤力助攻....但成個感覺係佢要單打獨鬥開上去闖....好乏力....而且開到上去傳中落點一係就唔到....一係就隊友無現身搶點.....總之就係得個跑字。
防守都無謂多講.....賀基治可以宣佈放棄....今屆多場自爆
唔好特別怪阿倫同杜古希.....佢兩個都係屏障型.....好多時攞到波都搵唔到前方隊友....好難要求佢地太多。
李7 今屆明顯係低潮....移入中路本身未必唔合適....但只能怪佢身後的攻中比唔到太多支援佢.....入利記接應占士果下直線係寫照.....佢走位同球感好....就係要偷呢D 半步波至發揮到佢威力....
宜家另一個尷尬位就係....講入球助攻數據....施格臣唔會差過占士好多....但運動戰黎講....施格臣O係組織進攻上又真係形同虛設.....當然占士同樣係無左速度同過人突破力...而且防守同樣差.....下屆如果要揀一個用.....應該用邊個好？定兩個都要放棄？
DCL 季尾又係打到一PAT 屎.....
其餘什麼伊禾比, 賓納特, 德夫, GABMIN, 高美斯......真係講都嘥口水......咁O既料....仲留用就真係奇？！
|
|
樓主
