今晚 vs 般尼 ( 主場 )

ginger

唔好望人啦，自己都踢得差，開波前都話今場冇攻中難搞，仲要人地入兩球中遠距離平時般尼邊有依啲波。條中場真係得啖笑，鵝比仲好意思講想打自己中意嘅位，大佬連個波都控唔掂面對面都傳唔到波點搞。高美斯又係令人失望，要防守冇防守，射波永遠冇腳好，要進攻又淨係識背住個龍拖慢節奏駁下腳，基本上作用不明人人都可以代到佢。

愛華戰士

再一次係水準以下O既表現....今季已經三番四次踢呢D 主場波比球迷睇。
之前都講過好多次愛華頓總係打唔出穩定性演出.....我今季都好少插安察洛提...但次次主場輸完就一味話要LEARN 要改善...但次次返黎個表現都仲係咁。

今季我地究竟幫左幾多隊波反底？.....其實上場輸比車仔...居然比一個被視為本季水貨O既哈弗斯反底我已經覺得好X 大問題.....條友單薄....基本上其餘英超隊對住佢只要硬淨拍佢....條友已經收皮.........但對住我地竟然打出全季最佳表現.....原因就係我地個聯防MARK 人一團糟！
今場輸....第二球人地真係靚扣靚射....心服口服.....但第一球輸得頗肉酸.....左路一個傳中又係唔湯唔水解圍....比人禁區邊控定射.........
失完2球仲有人地一下快射中柱.........你老闆真係....對般尼呀！踢D 咁O既波！

講過無數次....我地條中場基本上無貨O既.....高美斯, 伊禾比真係出黎等如打少個....要黎做乜？
大家有心睇下尋晚李斯特城5-0 炒錫菲聯啲攻勢........人地中場一樣係天殘地缺...無麥迪臣無班尼斯....但人地個中場運轉不知幾流暢....D 反擊不知幾到肉...
D 防中同樣係自己搵到食....能攻擅守...又射得。相反我地D 中場個個都只係單一功能....仲要無KEY PASS 同射門.....講到尾人地要守我地....基本上封左李7 ...唔比佢上腳.....再位置上貼住DCL....唔比佢搶點.....已經阻到我地9 成入波機會.....最多封埋甸尼左路出波就十拿九穩！....試問咁既波.....憑咩打歐聯？！

愛華戰士

拖肥1878 發表於 2021-3-14 03:37
呢9分唔失，依家55分做阿二啦！！

師兄，沒有落袋O既就唔係我地O既分數。鬼叫自己唔爭氣....有乜辦法

Fuko~

愛華戰士 發表於 2021-3-15 10:45
再一次係水準以下O既表現....今季已經三番四次踢呢D 主場波比球迷睇。
之前都講過好多次愛華頓總係打唔出穩 ...

因為最近愛隊啲波都係深夜，我少睇咗好多。
高美斯同湯仔，我覺得只係比上不足，兩個都有係進攻上交過key pass, 湯仔個球仲入咗。

呢場我會睇到嘅係球隊受壓個陣打唔番對強隊明守你嘅鬥志。又或者再進一步講係呢幾年我地隊波機動性太差，變相對住呢啲弱隊打快個段就守唔到。
亦都印證到杜古希個重要性同我哋Allan另一個中場選擇嘅問題。當然我哋右路進攻長期隱形更大問題...

ngkk821

同意師兄嘅說法，有左無右，其實對方全力防守Digne唔比佢出波，右邊擺明任你斬而唔比你落底線，這樣的話，比你有歐洲賽都唔會有好成績。Iwobi今場唔係唔努力，但真係打得比施古臣更差，我唔明點解留iwobi而借走哥頓，可能安帥睇到我們睇唔到嘅潛能啦。