作客般尼

愛華戰士

2分鐘已失波

愛華戰士

阿倫踢落唔係好對路

愛華戰士

3中堅都無個主動壓上去搶嘅，全部都係企定定等對手埋，咁點防

愛華戰士

明顯個發揮係打返4人防線好過3中堅，3中堅時中場中完全唔夠人，阿倫同杜古希根本無辦法運個波上前。被迫打返4人防線中場多多個（高美斯）立即令中場用波能力提高，變相釋放李7同占士

愛華戰士

我諗球迷除左想講粗口外都唔知應該講乜。般尼已經弱到一個點。我地嘅進攻真係不知所謂。自己交失嘅波都數唔出咁多。右路伊禾比啲傳送決定同落點又係得個差字去形容。李7今場踢到沒精打彩！唔係對手攻力水皮，今場真係連1分都唔值得拎！

愛華戰士

我經常有睇球會擺上youtube 啲練波片，次次只擺啲射極都入，短傳猜馬騮。究竟班波點樣操體能？同埋究竟有無練迫搶同盤帶？阿倫喺拿坡里係可以cool波帶生，黎到宜家拎個波慌失失無晒統治力。睇得出佢體能明顯跌左。一周一賽體能居然跌到咁，我真係好懷疑個操練強度！同埋啲球員落場完全無飢渴感，好啲嘅得卡法路雲，個個交行貨真係睇到球迷火都黎

愛華戰士

好認同幾位提出嘅451 或4411 陣係呢個零兩個月最合理嘅配置。右閘以湯戴維斯打，左閘出新仔會好過葛非。防中阿倫搭杜古希（一定要比時間佢2個熟習呢套運作），右翼呢刻用伊禾比，左翼李7。攻中占士。我係唯有咁擺至唔會見到明顯大漏洞。

愛華戰士

再補充，占士阿倫一定唔係水貨。大家見占士尋日燙射同比施格臣個直線。不過明顯占士幾下右路轉左力水唔夠同套路已比人洞悉左，占士體能同速度都唔夠，要提升同改下踢法。讚同大家講我地隊波缺乏跑動型球員，真係好可惜，我睇云正選後備咁多個，其實無一個係呢類型。孫興敏，文尼，史端寧，希姆雲拿，華迪，大家一睇就知呢家波我地幾咁缺乏。

愛華戰士

宜家最令球迷失望嘅我覺得唔係贏唔到般尼，而係比賽過程中我數到嘅都不下5次以上，我地班波由左右路交下交下個波交返比龍門！作為球迷呢啲真係極失望。其實有好幾球我睇到只要中堅傳波快啲，閘位球員早啲甩波，或者球員預留啲位比隊友做三角猜傳，啲波絕對唔需要交比龍門，但結果係明明可以猜上腳，最終要變左龍門大腳解圍失左控球權。真心屌，我寧願你堅尼呢啲中堅位放2邊直線比dcl 去撞下都好過