應唔應該炒馬天尼斯

Graveson

各位師兄大家好，我係新加入討論區嘅，希望大家多多包涵。

捧咗球隊30幾年，除咗當年80年代稱霸時期，呢隊算最強陣容，眼見馬天尼斯教到一塌糊塗，真係好燥！

去邊度可以搵個領隊，唔識排陣，唔識調動，球隊打法完全唔適合英超踢法，冇防守意識，買人番嚟亦唔符合自己打法理念，仲要滿咀689式語言偽術，將喺莫耶斯年代每年前七，備受尊重嘅球隊，淪為韋根之流嘅笑柄。需知英超而家商業味濃，排名直接影晌球會收入，貧富懸殊，您隊波排晌前列，您永遠會得到前列嘅收入，相反一旦淪為下半版球隊，您嘅收入就只能支撐您護級。我地由以前同熱刺利狗爭逐，由上季開始到而家就變咗同西布朗、新特蘭、紐卡素之流打中遊以至護級，家陣連韋斯咸、史篤城、修咸頓都大幅拋離我地，全部都係馬天尼斯一手做成！